I Phung Hađăch 6:1 - Nau Brah Ndu Ngơi 2023

¹ Tâm năm puăn rhiăng pham jât, kơp ntơm bơh nôk phung ƀon lan Israel lĕ du luh jêh bơh Êjipt, jêng tâm năm rơh puăn Y-Salômôn chiă uănh phung Israel, tâm khay Sivơ, ntĭt jêng khay rơh bar, hađăch ntơm ndâk ngih Brah gay yơk mbah Brah Yêhôva.

I Phung Hađăch 6:1 ပူးပေါင်းရင်းမြစ်များ

I Phung Hađăch 6:2

Ngih brah hađăch Salômôn ƀư ma Brah Yêhôva jong jêng pe jât met, rkăng jêng jât met, jêh ri prêh jêng jât mprăm met.

I Phung Hađăch 6:37

Tâm năm rơh puăn, tâm khay Sivơ, bu ntơm ndâk mbon ngih brah Brah Yêhôva.

I Nau Rêh Jêng 29:19

Dăn ma Kôranh Brah ăn ma Y-Salômôn, kon gâp, du nuih n'hâm mâu geh bu dơi nduyh djôt prăp lĕ nau vay ntăm, lĕ nau ntĭnh, jêh ri lĕ nau vay dăp bơh May, tâm ban ƀư lĕ kan gay ndâk ngih brah, gâp hŏ rơm nŭm jêh.”

I Nau Rêh Jêng 6:10

Y-Jôhanan jêng mbơ̆ Y-Asaria, jêng bunuyh pah kan kôranh ƀư brah tâm ngih brah Y-Salômôn hŏ ndâk tâm ƀon Yêrusalem.

II Nau Rêh Jêng 3:3

Aơ jêng nau Y-Salômôn veh jêh ma nau ndâk ngih Brah Ndu: jong jêng pe jât met, huy jêng jât met.

Êsra 5:11

Khân păng plơ̆ lah kơt aơ: ‘Hên jêng phung oh mon Brah Ndu, Kôranh Brah ma trôk jêh ri neh ntu. Hên dôl ndâk nkra đŏng ngih brah aơ, hŏ jŏ năm jêh lor panăp nơh, geh du huê hađăch toyh Israel hŏ ndâk njêng jêh ri ƀư lôch jêh.

Nau Mprơ Ơm 78:69

Păng ndâk ngih brah kloh ueh tâm ban ma ngih ta klơ trôk, Tâm ban ma neh ntu Păng hŏ ƀư nâp n'ho ro.

Nau Ngluh Êjipt 12:41

Di tâm nar nglĕ dŭt puăn rhiăng pe jât năm, lĕ rngôch phung tahan Brah Yêhôva du luh bơh n'gor Êjipt.

Nau Ngluh Êjipt 12:51

Nar nây ro, Brah Yêhôva leo phung ƀon lan Israel du luh bơh n'gor Êjipt tĭng nâm ndŭl mpôl.

Êsêkiêl 41:1

Jêh nây, Bunuyh nây leo gâp lăp tâm trôm ngih brah jêh ri păng veh lĕ meh. Lĕ jrŏng dĭ geh pe met đah aơ pe met đah ri; nây jêng tâm nau dĭ lĕ jrŏng ngih bok rnôk kăl e.

Ndrom Samƀŭt bơh Agê 1:8

Hăn hao hom klơ yôk djôt nsĭt tơm si jêh ri ndâk ngih brah, gay ma Gâp geh nau maak nuih n'hâm ma păng jêh ri Gâp mra geh nau tâm rnê,’ Brah Yêhôva lah pônây.

Sakari 6:15

Phung gŭ ngai mra tât gay kơl ndâk ngih Brah Yêhôva; jêh ri khân may mra gĭt Brah Yêhôva ma phung tahan njuăl gâp hăn tât ma khân may. Tơlah khân may gơih srôih tông bâr Brah Yêhôva khân may, pôri nau nây mra tât ngăn.

Nau Kơp Bunuyh 1:1

Nar năng nguay khay bar năm tal bar, jêh phung ƀon lan Israel luh bơh Êjipt, Brah Yêhôva ngơi ma Y-Môis ta Ngih Bok Nau Tâm Rƀŭn tâm bri rdah Sinai pô aơ:

Kôranh Oh Mon 13:19

Jêh ƀư rai pơh phung mpôl băl tâm n'gor Kanaan, Păng ăn n'gor nây ma khân păng

Kôranh Oh Mon 7:47

Pakơi nây, hađăch Salômôn ndâk du mlâm ngih ma Kôranh Brah.

I Kôrintô 6:19

Khân may mâu gĭt hĕ săk jăn khân may jêng ngih brah Brah Huêng Ueh dôl gŭ jêh tâm khân may. Di lĕ Nơm Brah Ndu hŏ ăn ma khân may? Khân may mâu hôm jêng ndơ khân may nơm ôh,

II Kôrintô 6:16

Mâm dơi geh nau tâm rnglăp ngih brah Brah Ndu đah lĕ rup brah? Yorlah he jêng ngih brah Brah Ndu gŭ rêh mro mrăng, nâm bu Brah Ndu lah jêh: “Gâp mra rêh gŭ tâm khân păng jêh ri hăn nsong tâm khân păng; Gâp mra jêng Brah Ndu khân păng, Jêh ri khân păng mra jêng phung ƀon lan Gâp.”

Kôlôh 2:7

sŏr hom reh, rdâk mbon tâm Păng; ktang hom tâm nau chroh tâm ban bu ntĭm nti ma khân may, jêh ri lơ hô ntop âk nau tâm rnê lah ueh.

ហេឞ្រើ 11:10

Yorlah păng gŭ kâp du ƀon geh mbon nâp bơh Brah Ndu nơm hŏ nkra jêh ri rdâk njêng.

ហេឞ្រើ 9:11

Ƀiălah dôl Brah Krist tât jêh nâm bu du huê kôranh ƀư brah toyh lơn ma lĕ nau ueh pakơi aơ taơ, Păng rgăn jêh ngih bok toyh lơn jêh ri rah vah lơn — mâu di ti bunuyh ƀư ôh, nâm bu ntĭt mâu jêng lĕ ndơ tâm rnôk aơ ôh —

I Pêtrôs 2:5

Ăn Păng dŏng hom khân may nâm bu lŭ rêh gay rdâk du mlâm ngih brah, jêh ri tă bơh Brah Yêsu Krist, khân may kan kôranh ƀư brah kloh ueh, gay nhhơr ndơ ƀư brah, ƀư maak nuih n'hâm Brah Ndu.

Phung Kôranh Phat Dôih 11:26

Dôl pe rhiăng năm, phung Israel gŭ jêh ta Hêsbôn jêh ri n'gor jŭm păng, ta Arôer jêh ri n'gor jŭm păng, tâm lĕ rngôch ƀon toyh ƀoi tĭng dak n'hong jê̆ Arnôn. Mâm ƀư may mâu sŏk pit tay lĕ ƀon toyh nây tâm rnôk nây?