I Phung Hađăch 5:12 - Nau Brah Ndu Ngơi 2023

¹² Brah Yêhôva ăn nau gĭt mĭn ma Y-Salômôn nâm bu Păng hŏ ton ma hađăch. Vah vang Y-Hiram jêh ri Y-Salômôn geh nau tâm jrông ndăl ueh, jêh ri bar hê khân păng hŏ ƀư nau tâm rnglăp ndrăng khân păng.

I Phung Hađăch 5:12 ပူးပေါင်းရင်းမြစ်များ

Nau Ntơm 21:32

Lôch jêh nau khân păng bar hê ƀư nau tâm rnglăp ndrel ta Bêr-Sêba, hađăch Abimêlek jêh ri kôranh tahan Y-Pikôl hăn sĭt ta n'gor Philistin.

I Phung Hađăch 15:19

“Ăn he tâm rnglăp ndrel, tâm ban mbơ̆ may jêh ri mbơ̆ gâp hŏ ƀư. Aơ gâp njuăl djôt leo ndơ nhhơr ma prăk jêh ri mah gay nkơ ma may. Dăn may chalơi nau tâm rnglăp may đah Y-Baêsa, hađăch Israel, gay ma păng du ngai bơh n'gor gâp.”

I Phung Hađăch 3:12

rĭ dĭng Gâp ƀư tĭng nau may dăn. Gâp ăn ma may nuih n'hâm gĭt mĭn jêh ri gĭt rbăng, kŏ tât mâu hŏ geh ôh du huê bunuyh panăp may tâm ban ma may jêh ri pakơi may mâu mra geh bunuyh dơi ban may ôh.

I Phung Hađăch 4:29

Brah Ndu ăn ma Y-Salômôn nau gĭt mĭn jêh ri nau gĭt rbăng mâu dơi ntĭt ôh, jêh ri nau gĭt vât âk nâm bu choih ta kơh dak mƀŭt.

I Phung Hađăch 5:13

Hađăch Salômôn kuăl phung pah kan jâk tâm lĕ rngôch phung Israel, geh pe rmưn bunuyh.

II Nau Rêh Jêng 1:12

pôri Gâp hŏ ăn jêh nau gĭt mĭn jêh ri nau gĭt rbăng ma may. Gâp mra ăn ma may nau ndrŏng kuăng, drăp ndơ, jêh ri nau chrêk rmah kŏ tât mâu dơi geh ôh lĕ phung hađăch lor panăp may jêh ri pakơi may dơi ban.”

Nau Mprơ Ơm 127:1

Tơlah Brah Yêhôva mâu rdâk ngih Phung rdâk pah kan dơm dam. Tơlah Brah Yêhôva mâu gak njrăng ƀon, Pôri nơm tahan gak rngeh lĕ măng jêng dơm dam .

Nau Hôr 1:1

Nau hôr Y-Salômôn, kon bu klâu Y-Đavit, hađăch phung Israel:

Nơm Nti 12:9

Nơm nti mâu jêng bunuyh blau mĭn dơm ôh hôm jêng đŏng bunuyh bơh nau gĭt rbăng ma phung ƀon lan. Păng hŏ sek uănh, tĭng joi jêh ri dăp âk trong nau hôr.

Nau Mprơ Ueh 1:1

Nau mprơ ueh, nau mprơ ueh uĭn ngăn ma Y-Salômôn.

Amôt 1:9

Brah Yêhôva lah: “Yor nau tih mhĭk ƀon Tyre ntop hôm ntop nau tih mhĭk Yor ri Gâp mâu rhuăt tay nau tâm rmal ma păng Yorlah khân păng jao lĕ phung ƀon lan ma Êđôm, Mâu kah gĭt ôh nau tâm rnglăp ndrăng oh nâu.

Yakơ 1:5

Tơlah mbu nơm tâm phung khân may pưt nau blau mĭn, vơh vơl hom ma Brah Ndu, Păng mra ăn ro, yorlah Brah Ndu jêng Nơm ăn ma lĕ rngôch bunuyh ma nuih n'hâm lŏng, mâu geh nau nduyh ôh.