I Phung Hađăch 6:23 - Nau Brah Ndu Ngơi 2023

²³ Tâm trôm Ntŭk Dŭt Kloh Ueh, hađăch ƀư bar mlâm rup chêrubim ma tơm ôlive, prêh prăm met.

I Phung Hađăch 6:23 ပူးပေါင်းရင်းမြစ်များ

Nau Ntơm 3:24

Brah Ndu mprơh bunuyh du luh bơh n'gar trao. Ta ntŭk mpeh luh nar n'gar trao Êđen, Păng dơm phung chêrubim n'hanh ma đao nchrat ral ngăn, ndăch ăp mpeh, gay kâp njrăng trong hăn tât tơm si nau rêh.

I Phung Hađăch 6:24

Du mlâm nting năr chêrub jong bar met n'gul, nting năr ri ăt jong bar met n'gul; kơt nây, ntơm bơh chiông nting năr aơ ma đah chiông nting năr ri jong prăm met.

I Phung Hađăch 6:31

Ta ntŭk lăp Ntŭk Dŭt Kloh Ueh, hađăch ƀư bar blah mpông ma tơm ôlive, ntur mpông jêh ri n'gâng geh prăm blon.

I Phung Hađăch 6:32

Ta klơ bar blah mpông ma tơm ôlive nây, hađăch trah mon lĕ rup chêrubim, rup tơm đung jêh ri rup kao dang, jêh nây mblum ma mah; hađăch mblum lĕ rup chêrubim jêh ri rup tơm đung ma mah pônây đŏng.

Nau Mprơ Ơm 18:10

Păng ncho ta klơ Chêrubim jêh ri mpăr, Păng mpăr ta klơ ma năr n'hâm sial.

Nau Mprơ Ơm 80:1

Ơ Nơm mât njrăng biăp Israel, dăn rkêng tôr iăt! May jêng Nơm njŭn leo Yôsep nâm bu du phung biăp, Ơ Nơm gŭ ta klơ phung Chêrubim, dăn May sol ang.

Êsai 37:16

“Ơ Brah Yêhôva ma phung tahan, Brah Ndu Israel, jêng Nơm gŭ ta klơ phung chêrubim, knŏng êng du huê May yơh jêng Brah Ndu ma lĕ rngôch ƀon bri hađăch ta neh ntu; May yơh hŏ rhăk njêng jêh trôk jêh ri neh ntu.

Êsêkiêl 41:24

Du mlâm mpông geh bar blah mpông dơi nchăng, mpông aơ bar blah, mpông ri bar blah.

ហេឞ្រើ 1:14

Mâu di hĕ lĕ rngôch phung tông mpăr jêng phung huêng brah pah kan, Brah Ndu njuăl hăn pah kan ma phung bunuyh dơn nau tâm rklaih hĕ?

I Pêtrôs 1:12

Geh nau tâm mpơl ma phung mbơh lor gĭt năl pô aơ khân păng mâu di pah kan ma khân păng nơm ôh, ƀiălah pah kan ma khân may yơh ma lĕ nau aƀaơ aơ mbơh jêh ma khân may tă bơh phung bunuyh, rnơm jêh Brah Huêng Ueh jêng Nơm dơi njuăl jŭr tă bơh trôk, mbơh nkoch Nau Mhe Mhan Ueh ma khân may. Phung tông mpăr yơh ŭch uănh saơ lĕ nau nây lĕ.