I Phung Hađăch 6:5 - Nau Brah Ndu Ngơi 2023

⁵ Tĭng nâm mpir ngih brah, hađăch ndâk lĕ jrô prêh văr jŭm ngih brah jêh ri ntŭk kloh ueh; hađăch ƀư đŏng âk jrô văr jŭm.

I Phung Hađăch 6:5 ပူးပေါင်းရင်းမြစ်များ

I Phung Hađăch 6:16

Hađăch nchăng rgăn jât met kô̆ nglĕ dŭt tâm ngih brah ma kađar tơm si sêdar ntơm bơh mbon tâm dâng tât ma dra klơ, gay ƀư Ntŭk Dŭt Kloh Ueh.

I Phung Hađăch 6:31

Ta ntŭk lăp Ntŭk Dŭt Kloh Ueh, hađăch ƀư bar blah mpông ma tơm ôlive, ntur mpông jêh ri n'gâng geh prăm blon.

I Phung Hađăch 6:6

Mpeh tâm dâng dŭt huy bar met n'gul, mpeh ta n'gul huy pe met, jêh ri mpeh tal pe huy bar met n'gul. Padih ngih brah, hađăch ndâk mpir văr jŭm rŭch đa lê̆ gay ăn lĕ rda tâm jrô prêh ta nây mâu geh lăp ôh tâm mpir ngih.

I Nau Rêh Jêng 23:28

Nau kan khân păng jêng gŭ êp phung kon sau Y-Arôn gay ƀư nau kan ma ngih Brah Yêhôva, kan mât mray ndring ngih jêh ri lĕ jrô, mât mray ăn kloh lĕ rngôch ndơ kloh ueh, jêh ri ƀư ăp nau kan ma ngih Brah Yêhôva:

I Nau Rêh Jêng 28:11

Nôk nây, Y-Đavit ăn ma Y-Salômôn, kon bu klâu păng, samƀŭt rup ndring panăp, ngih brah, lĕ jay prăp drăp khlay, jrô klơ, jrô tâm trôm ngih brah, jêh ri ndrŭp nau yô̆ an.

I Nau Rêh Jêng 9:26

Puăn nuyh Lêvi jêng kôranh ma phung mât njrăng mpông pêr, hôm geh nau kan djôt kan chiă uănh lĕ jrô jêh ri jay prăp drăp khlay tâm ngih Brah Ndu.

II Nau Rêh Jêng 31:11

Y-Hêsêkia ntăm đă ƀư kloh jrô tâm ngih Brah Yêhôva. Lah ƀư lôch jêh,

II Nau Rêh Jêng 4:20

lĕ jâng kađen ma mah kloh gay mpoh ŭnh kađen panăp jrô tâm trôm tĭng nâm bu hŏ ntĭnh jêh,

II Nau Rêh Jêng 5:7

Phung kôranh ƀư brah djôt leo Hip Nau Tâm Rnglăp Brah Yêhôva lăp tâm ntŭk prăp ăn Hip ta jrô tâm trôm ngih brah, tâm dâng nting năr chêrubim.

II Nau Rêh Jêng 5:9

Lĕ mâng tung nây jong ngăn, pôri ta panăp jrô tâm trôm, bu knŏng saơ lĕ chiông mâng rho dih ri Hip Nau Tâm Rnglăp, ƀiălah padih bu mâu dơi saơ ndơ nây ôh. Hip Nau Tâm Rnglăp ăt hôm ta nây kŏ tât ta nar aơ.

Nêhêmi 10:37

Hên hŏ ton tâm ban lĕ djôt leo tât ta lĕ jay kloh ueh ngih Brah Ndu rnih ueh lor lơn, lĕ ndơ ƀư brah, kao play tâm lĕ ntil tơm play, ndrănh mhe jêh ri dak ngi ôlive, jêh nây jao ma phung kôranh ƀư brah. Hôm du kô̆ tâm jât kao play luh tă tâm neh, hên djôt leo chê̆ ma phung Lêvi jêng phung sŏk du kô̆ tâm jât kao play bơh neh lŏ tâm lĕ rngôch ƀon hên.

Nêhêmi 12:44

Tâm nar nây, bu njêng phung mât uănh lĕ jrô prăp lĕ ndơ nhhơr, kao play bôk yan, jêh ri lĕ ndơ nhhơr du kô̆ tâm jât. Tă bơh lĕ mir jŭm ƀon, khân păng djôt leo ta jay prăp ma phung kôranh ƀư brah jêh ri phung Lêvi tĭng nau vay hŏ veh jêh, yorlah phung Yuđa di nuih n'hâm ma nau pah kan bơh phung kôranh ƀư brah jêh ri bơh phung Lêvi.

Nau Mprơ Ơm 28:2

Tơlah gâp yơr ti rle mpeh ma ntŭk dĭ kloh ueh Kôranh Brah Gay dăn ma May, Dăn iăt hom bâr gâp kuăl vah vơl.

Nau Ngluh Êjipt 25:22

Gâp mra mâp may ta nây; ntơm bơh klơ ndrŭp nau yô̆, ta nklang bar chêrubim gŭ ta klơ Hip Nau Tâm Rnglăp, Gâp mra ntĭnh ma may dĭng lĕ nau ntăm ƀư ma phung ƀon lan Israel.”

Nau Mprơ Ueh 1:4

Dăn têk gâp tĭng may, ăn he gơnh chuat ndrel, — Hađăch hŏ njŭn gâp sĭt tâm ngih hađăch — Phung he nsum răm maak rhơn răm ndrel may, Nsum tâm rnê nau may rŏng, âk lơn ma ndrănh. Lĕ bu druh mâm ƀư mâu dơi rŏng ma may!

Yêrêmi 35:2

“May hăn mâp hom jêh ri tâm ngơi đah ngih phung Rêkap, jă khân păng tât ma ngih Brah Yêhôva, njŭn khân păng lăp tâm du mlâm jrô êng jêh ri ăn khân păng nhêt ndrănh.”

Yêrêmi 35:4

lăp tâm Brah ngih Yêhôva. Gâp njŭn leo khân păng lăp tâm jrô phung kon bu klâu Y-Hanan, kon bu klâu Y-Igdalia, bunuyh Brah Ndu, gŭ êp jrô phung kôranh, ta klơ jrô Y-Maseya, kon bu klâu Y-Salum, jêng nơm chiă njrăng mpông.

Êsêkiêl 40:17

Jêh ta nây, păng leo gâp lăp ta ndring ngih padih. Aơ, ntŭk aơ geh âk jrô jêh ri trong hăn krĭp lŭ jŭm nkual; trong hăn krĭp lŭ nây geh pe jât mlâm jrô.

Êsêkiêl 40:44

Mpeh padih mpông pêr tâm trôm, geh jrô gay ăn phung mprơ ntŭk nkual meng mpeh mpông pêr pa lơ, rlet mpeh pa dâng. Ăt geh du mlâm jrô đŏng mpeh luh nar, rlet mpeh pa lơ.

Êsêkiêl 41:4

Păng veh mpeh tâm trôm dŭt ngih brah kloh ueh, jong jât met, huy jât met. Păng lah ma gâp: Aơ jêng ntŭk dŭt kloh ueh.

Kan Lêvi 16:2

“Ăn may lah hom ma Y-Arôn, nâu may pô aơ, mâu geh lah dah ŭch lăp tâm Ntŭk Dŭt Kloh Ueh tâm trôm blah bok, tanăp ndrŭp nau yô̆ an ta klơ Hip Nau Tâm Rnglăp, tơlah mâu tông mra khĭt yơh, yorlah Gâp mra tâm mpơl tâm ndâr tŭk ta ndrŭp nau yô̆.

Nau Kơp Bunuyh 7:89

Tơlah Y-Môis lăp Ngih Bok Nau Tâm Rƀŭn gay tâm ngơi ndrel đah Brah Yêhôva, păng tăng bâr Kôranh Brah ngơi ma păng nơm tă bơh ndrŭp nau yô̆ an ta klơ Hip Nau Tâm Rnglăp, ta vah vang bar chêrubim. Jêh ri kơt nĕ păng tâm ngơi ndrel jêh đah Brah Yêhôva.