I Phung Hađăch 6:13 - Nau Brah Ndu Ngơi 2023

¹³ Gâp mra gŭ ta nklang phung ƀon lan Israel jêh ri mâu mra chalơi ôh phung Israel jêng phung ƀon lan Gâp.”

I Phung Hađăch 6:13 ပူးပေါင်းရင်းမြစ်များ

I Phung Hađăch 8:27

Ƀiălah Brah Ndu geh gŭ ngăn lĕ tâm neh ntu? Ri, lĕ ndâr trôk, lĕ trôk tâm lĕ ndâr trôk mâu dơi đŏng tŏng prăp ma May, rlau lơn ma ngih brah gâp hŏ ndâk jêh ta aơ!

I Nau Rêh Jêng 28:20

Y-Đavit lah tay ma Y-Salômôn, kon păng nơm pô aơ: “Ktang hom jêh ri nâp nuih n'hâm ƀư nau nây! Lơi klach ôh, lơi rdja nuih n'hâm ôh, yorlah Yêhôva Brah Ndu, jêng Brah Ndu gâp, gŭ ndrel ma may, Păng mâu mra chalơi may, mâu đŏng du luh bơh may, ma tât lôch jêh lĕ rngôch nau kan ndâk ngih Brah Yêhôva.

I Nau Rêh Jêng 28:9

Bi may, Y-Salômôn, kon bu klâu gâp, gĭt năl hom Brah Ndu mbơ̆ may, pah kan hom ma Păng ma lĕ nuih n'hâm jêh ri ma lĕ nau mĭn; yorlah Brah Yêhôva sek uănh lĕ nuih n'hâm, jêh ri păng gĭt vât lĕ rngôch nau ŭch tâm nau mĭn. Tơlah may joi Păng, Păng mra ăn may saơ Păng; ƀiălah tơlah may chalơi Păng, nanê̆ Păng mra chalơi may n'ho ro.

Nau Mprơ Ơm 68:18

Păng hao jêh ntŭk yôk prêh, Njŭn leo âk ngăn phung bu nă, Păng dơn ndơ nhhơr tă bơh kon bunuyh, Nđâp ma phung tâm rdâng, Brah Yêhôva gŭ ndrel ma khân păng.

Nau Ngluh Êjipt 25:8

Khân păng mra ƀư ma Gâp du Ngih Brah Kloh Ueh gay Gâp gŭ tâm nklang khân păng.

Nau Ngluh Êjipt 29:45

Jêh ri Gâp mra gŭ ta nklang phung ƀon lan Israel, jêh ri jêng Brah Ndu khân păng.

Êsai 57:15

Nơm dŭt prêh, Nơm bu yơk mbah, gŭ ntŭk n'ho ro dŭt ngăn, Amoh Păng jêng Kloh Ueh; Nơm nĕ lah: “Gâp gŭ tâm ntŭk prêh jêh ri kloh ueh, Ƀiălah gŭ ndrel ma nơm geh nuih n'hâm rngot ma nau tih jêh ri nuih n'hâm dêh rhêt, Gay plơ̆ ăn rêh nuih n'hâm phung dêh rhêt, Jêh ri gay ăn rêh tay nuih n'hâm nơm rngot ma nau tih.

Kan Lêvi 26:11

Gâp mra ƀư ntŭk Gâp gŭ ta nklang khân may, nuih n'hâm Gâp mâu mra tâm rmot ma khân may ôh.

II Kôrintô 6:16

Mâm dơi geh nau tâm rnglăp ngih brah Brah Ndu đah lĕ rup brah? Yorlah he jêng ngih brah Brah Ndu gŭ rêh mro mrăng, nâm bu Brah Ndu lah jêh: “Gâp mra rêh gŭ tâm khân păng jêh ri hăn nsong tâm khân păng; Gâp mra jêng Brah Ndu khân păng, Jêh ri khân păng mra jêng phung ƀon lan Gâp.”

Nau Vay Nkah Tay 31:6

Ăn dăng ktang jêh ri janh nănh! Lơi ta klach, lơi ir krit tanăp măt phung ƀon lan nây, yorlah Yêhôva Brah Ndu khân may yơh hăn ndrel ma khân may. Păng mâu mra tâm nkhah ôh bơh ma khân may, mâu lĕ chalơi khân may!”

Nau Vay Nkah Tay 31:8

Brah Yêhôva Nơm mra hăn lor ma may; Păng mra gŭ ndrel ma may, mâu mƀăr may, mâu lĕ chalơi may. Lơi ta klach jêh ri lơi ir krit ôh!”

ហេឞ្រើ 13:5

Lơi kơnh ir ma prăk ôh, maak hom nuih n'hâm ma drăp ndơ khân may geh jêh, yorlah Brah Ndu nơm lah jêh: “Gâp mâu mra lơi may ôh, mâu lah dun may ôh.”

Yôsuê 1:5

Du bông nau rêh may mâu mra geh ôh nơm dơi tâm rdâng đah may. Gâp mra gŭ ndrel ma may tâm ban Gâp hŏ gŭ ndrel jêh ma Y-Môis; Gâp mâu mra ƀah ngai đah may ôh, mâu chalơi may.

Nau Tâm Mpơl 21:3

Gâp tăng nteh bâr ktang tă bơh sưng hađăch lah nâm pô aơ: “Ri, ngih bok Brah Ndu gŭ ndrel ma kon bunuyh! Păng mra gŭ ndrel ma khân păng jêh ri khân păng mra jêng phung ƀon lan Păng; Brah Ndu yơh mra gŭ ndrel ma khân păng.

I Samuel 12:22

Brah Yêhôva mâu mra chalơi ôh phung ƀon lan Păng, yor amoh toyh Păng, jêh ri yorlah Brah Yêhôva hŏ maak nuih n'hâm ăn ma khân may njêng du phung ƀon lan ma Păng nơm.