I Phung Hađăch 6:36 - Nau Brah Ndu Ngơi 2023

³⁶ Hađăch ndâk đŏng nhuang tâm trôm ngih brah đah pe mbor lŭ khlay lĕ trah mon nau njêh ngăn jêh ri du mbor rkăng ma tơm si sêdar.

I Phung Hađăch 6:36 ပူးပေါင်းရင်းမြစ်များ

I Phung Hađăch 6:35

Y-Salômôn trah mon lĕ rup chêrubim, rup tơm đung jêh ri kao dang, jêh nây mblum ma mah, jêh ri nkŭm ma mah ta lĕ rup trah mon.

I Phung Hađăch 7:12

Ta văr jŭm nhuang toyh geh pe mbor lŭ toyh lĕ trah jêh ri du mbor njon rkăng ma tơm si sêdar, tâm ban ma nhuang tâm trôm jêh ri ndring panăp ngih brah Brah Yêhôva.

II Nau Rêh Jêng 4:9

Păng ƀư du nhuang tâm trôm ma phung kôranh ƀư brah, nhuang vâl huy, lĕ mpông ta bar nhuang vâl bu mblum ma kông da dê.

II Nau Rêh Jêng 7:7

Y-Salômôn prăp êng du ntŭk kloh tâm nklang nhuang panăp ngih Brah Yêhôva, jêng ntŭk hađăch nhhơr ndơ ƀư brah gŭch jêh ri ngi ma ndơ ƀư brah ma nau đăp mpăn, yorlah nơng ƀư brah ma kông Y-Salômôn ƀư jêh, mâu dơi tŏng ntŭk ăn ndơ ƀư brah gŭch, ndơ ƀư brah rnih môi jêh ri ngi.

Êsra 6:4

geh pe mbor lŭ du nku jêh ri du mbor njon rkăng tơm si mhe. Rnoh prăk bu ƀư ngih nây mra sŏk tă bơh ntŭk prăp prăk tâm ngih hađăch ƀơk prăk nkhôm.

Yêrêmi 36:10

Tâm ngih Brah Yêhôva, tâm jrô Y-Gêmaria, kon bu klâu kôranh nchih samƀŭt Y-Saphan, jêng jrô ta klơ nhuang kêng Mpông Pêr Mhe tâm ngih Brah Yêhôva, Baruk rŏ ăn ma lĕ rngôch ƀon lan tăng lĕ rngôch nau Y-Yêrêmi tă bơh tâm ndrom samƀŭt.

Êsêkiêl 40:28

Jêh ri, bunuyh nây njŭn gâp lăp tâm nkual rgăn mpông pêr pa dâng. Păng veh mpông pêr pa dâng jêh ri mpông nây geh nau veh tâm ban đah lĕ rngôch mpông pêr êng.

Nau Tâm Mpơl 11:2

Ƀiălah ndring padih nây om, lơi veh; yorlah bu jao jêh păng ma phung bu năch, jêh ri khân păng mra jot plên ƀon kloh ueh tâm puăn jât ma bar khay.