I Phung Hađăch 7:14 - Nau Brah Ndu Ngơi 2023

¹⁴ Păng jêng kon du huê bu ur ndrô tâm ndŭl mpôl Naptali, mbơ̆ păng jêng du huê bunuyh Tyre, jêng du huê gru chiăr kông. Y-Hiram blau ngăn, gĭt rbăng, jêh ri ti păng blau kan tâm lĕ kan ƀư ma kông. Păng văch tât ma hađăch Salômôn jêh ri ƀư lĕ nau kan hađăch jao ma păng.

I Phung Hađăch 7:14 ပူးပေါင်းရင်းမြစ်များ

II Nau Rêh Jêng 2:14

kon bu klâu du huê bu ur tâm ndŭl mpôl Dan, mbơ̆ păng jêng bunuyh Tyre. Păng blau ngăn tâm kan tŏ njêng mah, prăk, kông, loih, lŭ jêh ri tơm si, blau tanh brai chăng rhưch, brai rnô̆, jêh ri brai sut jêh ri brai mhay nglang rhên. Păng gĭt vât ăp ntil trah mon, jêh ri dơi ƀư ăp ndô ndơ ueh tĭng nâm bu đă. Păng mra pah kan ndrel ma phung blau njêh may jêh ri phung blau njêh mbơ̆ may jêng Y-Đavit, kôranh gâp.

II Nau Rêh Jêng 2:6

Ƀiălah, mbu nơm dơi ndâk ngih brah ma Păng? Yorlah lĕ ndâr trôk, nđâp ma lĕ ndâr trôk ta klơ dŭt prêh mâu dơi đŏng tŏng prăp ma Păng! Pônây, mbu nơm gâp jêng, dĭng dơi ndâk du mlâm ngih brah ăn Kôranh Brah? Knŏng ŭch ndâk du mlâm ngih brah prăp gŭch ndơ ƀâu kah tanăp Păng rĭ dơm.

II Nau Rêh Jêng 4:11

Y-Hiram ƀư lĕ glah dơm buh, ndroh jêh ri ngan grưng. Pôri, Y-Hiram ƀư lôch jêh lĕ rngôch nau kan păng hŏ dơn gay ƀư ma Y-Salômôn tâm ngih Brah Ndu geh:

II Nau Rêh Jêng 4:16

lĕ glah dơm buh, ndroh, n'hoi srang jêh ri lĕ rngôch ndơ dŏng. Y-Huram-Abi ƀư ma Y-Salômôn lĕ rngôch ndơ dŏng nây ma kông tho chrêk gay prăp tâm ngih Brah Yêhôva.

Nau Ngluh Êjipt 28:3

Ăn may ntĭnh ăn ma lĕ phung geh nau gĭt blau, ma phung bunuyh Gâp ăn jêh nau blau mĭn gay ma khân păng jĭm bok ao Y-Arôn, gay prăp ma păng nau kan jêng kôranh ƀư brah Gâp.

Nau Ngluh Êjipt 35:30

Y-Môis lah ma phung ƀon lan Israel: “Aơ, Brah Yêhôva hŏ kuăl jêh ma amoh Y-Bêsalel, kon bu klâu Y-Uri, sau bu klâu Y-Hur, bơh noi deh Y-Yuđa.

Nau Ngluh Êjipt 35:31

Păng hŏ ăn jêh ma păng bêng ler jêh ma Huêng Brah Ndu, nđâp ma nau blau ti, nau gĭt mĭn jêh ri nau gĭt rbăng tâm lĕ nau kan ƀư ma ti

Nau Ngluh Êjipt 35:35

Brah Ndu ăn ma khân păng bêng ler nau blau mĭn gay ƀư lĕ rngôch nau kan ma du huê bunuyh blau tâm kan trah si, kan njêng mhe, kan cheh jêh ri tanh âk ntil brai nâm bu brai ĭr, chăng krăk, brai sut jêh ri bok mhay rhên; tâm ban đŏng nau kan phung bunuyh gĭt mâu lah bunuyh geh nau blau njêng mhe ăp ntil êng êng.”

Nau Ngluh Êjipt 36:1

Y-Bêsalel, Y-Ôhôliap jêh ri lĕ phung blau ti Brah Yêhôva hŏ ăn jêh nau blau jêh ri nau gĭt blau rbăng gay dơi ƀư nau kan ndâk njêng Ngih Brah Kloh Ueh di đah lĕ nau Brah Yêhôva hŏ ntĭnh jêh.

Nau Ngluh Êjipt 36:8

Tâm rnoh lĕ phung ƀư kan, mbu phung blau ti hăn ƀư Ngih Bok da dê. Khân păng tanh jât blah bok ma rse mhay rhên, brai ĭr, brai chăng krăk jêh ri brai sut, geh cheh rup chêrubim ma nau nê̆ ueh ngăn.

Êsai 28:26

Nĕ jêng Brah Ndu yơh hŏ ntĭm Jêh ri sâm nti phung kan mir ƀư.