I Phung Hađăch 6:29 - Nau Brah Ndu Ngơi 2023

²⁹ Ta klơ lĕ mpir văr jŭm ngih brah, lĕ tâm trôm nđâp padih, Y-Salômôn trah mon geh lĕ rup chêrubim, rup tơm đung jêh ri rup kao dang.

I Phung Hađăch 6:29 ပူးပေါင်းရင်းမြစ်များ

I Phung Hađăch 6:18

Tâm trôm ngih brah ƀư ma tơm si sêdar bu trah mon rup play nông jêh ri kao dang. Lĕ rngôch ƀư ma tơm si sêdar da dê, rĭ dĭng mâu saơ ôh lŭ.

I Phung Hađăch 6:28

Hađăch mblum đŏng mah ma bar chêrubim.

I Phung Hađăch 6:30

Bi mbon ngih brah păng mblum đŏng ma mah lĕ tâm trôm nđâp padih.

I Phung Hađăch 6:32

Ta klơ bar blah mpông ma tơm ôlive nây, hađăch trah mon lĕ rup chêrubim, rup tơm đung jêh ri rup kao dang, jêh nây mblum ma mah; hađăch mblum lĕ rup chêrubim jêh ri rup tơm đung ma mah pônây đŏng.

II Nau Rêh Jêng 3:14

Păng ƀư nthăng bok nching ma brai rnô̆, brai chăng rhưch, brai sut chăng breh gŭr nđâp ma brai mhay rhên, geh cheh rup chêrubim ta klơ.

II Nau Rêh Jêng 3:7

Păng mblum ma mah lam ngih brah: njon ngih, kađar lăp mpông sâng, mpir jêh ri mpông; păng trah rup chêrubim ta mpir.

Nau Mprơ Ơm 103:20

Ơ phung tông mpăr Brah Yêhôva, Jêng lĕ nơm geh nau ktang ƀư tĭng nau Păng đă, Jêh ri tông bâr tĭng nau Păng lah! Mât ton hom ma Brah Yêhôva!

Nau Mprơ Ơm 148:2

Hơi phung tông mpăr Păng, tâm rnê hom ma Păng! Hơi lĕ rngôch phung tahan Păng tâm trôk, tâm rnê hom ma Păng!

Nau Mprơ Ơm 74:6

Aƀaơ khân păng dŏng sung kŭk jêh ri kon nôp Gay nchah lĕ rngôch ndơ trah mon.

Nau Ngluh Êjipt 26:1

“Ăn may dŏng hom jât blah bok gay ƀư Ngih Bok. Khân păng tanh ma rse mhay rhên, brai ĭr, brai chăng krăk, jêh ri brai sut, geh cheh rup chêrubim ma nau nê̆ ueh ngăn.

Nau Ngluh Êjipt 36:8

Tâm rnoh lĕ phung ƀư kan, mbu phung blau ti hăn ƀư Ngih Bok da dê. Khân păng tanh jât blah bok ma rse mhay rhên, brai ĭr, brai chăng krăk jêh ri brai sut, geh cheh rup chêrubim ma nau nê̆ ueh ngăn.

Êsêkiêl 40:16

Lĕ jrô jêh ri jrŏng păng mpeh ta trôm mpông pêr kŏ tât nhuang panăp geh mpông bloh mbong gre bar da dê. Mpeh tâm trôm jêh ri jŭm nây geh mpông bloh da dê. Ta klơ lĕ jrŏng geh lĕ rup tơm sala.

Êsêkiêl 41:18

bu kach nsêr rup chêrubim jêh ri lĕ tơm sala; du mlâm tơm play đung jêng ta nklang bar chêrubim. Ăp chêrubim geh bar muh măt:

Êphêsô 3:10

Aƀaơ aơ, tă Phung Ngih Brah Ndu, nau blau mĭn mâu blau lôch Brah Ndu dơi tâm mpơl ma phung kôranh chiă uănh, lĕ nau dơi ktang tâm lĕ ntŭk klơ trôk,

Nau Tâm Mpơl 7:9

Jêh nau nây gâp uănh, ri, geh du mpôl bunuyh âk ngăn mâu hôm dơi kơp ôh, bơh lĕ rngôch lĕ bri dak, lĕ rngôch ndŭl mpôl, lĕ rngôch ƀon lan, lĕ rngôch nau ngơi, dâk tanăp sưng hađăch jêh ri tanăp Kon Biăp, nsoh jêh ao jong nglang, ti djôt n'ha đung.