I Phung Hađăch 7:48 - Nau Brah Ndu Ngơi 2023

⁴⁸ Y-Salômôn ƀư đŏng lĕ rngôch ndơ dŏng tâm ngih Brah Yêhôva geh: nơng ƀư brah ma mah, sưng n'gân piăng let nhhơr ƀư đŏng ma mah;

I Phung Hađăch 7:48 ပူးပေါင်းရင်းမြစ်များ

II Phung Hađăch 12:13

Ƀiălah bu mâu dŏng ôh prăk hŏ nhhơr jêh tâm ngih Brah Yêhôva, gay ƀư ngan grưng ma prăk, katrei nkăp brai ŭnh kađen, khăl, nŭng, mâu lah lĕ ndơ êng ma mah, ma prăk, dŏng tâm ngih brah Brah Yêhôva.

II Phung Hađăch 24:13

Di ngăn nâm bu nau Brah Yêhôva hŏ lah, hađăch Babilôn sŏk lĕ rngôch drăp ndơ khlay tâm ngih Brah Yêhôva jêh ri lĕ drăp ndơ khlay tâm ngih hađăch, mbang nchah lĕ ndơ dŏng ma mah, Y-Salômôn, hađăch Israel, hŏ ƀư jêh ngih brah ma Brah Yêhôva.

II Phung Hađăch 25:15

Kôranh phung tahan gak sŏk đŏng jêh ri djôt leo lĕ khăl gŭch ndơ ƀâu kah, ngan grưng, jêh ri lĕ ndơ ma mah, ma prăk.

II Nau Rêh Jêng 4:19

Y-Salômôn ƀư jêh lĕ rngôch ndơ dŏng tâm ngih Brah Ndu geh: nơng ƀư brah ma mah, lĕ sưng n'gân piăng let nhhơr;

II Nau Rêh Jêng 4:8

Păng ƀư đŏng jât mlâm sưng dơm tâm ngih brah: prăm mlâm pa ma jêh ri prăm mlâm pa chiau. Păng ƀư đŏng du rhiăng mlâm ngan grưng ma mah.

Ndrom Samƀŭt bơh Yôp 28:1

“N'hêl nanê̆ dơi geh ntŭk gay ma sŏk prăk, Geh ntŭk gay ma krĕt mah.

Nau Ngluh Êjipt 39:36

sưng jêh ri ndơ dŏng ma sưng jêh ri piăng let nhhơr;

Nau Ngluh Êjipt 39:38

nơng ƀư brah ma mah, dak ƀâu kah mhĭng, ndơ ƀâu kah, blah bok ta mpông ngih bok;

Nau Ngluh Êjipt 40:26

Păng dơm đŏng nơng ƀư brah ma mah tanăp blah bok tâm Ngih Bok Nau Tâm Rƀŭn

Êsêkiêl 40:39

Tâm nhuang panăp mpông pêr, geh bar mlâm sưng ăp pŭng, ta klơ nây bu nkhĭt lĕ mpa ƀư brah dŏng ăn ndơ ƀư brah gŭch, ndơ ƀư brah chuai nau ƀư tih jêh ri ndơ ƀư brah chuai nau tih.

Êsêkiêl 40:42

Geh đŏng puăn mlâm sưng ma lŭ n'gong dŏng ăn ndơ ƀư brah gŭch, jong n'gul met, dĭ pơh jât prăm centimet, prêh n'gul met, bu dơm ta klơ nây lĕ ndơ dŏng gay nkhĭt mpa ƀư brah ăn ndơ ƀư brah gŭch jêh ri ndơ ƀư brah êng.

Êsêkiêl 41:22

Du mlâm nơng ƀư brah ma tơm si prêh du met n'gul, jong du met. Lĕ njônh, ndap jêh ri lĕ blon nơng ƀư brah đah tơm si da dê. Păng lah ma gâp pô aơ: “Aơ jêng sưng gŭ tanăp măt Brah Yêhôva.”

Êsêkiêl 44:16

Nây jêng phung mra lăp tâm ntŭk kloh ueh Gâp, văch dăch sưng Gâp gay pah kan ma Gâp jêh ri ƀư nau kan Gâp.

Malachi 1:12

Ƀiălah khân may ƀư rngot amoh Gâp nôk khân may ngơi pô aơ: “Nơng ƀư brah Brah Yêhôva jêng ƀơ̆ ƀơch, ndơ sa ta klơ păng jêng di ma nau mưch rmot.”

Mathay 12:4

Păng lăp tâm ngih Brah Ndu jêh ri sa piăng let nhhơr, piăng let nây păng jêh ri phung hăn ndrel păng mâu dơi vay sa ôh, knŏng prăp êng ma phung kôranh ƀư brah.

I Kôrintô 10:21

Khân may mâu dơi nhêt kachok Kôranh Brah jêh ri nhêt đŏng kachok phung brah mhĭk. Khân may mâu dơi râng nhêt sông Kôranh Brah jêh ri râng nhêt sông phung brah mhĭk.