I Phung Hađăch 8:1 - Nau Brah Ndu Ngơi 2023

¹ Nôk nây, hađăch Salômôn kuăl rgum phung bu ranh Israel, lĕ rngôch phung kôranh ndŭl mpôl jêh ri kôranh rnăk vâl phung ƀon lan Israel plơ̆ sĭt ta Yêrusalem, gay tung Hip Nau Tâm Rnglăp Brah Yêhôva tă bơh ƀon Đavit, jêng Siôn.

I Phung Hađăch 8:1 ပူးပေါင်းရင်းမြစ်များ

II Samuel 6:6

Tơlah khân păng tât ta ntŭk mprah ba Y-Nakôn, Y-Usa yơr ti kuăn Hip Nau Tâm Rnglăp Brah Ndu, yorlah ndrôk chêh jâng.

I Phung Hađăch 2:10

Y-Đavit khĭt ndrel ma phung chô yau păng nơm jêh ri bu tâp păng tâm ƀon Đavit.

I Phung Hađăch 3:15

Y-Salômôn kah rngăl, gĭt nây jêng nau mbơi. Jêh nây hađăch plơ̆ sĭt ma Yêrusalem, dâk panăp Hip Nau Tâm Rnglăp Brah Yêhôva, nhhơr ndơ ƀư brah gŭch jêh ri ndơ ƀư brah ma nau đăp mpăn. Jêh nau nây, hađăch ƀư du nau nhêt sông ma lĕ rngôch phung oh mon păng.

I Nau Rêh Jêng 11:7

Y-Đavit gŭ ta pôih nây, yor nây bu ntơ ma ntŭk nây ƀon Đavit.

I Nau Rêh Jêng 15:25

Pôri, Y-Đavit jêh ri phung bu ranh Israel jêh ri phung kôranh ma du rbăn nuyh tahan hăn hao ngih Y-Ôbet-Êđôm, hăn vơt Hip Nau Tâm Rnglăp Brah Yêhôva plơ̆ sĭt tâm nau răm maak.

I Nau Rêh Jêng 15:29

Dôl Hip Nau Tâm Rnglăp Brah Yêhôva tât ma ƀon Đavit, ur hađăch jêng H'Mikal, kon bu ur Y-Sôl, n'gơr uănh ta mpông bloh jêh ri saơ hađăch Đavit pâl ntalơ̆ răm maak, tâm trôm nuih n'hâm păng mưch ma hađăch.

I Nau Rêh Jêng 15:3

Y-Đavit tâm rƀŭn lĕ rngôch phung Israel ta ƀon Yêrusalem, gay tung leo Hip Nau Tâm Rnglăp Brah Yêhôva ma ntŭk păng dăp nkra jêh.

I Nau Rêh Jêng 28:1

Y-Đavit kuăl rgum lĕ rngôch phung kôranh toyh phung Israel văch ta ƀon Yêrusalem geh phung kôranh ndŭl mpôl, phung kôranh mpôl pah kan ma hađăch, kôranh chiă uănh toyh ma du rbăn nuyh tahan jêh ri di rhiăng nuyh tahan, phung kôranh mât uănh drăp ndơn jêh ri mpô mpa hađăch rong, phung kon bu klâu hađăch, ndrel ma phung kôranh bu char jêh ri phung tahan janh ktang.

II Nau Rêh Jêng 30:1

Y-Hêsêkia njuăl phung mbơh hăn tât ma lĕ rngôch phung Israel jêh ri phung Yuđa; păng nchih đŏng samƀŭt njuăl ma phung Êphraim jêh ri phung Manasê, gay jă khân păng văch tât ma ngih Brah Yêhôva ta ƀon Yêrusalem gay kah gĭt rƀŭn Nau Găn ma Yêhôva Brah Ndu Israel.

Êsra 3:1

Tât khay pơh, tơlah phung Israel hŏ gŭ jêh tâm lĕ ƀon khân păng nơm jêh, pôri phung ƀon lan tâm rƀŭn tâm ban du huê bunuyh ta ƀon Yêrusalem.

Nau Mprơ Ơm 102:21

Tâm ban pônây, bu mbơh amoh Brah Yêhôva tâm Siôn, Jêh ri mprơ tâm rnê Păng ta ƀon Yêrusalem,

Nau Mprơ Ơm 9:11

Mprơ tâm rnê hom ma Brah Yêhôva jêng Nơm gŭ tâm ƀon Siôn! Mbơh hom nau kan Păng ta nklang phung ƀon lan.

Êsai 28:16

Yor nây, Kôranh Brah jêng Brah Yêhôva lah pô aơ: “Aơ, Gâp dơm ta Siôn du mlâm lŭ, Jêng lŭ rlong uănh, lŭ njônh ngih, lŭ khlay, Ƀư mbon nâp ktang Gay ma mbu nơm chroh mâu mra rŭng răng ôh.

Êsai 46:13

Gâp njŭn nau sŏng srăng Gâp văch dăch, păng mâu gŭ ngai ôh, Nau Gâp tâm rklaih mâu mra gŭ kâp jŏ ôh. Gâp mra ăn nau tâm rklaih tâm ƀon Siôn, Ăn nau chrêk rmah Gâp ma phung Israel.”

Nau Kơp Bunuyh 1:4

Tâm ăp mpôl bunuyh ăn geh du huê bunuyh mra kâp kơl khân may; nơm nây jêng bunuyh ƀư kôranh ndŭl mpôl.

Yôsuê 23:2

Y-Yôsuê kuăl rgum lĕ rngôch phung Israel, phung kôranh bu ranh, phung kôranh chiă uănh, phung kôranh phat dôih, jêh ri kôranh tahan khân păng jêh ri lah pô aơ: “Aƀaơ ri gâp lĕ ranh, gŭ rêh jŏ năm jêh.

Yôsuê 24:1

Y-Yôsuê tâm rƀŭn lĕ rngôch phung ndŭl mpôl Israel ta ƀon Sichem, jêh ri păng kuăl rgum phung bu ranh, phung kôranh chiă uănh, phung kôranh phat dôih jêh ri phung kôranh tahan Israel, jêh ri mpơl măt khân păng nơm panăp Brah Ndu.

I Pêtrôs 2:6

Yorlah Nau Brah Ndu Ngơi nchih: “Aơ, Gâp dơm ta Siôn du mlâm lŭ, Lŭ njônh ngih Gâp săch jêh ri khlay ngăn; Mbu nơm chroh lŭ nây mâu đit prêng ôh.”