I Phung Hađăch 5:6 - Nau Brah Ndu Ngơi 2023

⁶ Pôri aƀaơ ri, dăn may ntĭnh hom ăn bu kăl tơm si sêdar tă bơh n'gor bri Liban ma gâp. Phung oh mon gâp mra tâm rnglăp đah phung oh mon may, jêh ri gâp mra mplơ̆ prăk pah kan ma khân păng tĭng nâm rnoh may hŏ tâm nal; yorlah may gĭt pô aơ mâu geh ôh du huê tâm phung hên blau kăl tơm si nâm bu phung Sidôn.”

I Phung Hađăch 5:6 ပူးပေါင်းရင်းမြစ်များ

Nau Ntơm 10:15

Y-Kanaan jêng mbơ̆ Y-Sidôn, jêng kon bu klâu bôk rah, jêh ri Y-Het.

I Phung Hađăch 10:26

Y-Salômôn bun rgum âk ndeh seh jêh ri phung tahan ncho seh; hađăch geh du rbăn puăn rhiăng bôk ndeh jêh ri du rmưn bar rbăn phung tahan ncho seh tâm lĕ ƀon geh ndeh seh jêh ri ta ƀon Yêrusalem, dăch kêng hađăch.

I Phung Hađăch 5:7

Tơlah tăng jêh nau Y-Salômôn ngơi, hađăch Hiram răm rhơn ngăn jêh ri lah: “Nar aơ khư tâm rnê ma Brah Yêhôva, Nơm hŏ ăn ma Y-Đavit du huê kon gĭt mĭn gay chiă uănh phung ƀon lan âk râk aơ!”

I Phung Hađăch 6:16

Hađăch nchăng rgăn jât met kô̆ nglĕ dŭt tâm ngih brah ma kađar tơm si sêdar ntơm bơh mbon tâm dâng tât ma dra klơ, gay ƀư Ntŭk Dŭt Kloh Ueh.

I Phung Hađăch 6:20

Ntŭk Dŭt Kloh Ueh jong jât met, rkăng jât met, jêh ri prêh jât met, bu mblum păng ma mah chrêk. Nơng ƀư brah păng ƀư ma tơm si sêdar, bu mblum đŏng păng ma mah chrêk.

I Phung Hađăch 9:19

jêh ri ndâk lĕ rngôch ƀon geh jay prăp nkrem ndơ sông sa Y-Salômôn, lĕ ƀon ma ndeh seh, lĕ ƀon ma phung tahan ncho seh, jêh ri lĕ rngôch kan Salômôn ŭch ndâk ta Yêrusalem, Liban, jêh ri tâm lĕ rngôch n'gor tâm nau dơi hađăch chiă uănh.

I Phung Hađăch 9:27

Y-Hiram prơh phung oh mon păng nơm, jêng phung gŭ ƀĭt kumpăn, gĭt vât jêh ri mơng bên jêh ma trong tâm dak mƀŭt, hăn tât gay kơl phung oh mon Y-Salômôn tâm kumpăn nĕ.

I Nau Rêh Jêng 22:4

Tơm si sêdar mâu dơi kơp ôh, yorlah phung Sidôn jêh ri phung Tyre rdeng âk ngăn tơm si sêdar tât ma hađăch Đavit.

II Nau Rêh Jêng 1:14

Y-Salômôn bun rgum âk ndeh seh jêh ri seh tâm lơh, păng geh du rbăn puăn rhiăng ndeh seh jêh ri du rmưn bar rbăn seh tâm lơh. Păng ăn ndeh seh gŭ tâm lĕ ƀon bu bun ndeh seh jêh ri dăch kêng hađăch ta ƀon Yêrusalem.

II Nau Rêh Jêng 2:10

Gâp mra ăn ma phung oh mon may, jêng phung blau kăl tơm si, puăn rkeh puăn rsen lit ba ƀlê lĕ peh jêh, puăn rkeh puăn rsen lit ba ôrgơ, puăn rkeh puăn rsen lit ndrănh, jêh ri puăn rkeh puăn rsen lit dak ngi ôlive.”

II Nau Rêh Jêng 2:8

Ăt njuăl đŏng ăn ma gâp tơm si sêdar, tơm si chiprơ jêh ri tơm si rte bơh bri Liban. Yorlah gâp gĭt ma phung oh mon may blau kăl tơm si tâm bri Liban. Phung oh mon gâp mra tâm rnglăp ndrel ma phung oh mon may

Êsra 3:7

Khân păng ăn prăk ma phung ndâk lŭ, phung trah si, ăn ndơ sông sa, dak nhêt, jêh ri dak ngi ôlive ma phung Sidôn jêh ri Tyre, gay khân păng djôt leo tơm si sêdar tă bơh bri Liban tât ta dak mƀŭt Jôpa, tĭng nâm samƀŭt nau ntrŭnh tă bơh Y-Sirus, hađăch Persi.

Nau Mprơ Ơm 29:5

Bâr Brah Yêhôva nkê̆ch pă tơm si sêdar; Di yơh, Brah Yêhôva nkê̆ch pă tơm si sêdar tâm n'gor Liban.

Sakari 11:12

Gâp lah ma khân păng: “Tơlah khân may mĭn ueh, pôri ăn hom nau nkhôm ma Gâp; lah mâu di pha lah.” Pôri khân păng veh rnoh nkhôm nây ma Gâp pe jât rlat prăk.

Samƀŭt Pôl Njuăl Ăn Ma Phung Nsing Ta Ƀon Rôm 12:17

Lơi sŏk nau mhĭk mplơ̆ nau mhĭk ma bu; gơih mĭn hom ƀư nau ueh tanăp lĕ rngôch bunuyh.

Êphêsô 4:7

Ƀiălah nau yô̆ hŏ ăn jêh ma ăp nơm tâm phung he tĭng nau keh tâm pă bơh Brah Krist ăn.

Nau Vay Nkah Tay 17:16

Knŏng geh du nau hađăch nĕ mâu dơi ôh ntop âk seh, kŏ mâu đŏng yor ŭch ntop âk seh njŭn tay phung ƀon lan plơ̆ sĭt tay ta n'gor Êjipt, yorlah Brah Yêhôva hŏ ntăm jêh ma khân may pô aơ: ‘Khân may mâu đŏng dơi plơ̆ tay ta trong nây.’

Philip 4:8

Nau nglĕ dŭt, hơi oh nâu, moh ntil jêng nau nanê̆ ngăn, moh ntil jêng nau khư yơk, moh ntil jêng nau sŏng srăng, moh ntil jêng nau kloh rsang, moh ntil jêng nau khư rŏng, moh ntil jêng nau khư tâm rnê, lah nsum jêng moh ntil jêng nau mĭn ueh, nau khư tâm rnê, ăn khân may mĭn ma lĕ nau nây.