I Phung Hađăch 4:34 - Nau Brah Ndu Ngơi 2023

³⁴ Bu văch tât tă bơh lĕ rngôch ntil mpôl băl hăn hao gay ŭch iăt nau gĭt mĭn Y-Salômôn. Lĕ phung hađăch lam bri văr neh tơlah tăng bu nkoch ma nau gĭt mĭn Y-Salômôn bu ŭch iăt ma nau gĭt mĭn păng.

I Phung Hađăch 4:34 ပူးပေါင်းရင်းမြစ်များ

I Phung Hađăch 10:1

Hađăch bu ur n'gor Sêba tăng lư Y-Salômôn yor amoh Brah Yêhôva, păng văch tât gay ŭch rlong uănh Y-Salômôn âk nau hôr dŭt jêr.

I Phung Hađăch 4:33

Hađăch ngơi di ma tơm si, tă bơh tơm si sêdar ta Liban tât ma gơ̆ nse hisôp hon ta klơ mpêr. Hađăch ngơi đŏng di ma mpô mpa, ma sĭm och, ma mpa vơr, jêh ri ma ka.

II Nau Rêh Jêng 9:1

Lah hađăch bu ur n'gor Sêba tăng lư n'găr amoh Y-Salômôn, păng văch tât ma ƀon Yêrusalem, sŏk âk nau ngơi hôr gay ŭch rlong uănh hađăch Salômôn, geh âk ngăn phung kâp kơl nsong ndrel ma păng, geh âk seh samô rdeng dak si ƀâu kah jêh ri âk ngăn mah nđâp ma lŭ khlay. Păng tât gay tâm mâp ma hađăch Salômôn jêh ri lah ma hađăch lĕ nau geh tâm nuih n'hâm păng.

II Nau Rêh Jêng 9:23

Lĕ rngôch hađăch ta neh ntu ŭch joi saơ muh măt Y-Salômôn, gay iăt nau blau mĭn păng tă bơh Brah Ndu hŏ dơm jêh tâm nuih n'hâm păng.

Êsai 2:2

Tâm lĕ nar nglĕ dŭt, Yôk ngih Brah Yêhôva Mra dơi ndâk nâp ta klơ lĕ gôl yôk, Prêh lơn ma lĕ rngôch yôk. Lĕ rngôch bri dak mra hăn plơ̆ sĭt ta nây,

Sakari 8:23

Brah Yêhôva ma phung tahan lah: “Tâm âk nar nây, mra geh jât nuyh tă tâm ntil mpôl bunuyh nau ngơi êng êng, kuăn rdâng ta ntôr ao du huê Yuđa, jêh ri lah pô aơ: ‘Ăn hên hăn ndrel ma khân may, yorlah hên geh tăng pô aơ Brah Yêhôva gŭ ndrel ma khân may.’”