I Phung Hađăch 7:45 - Nau Brah Ndu Ngơi 2023

⁴⁵ glah thaih, ndroh jêh ri ngan grưng. Lĕ rngôch ndơ dŏng Y-Hiram ƀư ăn ma hađăch Salômôn tâm ngih brah Brah Yêhôva ƀư ma kông tho chrêk da dê.

I Phung Hađăch 7:45 ပူးပေါင်းရင်းမြစ်များ

II Phung Hađăch 25:14

Khân păng djôt leo đŏng lĕ glah ƀŭng kông, ndroh, pêh, kachok, jêh ri lĕ rngôch ndơ dŏng ma kông bu dŏng tâm kan yơk mbah.

II Nau Rêh Jêng 4:16

lĕ glah dơm buh, ndroh, n'hoi srang jêh ri lĕ rngôch ndơ dŏng. Y-Huram-Abi ƀư ma Y-Salômôn lĕ rngôch ndơ dŏng nây ma kông tho chrêk gay prăp tâm ngih Brah Yêhôva.

Nau Ngluh Êjipt 27:3

Lĕ ndơ dŏng ma nơng ƀư brah nâm bu lĕ glah dơm buh, pel, ngan grưng, n'hoi srang jêh ri khăl gŭch ƀâu kah; lĕ ndơ dŏng nây ƀư ma kông.

Nau Ngluh Êjipt 38:3

Jêh nây păng ƀư lĕ ndơ dŏng ma nơng ƀư brah nâm bu lĕ glah dơm buh, pel, ngan grưng, n'hoi srang, jêh ri khăl gŭch ƀâu kah. Lĕ rngôch ndơ dŏng nây ƀư ma kông da dê.

Yêrêmi 52:18

Khân păng sŏk glah ƀŭng, pel, katrei nkăp brai ŭnh kađen, grưng, ngan jam nhhơr ndơ ƀâu kah, jêh ri lĕ rngôch ndơ dŏng ma kông bu dŏng tâm kan yơk mbah.

Kan Lêvi 8:31

Y-Môis lah ma Y-Arôn jêh ri ma phung kon bu klâu păng: “Gâm hom puăch ta mpông Ngih Bok Nau Tâm Rƀŭn jêh ri sa păng ta nây ndrel ma piăng let tâm bĭ dŏng tâm rƀŭn n'hao kan, tĭng nâm Kôranh Brah hŏ ntăm jêh: ‘Y-Arôn jêh ri phung kon bu klâu păng mra sa lĕ ndơ nây.’

Sakari 14:21

Lĕ rngôch glah tâm ƀon Yêrusalem jêh ri tâm n'gor Yuđa mra jêng ndơ kloh ueh prăp ăn ma Brah Yêhôva ma phung tahan. Gay ma mbu nơm nhhơr ndơ ƀư brah dơi văch, sŏk glah gâm. Tâm nar nây, mâu hôm geh bunuyh Kanaan ôh tâm ngih Brah Yêhôva ma phung tahan.