I Phung Hađăch 4:30 - Nau Brah Ndu Ngơi 2023

³⁰ Nau gĭt mĭn Y-Salômôn rlau lơn nau gĭt mĭn lĕ rngôch bunuyh gŭ ta mpeh Luh Nar, jêh ri rlau lơn lĕ rngôch nau gĭt mĭn ta Êjipt.

I Phung Hađăch 4:30 ပူးပေါင်းရင်းမြစ်များ

Nau Ntơm 25:6

Ƀiălah nôk păng hôm e rêh, Y-Abraham ăn drăp ndơ ma kon ur yông păng jêh ri lah ma khân păng hăn gŭ tâm nkual neh mpeh luh nar, ngai bơh Y-Isăk jêng kon ur tơm.

Nau Ntơm 29:1

Y-Yakôb dâk hăn tât ta n'gor phung ƀon lan mpeh Lur Nar.

I Phung Hađăch 10:23

Pônây, hađăch Salômôn rlau lơn ma lĕ rngôch phung hađăch ta neh ntu tâm nau ndrŏng jêh ri nau blau mĭn.

Ndrom Samƀŭt bơh Yôp 1:3

Drăp ndơ păng geh: Pơh rbăn mlâm biăp, pe rbăn mlâm seh samô, prăm rhiăng trŭp ndrôk, prăm rhiăng mlâm seh bri me jêh ri âk oh mon. Păng jêng bunuyh ndrŏng lơn tâm phung ƀon lan bri mpeh luh nar.

Nơm Nti 1:16

Gâp mĭn êng: “Aơ, gâp hŏ geh nau blau mĭn rlau lơn ma lĕ rngôch phung hađăch chiă uănh ta ntŭk Yêrusalem; nanê̆, gâp hŏ rgăn jêh âk nau tât đah nau blau mĭn jêh ri nau gĭt rbăng.”

Êsêkiêl 25:4

yor nau nây, aơ, Gâp mra jao may ma phung tă bơh mpeh Luh Nar ƀư drăp ndơn. Khân păng mra ƀư pôih jêh ri ƀư ngih khân păng gŭ ta nklang may; khân păng mra sa kao play jêh ri nhêt dak toh ndrôk may.

Daniel 1:20

Dôl hađăch ôp khân păng ma lĕ rngôch nau ôp ma nau blau mĭn nau gĭt rbăng, pôri saơ khân păng blau lơn jât tơ̆ ma phung ƀŭk rƀên jêh ri phung kôranh n'hŭm tâm lĕ ƀon bri hađăch păng nơm.

Daniel 4:7

Phung rƀên, phung n'hŭm, phung Kaldê, jêh ri phung nchrâng mănh tât. Gâp nkoch nau mbơi ăn ma khân păng iăt, ƀiălah khân păng mâu dơi rblang nau mbơi nây ma gâp ôh.

Mathay 2:1

Rnôk bu deh ma Brah Yêsu tâm ƀon Ƀêtlêhem tâm n'gor Yuđa, tâm rnôk hađăch Hêrôt chiă uănh, geh phung njêh gŭ mpeh luh nar tât ta ƀon Yêrusalem jêh ri ôp:

Mathay 2:16

Tơlah hađăch Hêrôt gĭt ma phung njêh rlăm ma păng, păng ji nuih hâu ngăn, đă bu nkhĭt lơi lĕ rngôch phung kon se jê̆ bu klâu ntơm bơh jê̆ tât bar năm tâm ƀon Ƀêtlêhem jêh ri lam n'gor nây, tĭng di ngăn nar khay phung njêh mbơh ma Păng.

Kôranh Oh Mon 7:22

Y-Môis nti lĕ nau blau mĭn phung Êjipt; păng geh nau dơi tâm nau ngơi jêh ri tâm kan.

Phung Kôranh Phat Dôih 6:33

Lĕ rngôch phung Madian, phung Amalek, jêh ri phung mpeh Luh Nar tâm rnglăp ndrel, rgăn dak krong Yurdan jêh ri ƀư ntŭk rmlak tâm rlŭng Jesrêel.