I Phung Hađăch 5:1 - Nau Brah Ndu Ngơi 2023

¹ Tơlah tăng lư ma Y-Salômôn hŏ bu tŏ jêh dak ƀâu kah gŭ ta sưng hađăch chiă uănh thoi ntrok mbơ̆ păng, hađăch Tyre jêng Y-Hiram prơh phung oh mon păng nơm hăn tât ma Y-Salômôn, yorlah Y-Hiram ăt rŏng ƀaƀơ ma Y-Đavit.

I Phung Hađăch 5:1 ပူးပေါင်းရင်းမြစ်များ

Nau Ntơm 15:18

Tâm nar nây, Brah Yêhôva ƀư nau tâm rnglăp đah Y-Abram pô aơ: “Gâp ăn noi deh may bri aơ, ntơm bơh dak krong Êjipt tât ta dak krong toyh ri, jêng dak krong Ơphrat,

II Samuel 5:11

Y-Hiram, hađăch ƀon Tyre, prơh phung mbơh hăn tât ma Y-Đavit, djôt leo tơm si sêdar, jêh ri phung trah si, phung tơng châm lŭ gay rdâk ngih hađăch ma Y-Đavit.

II Samuel 8:10

Y-Toi prơh Y-Jôram, kon păng nơm, tât mbah ma hađăch Đavit, jêh ri mât ton ma păng tâm lơh jêh ri dơi jêh đah Y-Hadadêser; yorlah Y-Hadadêser vay tâm lơh đah Y-Toi. Y-Jôram djôt leo ndrel păng ndô ndơ prăk, mah, jêh ri kông ma hađăch Đavit.

I Phung Hađăch 10:25

Mbu hăn mâp hađăch, djôt leo da dê ndơ nhhơr nâm bu: lĕ ndơ dŏng ƀư ma prăk jêh ri ma mah, ao mbâl, ao loih, dak si ƀâu kah, seh jêh ri seh bri.

I Phung Hađăch 5:10

Pônây, Y-Hiram ăn ma Y-Salômôn lĕ rngôch tơm si sêdar jêh ri tơm si chiprơ tĭng nâm păng ŭch.

I Phung Hađăch 5:13

Hađăch Salômôn kuăl phung pah kan jâk tâm lĕ rngôch phung Israel, geh pe rmưn bunuyh.

I Nau Rêh Jêng 14:1

Y-Hiram, hađăch ƀon Tyre, prơh phung mbơh djôt leo phung ndâk lŭ, phung trah si nđâp âk tơm si sêdar tât gay rdâk ma hađăch Đavit du ngih hađăch.

II Nau Rêh Jêng 17:11

Phung Philistin djôt leo ndơ jêh ri prăk nhhơr ma Y-Jôsaphat; phung Arabi leo đŏng ma păng lĕ mpôl mpô mpa rong geh pơh rbăn pơh rhiăng mlâm biăp nkuăng jêh ri pơh rbăn pơh rhiăng mlâm be nkuăng.

II Nau Rêh Jêng 2:3

Y-Salômôn njuăl nơm mbơh hăn gay lah ma Y-Hiram, hađăch ƀon Tyre: “May hŏ ăn jêh tơm si sêdar ma Y-Đavit, mbơ̆ gâp, gay ndâk ngih hađăch, pônây lĕ sâm ƀư ăn ma gâp đŏng.

II Nau Rêh Jêng 9:26

Hađăch chiă uănh lĕ rngôch hađăch, ntơm bơh dak krong Me tât ma n'gor bri Philistin, jêh ri n'ho tât ma n'har neh bri Êjipt.

Êsra 4:20

Ta ƀon Yêrusalem hŏ geh phung hađăch geh nau dăng ktang chiă uănh ta mpeh đah ri dak krong, jêh ri bu nhhơr ndơ, chê̆ pi jêh ri chê̆ prăk rvăt samƀŭt rsong trong ma phung hađăch nây.

Nau Mprơ Ơm 45:12

Kon bu ur ƀon Tyre mra văch djôt ndơ nhhơr Jêh ri phung ndrŏng lơn tâm ƀon lan mra văch dăn nau yô̆ ay.

Nau Mprơ Ơm 72:8

Păng mra chiă uănh bơh dak mƀŭt aơ, tât ta dak mƀŭt ri, Bơh Dak Krong kŏ tât dŭt rplay neh.

Nau Mprơ Ơm 80:12

Mâm ƀư May ƀư rai n'gar păng Gay ma phung prot ta nây pĕ lơi play păng?

Nau Ngluh Êjipt 34:24

Yorlah Gâp mra nsot phung băl mpôl bơh panăp may jêh ri ƀư dĭ n'har bri may; mâu lĕ bu mra kơnh ma n'gor may dôl may hăn nhhơ tanăp Yêhôva Brah Ndu may ăp năm pe tơ̆.

Êsai 23:1

Nau mbơh lor ma Tyre: Ơ kumpăn Tarsis, nhĭm nhhiăng hom, Yorlah ƀon Tyre rai jêh, Mâu hôm geh ngih, mâu lĕ hôm geh trong mŭt! Tă bơh n'gor Kitim, khân păng hŏ gĭt nau nây.

Êsêkiêl 19:11

Lĕ n'gĭng păng nâp ngăn, Tât jêng mâng jra ma kôranh chiă uănh. Tơm păng prêh ngăn Ta nklang tơm si pŭm. Ăp nơm saơ păng da dê, Yorlah tơm prêh, n'gĭng n'ha âk.

Amôt 1:9

Brah Yêhôva lah: “Yor nau tih mhĭk ƀon Tyre ntop hôm ntop nau tih mhĭk Yor ri Gâp mâu rhuăt tay nau tâm rmal ma păng Yorlah khân păng jao lĕ phung ƀon lan ma Êđôm, Mâu kah gĭt ôh nau tâm rnglăp ndrăng oh nâu.

Nau Kơp Bunuyh 24:7

Dak mra ler padih tă trôm thŭng dâng khân păng, Găr ntil khân păng mra gŭ tâm âk ntŭk geh dak tŏ, Hađăch khân păng mra jêng toyh lơn ma Y-Agak, Ƀon bri hađăch khân păng mra dơi tâm rnê.

Luka 7:5

yorlah păng rŏng ma phung ƀon lan he, jêh ri ndâk ngih rƀŭn ăn he.”

Nau Vay Nkah Tay 20:11

Tơlah khân păng dơn nau ƀư đăp mpăn jêh ri pơk mpông ƀon ma khân may, pôri lĕ rngôch phung ƀon lan gŭ tâm ƀon nây mra pah kan jêh ri ƀư dĭk ma khân may.

I Samuel 10:27

Ƀiălah geh phung bunuyh mhĭk lah: “Mâm ƀư bunuyh aơ dơi tâm rklaih he?” Khân păng tâm rmot ma Y-Sôl, mâu djôt leo ndơ nhhơr ôh ma păng. Ƀiălah, Y-Sôl gŭ klêm.