I Phung Hađăch 6:38 - Nau Brah Ndu Ngơi 2023

³⁸ Tât năm jât ma nguay, di tâm khay Bul, ntĭt jêng khay rơh pham, nau mbor kan ndâk njêng ngih brah nây ƀư lôch jêh di tĭng nâm lĕ kô̆ tâm rup bu hŏ nchih jêh ri nau veh jêh. Y-Salômôn hŏ ndâk ngih brah nây tâm pơh năm.

I Phung Hađăch 6:38 ပူးပေါင်းရင်းမြစ်များ

I Phung Hađăch 6:1

Tâm năm puăn rhiăng pham jât, kơp ntơm bơh nôk phung ƀon lan Israel lĕ du luh jêh bơh Êjipt, jêng tâm năm rơh puăn Y-Salômôn chiă uănh phung Israel, tâm khay Sivơ, ntĭt jêng khay rơh bar, hađăch ntơm ndâk ngih Brah gay yơk mbah Brah Yêhôva.

I Phung Hađăch 6:14

Pônây, Y-Salômôn ƀư ngih brah jêh ri ƀư lôch nau kan nây.

I Phung Hađăch 6:37

Tâm năm rơh puăn, tâm khay Sivơ, bu ntơm ndâk mbon ngih brah Brah Yêhôva.

I Phung Hađăch 6:9

Pônây, hađăch Salômôn ƀư lôch jêh nau ndâk njêng ngih brah. Hađăch dơm lĕ ntur jêh ri pâng dra klơ ma tơm si sêdar.

I Phung Hađăch 7:1

Y-Salômôn ndâk đŏng ngih hađăch ma păng nơm, jêh ri ƀư lôch jêh lĕ kan tâm jât ma pe năm.

I Phung Hađăch 9:10

Lôch bar jât năm hŏ ndâk jêh bar mlâm ngih, ngih Brah Yêhôva jêh ri ngih hađăch,

I Nau Rêh Jêng 28:19

Y-Đavit ngơi: “Lĕ rngôch kan nây bu mra ƀư tĭng nâm samƀŭt rup bơh ti Brah Yêhôva gŭ ta klơ gâp jêh ri sol ang ma gâp ma lĕ rngôch ntil tâm samƀŭt rup.”

I Nau Rêh Jêng 28:20

Y-Đavit lah tay ma Y-Salômôn, kon păng nơm pô aơ: “Ktang hom jêh ri nâp nuih n'hâm ƀư nau nây! Lơi klach ôh, lơi rdja nuih n'hâm ôh, yorlah Yêhôva Brah Ndu, jêng Brah Ndu gâp, gŭ ndrel ma may, Păng mâu mra chalơi may, mâu đŏng du luh bơh may, ma tât lôch jêh lĕ rngôch nau kan ndâk ngih Brah Yêhôva.

II Nau Rêh Jêng 8:1

Ta lôch năm rơh bar jât, nôk Y-Salômôn hŏ ndâk lôch jêh ngih Brah Yêhôva jêh ri ngih hađăch păng nơm,

II Nau Rêh Jêng 8:16

Lĕ rngôch nau kan ndâk Y-Salômôn lôch jêh, ntơm bơh nar dăp mbon ngih brah Brah Yêhôva ma tât nar ƀư lôch jêh. Tâm ban pônây, ngih brah ma Brah Yêhôva hŏ ndâk lôch jêh.

Êsra 5:11

Khân păng plơ̆ lah kơt aơ: ‘Hên jêng phung oh mon Brah Ndu, Kôranh Brah ma trôk jêh ri neh ntu. Hên dôl ndâk nkra đŏng ngih brah aơ, hŏ jŏ năm jêh lor panăp nơh, geh du huê hađăch toyh Israel hŏ ndâk njêng jêh ri ƀư lôch jêh.

Nau Ngluh Êjipt 39:32

Pôri, lĕ rngôch kan Ngih Bok, jêng Ngih Bok Nau Tâm Rƀŭn, hŏ lôch jêh. Phung ƀon lan Israel hŏ ƀư jêh lĕ nau kan tĭng nâm nau Yêhôva hŏ ntĭnh jêh ma Y-Môis.

Nau Ngluh Êjipt 39:42

Phung ƀon lan Israel hŏ ƀư lôch jêh lĕ rngôch kan nây tĭng nâm lĕ nau Brah Yêhôva hŏ ntĭnh jêh ma Y-Môis.

Nau Ngluh Êjipt 39:43

Y-Môis treng uănh lĕ rngôch nau kan jêh ri aơ khân păng hŏ lôch jêh nau nây tĭng nâm nau Brah Yêhôva ntĭm nti jêh. Pôri Y-Môis ăn nau ueh uĭn ma khân păng.

Sakari 4:9

“Ti Y-Sôrôƀaƀel hŏ ndâk jêh mbon ngih brah aơ, pôri ti păng đŏng mra ƀư lôch.” Jêh ri khân may mra gĭt Brah Yêhôva ma phung tahan hŏ njuăl gâp hăn tât ma khân may.

Yôhan 2:20

Phung Yuđa lah: “Bu ndâk njêng ngih brah aơ roh puăn jât ma prao năm, ƀiălah Nơm Nti mra rdâk tay tâm pe nar dơm?”