I Phung Hađăch 8:14 - Nau Brah Ndu Ngơi 2023

¹⁴ Jêh ta nây hađăch rle muh măt păng, ăn nau ueh uĭn ma lĕ rngôch phung Israel tâm rƀŭn, dôl lĕ rngôch bunuyh dâk nsrâng.

I Phung Hađăch 8:14 ပူးပေါင်းရင်းမြစ်များ

II Samuel 6:18

Tơlah Y-Đavit hŏ nhhơr ndơ ƀư brah gŭch jêh ri ndơ ƀư brah ma nau đăp mpăn lôch jêh, hađăch sŏk amoh Brah Yêhôva ma phung tahan gay ăn nau ueh uĭn ma phung ƀon lan;

I Nau Rêh Jêng 16:2

Tơlah Y-Đavit hŏ nhhơr ndơ ƀư brah gŭch jêh ri ndơ ƀư brah ma nau đăp mpăn lôch jêh, Y-Đavit sŏk amoh Brah Yêhôva gay ăn nau ueh uĭn ma phung ƀon lan.

II Nau Rêh Jêng 31:8

Lah Y-Hêsêkia jêh ri phung kôranh văch tât jêh ri uănh saơ âk mbŭch bu bun ndơ nhhơr, khân păng tâm rnê ma Brah Yêhôva jêh ri ăn nau ueh uĭn ma phung ƀon lan Israel.

II Nau Rêh Jêng 6:3

Jêh nây hađăch rle muh măt păng jêh ri ăn nau ueh uĭn ma lĕ rngôch phung Israel, tâm nôk lĕ rngôch phung Israel tâm rƀŭn dâk nsrâng.

II Nau Rêh Jêng 7:6

Phung kôranh ƀư brah gŭ dâk tâm ntŭk khân păng. Bi phung Lêvi djôt gong dŏng ma Brah Yêhôva, jêng ndơ hađăch Đavit hŏ ƀư jêh gay tâm rnê ma Brah Yêhôva, ăp tơ̆ Y-Đavit ntĭnh ma khân păng tâm rnê: “Yorlah nuih n'hâm ueh Păng hôm ƀaƀơ n'ho ro!” Phung kôranh ƀư brah uh nŭng tanăp măt khân păng, jêh ri lĕ rngôch phung Israel gŭ dâk.

Nêhêmi 8:7

Y-Jêsua, Y-Bani, Y-Sêrêbia, Y-Jamin, Y-Akup, Y-Sabêthai, Y-Hôdia, Y-Maseya, Y-Kêlita, Y-Asaria, Y-Jôsaƀat, Y-Hanan, Y-Pêlaya jêh ri phung Lêvi rblang ma phung ƀon lan gĭt rbăng nau vay, bi phung ƀon lan hôm e dâk ta ntŭk khân păng.

Nêhêmi 9:2

Phung Israel hŏ nkhah bơh phung bu năch, dâk da dê mbơh nau tih khân păng nơm jêh ri nau djơh mhĭk bơh phung chô yau khân păng.

Nau Mprơ Ơm 118:26

Khư mprơ tâm rnê ma Nơm văch tâm amoh Brah Yêhôva! Bơh ngih Brah Yêhôva hên tâm rnê ma May.

Nau Ngluh Êjipt 33:10

Lah saơ n'gâng tŭk gŭ ta mpông Ngih Bok, lĕ rngôch phung ƀon lan dâk da dê, jêh nây ăp nơm yơk mbah ta mpông Ngih Bok păng nơm.

Mathay 13:2

Phung ƀon lan âk ngăn tâm rgum jŭm Păng, kŏ tât Păng ncho plŭng gay gŭ, bi phung ƀon lan gŭ dâk ta kơh.

Yôsuê 22:6

Jêh nây Y-Yôsuê ăn nau ueh uĭn ma khân păng jêh ri ăn khân păng sĭt. Lĕ rngôch sĭt ma ngih bok khân păng nơm.