I Phung Hađăch 7:29 - Nau Brah Ndu Ngơi 2023

²⁹ Ta klơ lĕ blah kông nkrêp đah jrŏng nây geh trah rup lĕ yau mŭr, ndrôk nkuăng, jêh ri chêrubim; ta lĕ jrŏng, lĕ mpeh klơ jêh ri mpeh tâm dâng lĕ rup yau mŭr jêh ri ndrôk geh trah lĕ rvang kao.

I Phung Hađăch 7:29 ပူးပေါင်းရင်းမြစ်များ

Nau Ntơm 3:24

Brah Ndu mprơh bunuyh du luh bơh n'gar trao. Ta ntŭk mpeh luh nar n'gar trao Êđen, Păng dơm phung chêrubim n'hanh ma đao nchrat ral ngăn, ndăch ăp mpeh, gay kâp njrăng trong hăn tât tơm si nau rêh.

I Phung Hađăch 6:27

Y-Salômôn n'gân bar chêrubim nây ta nklang Ntŭk Dŭt Kloh Ueh, ta ntŭk nglĕ dŭt ngih brah. Ntĭng năr chêrubim lĭ luh gay du mlâm nting năr chêrub tal nguay rđĭl đah mpir mpeh đah aơ, jêh ri du mlâm nting năr chêrub tal bar rđĭl đah mpir mpeh đah ri. Bar mlâm nting năr hôm e nây tâm mâp ndrel ta nklang Ntŭk Dŭt Kloh Ueh.

I Phung Hađăch 7:25

Drŏng dak n'gân ta klơ rup jât ma bar rup ndrôk: pe mlâm uănh ma mpeh pa lơ, pe mlâm uănh ma mpeh nhâp nar, pe mlâm uănh ma mpeh pa dâng, jêh ri pe mlâm uănh ma mpeh luh nar. Drŏng dak gŭ ta klơ ndŭr kơi lĕ ndrôk nây, bi chiăng khân păng ndôn lăp mpeh tâm trôm.

I Phung Hađăch 7:28

Aơ jêng nau bu ƀư ndơl nây: Bu ƀư lĕ ndap kông da dê nkrêp đah jrŏng păng.

I Phung Hađăch 7:30

Tâm ăp mlâm ndơl geh puăn mlâm jâng ndeh ma kông nđâp ma mâng rnung ma kông. Ta puăn njônh ndơl nây geh lĕ jâng meh gay ndăl ngan grưng dak, nđâp ma lĕ rvang kao ta meng ăp jâng meh.

Nau Ngluh Êjipt 25:18

Jêh nây ƀư bar chêrubim ma mah chiăr n'hơ, dơm tâm bar bôl ndrŭp nau yô̆.

Nau Ngluh Êjipt 37:7

Jêh nây păng ƀư bar chêrubim ma mah chiăr n'hơ, dơm tâm bar bôl ndrŭp nau yô̆:

Êsêkiêl 1:10

Bi ma muh măt khân păng, ăp puăn mlâm geh muh măt bunuyh da dê; puăn mlâm geh muh măt yau mŭr da dê mpeh pa ma; puăn mlâm geh muh măt ndrôk da dê mpeh pa chiau jêh ri puăn mlâm geh muh măt klang lêl da dê.

Êsêkiêl 10:14

Ăp chêrub geh puăn muh măt: măt rơh nguay jêng muh măt Chêrub; muh măt rơh bar jêng muh măt bunuyh; muh măt rơh pe jêng muh măt yau mŭr; muh măt rơh puăn jêng muh măt klang lêl.

Ndrom Samƀŭt bơh Ôsê 5:14

Yorlah gâp mra jêng nâm bu du mlâm yau mŭr ma Êphraim, Nâm bu du mlâm yau mŭr kon ma ngih Yuđa. Gâp nơm yơh mra sa hêk jêh nây hăn du; Gâp mra djôt leo, jêh ri mâu geh ôh nơm dơi sâm rklaih.

ហេឞ្រើ 9:5

Ta klơ Hip Nau Tâm Rnglăp geh phung chêrubim chrêk rmah nkŭm ma ndrŭp nau yô̆. Ƀiălah aƀaơ mâu hôm dơi nkoch bri ăp ntil lĕ ndơ nây.

I Pêtrôs 2:5

Ăn Păng dŏng hom khân may nâm bu lŭ rêh gay rdâk du mlâm ngih brah, jêh ri tă bơh Brah Yêsu Krist, khân may kan kôranh ƀư brah kloh ueh, gay nhhơr ndơ ƀư brah, ƀư maak nuih n'hâm Brah Ndu.

Nau Tâm Mpơl 5:5

Ƀiălah du huê tâm phung kôranh bu ranh lah ma gâp: “Lơi ta nhĭm, ri, Yau mŭr tă bơh ndŭl mpôl Yuđa, phung kon sau Y-Đavit, dơi jêh rĭ dĭng dơi pơk ndrom samƀŭt jêh ri doh lơi ndơ pơh tâp pŏng.”