I Phung Hađăch 8:12 - Nau Brah Ndu Ngơi 2023

¹² Nôk nây, Y-Salômôn mbơh sơm: “Brah Yêhôva hŏ ntăm jêh pô aơ Păng gŭ tâm ndâr tŭk mbâl.

I Phung Hađăch 8:12 ပူးပေါင်းရင်းမြစ်များ

II Samuel 22:10

Păng n'glưh lơi trôk jêh ri jŭr gŭ; Tâm dâng jâng Păng geh ndâr tŭk krăk mbâl.

I Phung Hađăch 8:11

kŏ tât yor ndâr tŭk nây phung kôranh ƀư brah mâu dơi dâk ôh gay pah kan nhhơr, yorlah nau chrêk rmah Brah Yêhôva lĕ bêng ma ngih Brah Yêhôva.

Nêhêmi 8:5

Y-Êsra pơk ndrom samƀŭt tanăp lĕ rngôch phung ƀon lan, yorlah păng dâk prêh lơn khân păng; jêh ri tơlah păng pơk ndrom samƀŭt lĕ rngôch ƀon lan dâk da dê.

Nau Mprơ Ơm 97:2

Ndâr tŭk jêh ri nau ngo mbâl nchueng jŭm Păng, Nau sŏng srăng jêh ri nau di ƀư mbon ma sưng hađăch Păng.

Nau Ngluh Êjipt 20:21

Phung ƀon lan gŭ dâk ngai, bi Y-Môis hăn dăch ndâr tŭk mbâl, ta ntŭk Brah Ndu dôl gŭ.

Êsai 45:15

Ơ Brah Ndu, Nơm tâm rklaih phung Israel. Nanê̆ May jêng Brah Ndu pôn may nơm!

Kan Lêvi 16:2

“Ăn may lah hom ma Y-Arôn, nâu may pô aơ, mâu geh lah dah ŭch lăp tâm Ntŭk Dŭt Kloh Ueh tâm trôm blah bok, tanăp ndrŭp nau yô̆ an ta klơ Hip Nau Tâm Rnglăp, tơlah mâu tông mra khĭt yơh, yorlah Gâp mra tâm mpơl tâm ndâr tŭk ta ndrŭp nau yô̆.

Nau Vay Nkah Tay 4:11

Jêh nây khân may văch dăch jêh ri dâk ta jâng yôk, dôl ta klơ yôk ŭnh hit hao prêh kŏ tât ta trôk, ma ndâr tŭk thŭl krăk, nau ngo nkŭm.

Nau Vay Nkah Tay 5:22

Nây jêng lĕ nau ngơi tă bơh klơ yôk, Brah Yêhôva hŏ ngơi bâr huy ntĭnh ma lĕ rngôch phung Israel tâm rƀŭn luh bơh ŭnh, nklang ndâr tŭk krăk kher ngo klĕng. Păng mâu hôm ntop nau êng ôh ƀiălah Păng nchih lĕ nau nây ta bar rlat lŭ jêh ri jao ma gâp.

ហេឞ្រើ 12:18

Khân may mâu hăn dăch ôh ta yôk dơi tât, mâu đŏng hăn dăch chiông ŭnh hit, mâu lah ntŭk ngo klĕng, chuê chuăng mâu lah nau sial vănh blông,