I Phung Hađăch 4:25 - Nau Brah Ndu Ngơi 2023

²⁵ Du njăr rêh hađăch Salômôn chiă uănh, lĕ phung Yuđa jêh ri phung Israel ntơm bơh Dan tât ma Bêr-Sêba, phung ƀon lan rêh da dê tâm nau đăp mpăn, ăp nơm tâm dâng tơm krăk ƀâu jêh ri tơm rvi păng nơm.

I Phung Hađăch 4:25 ပူးပေါင်းရင်းမြစ်များ

II Samuel 17:11

Pôri, gâp nchră kơt aơ: Ăn lĕ rngôch phung Israel tâm rgum ndrel may, ntơm bơh Dan tât ta Bêr-Sêba, jêng âk nâm bu choih tâm dak mƀŭt, jêh nây may nơm mra leo phung tahan păng hăn ma nau tâm lơh.

II Samuel 24:15

Pôri, Brah Yêhôva ƀư ăn nau ji tưp ƀư mhĭk ngăn tâm phung Israel, ntơm bơh ơm ôi nar nây tât ta mông hŏ nal jêh. Rnoh bunuyh khĭt tâm phung ƀon lan ntơm bơh Dan tât ma Bêr-Sêba jêng pơh rmưn nuyh.

II Phung Hađăch 18:31

Lơi ta iăt Y-Hêsêkia, yorlah hađăch Asiri lah pô aơ: Ƀư hom nau đăp mpăn đah gâp jêh ri luh ran lăp ma gâp; pôri ăp nơm tâm khân may mra dơi sa kao play tâm đang krăk ƀâu, n'gar rvi păng nơm, jêh ri nhêt dak tă bơh ndrâm ntu păng nơm,

I Nau Rêh Jêng 22:9

Aơ, bu mra deh ma may du huê kon bu klâu, păng jêng du huê bunuyh đăp mpăn. Gâp mra ăn ma păng nau đăp mpăn, phung rlăng gŭ jŭm păng mâu mra hôm ôh ƀư rkhŭk păng; yor ri, amoh păng jêng Y-Salômôn. Tâm rô̆ păng, Gâp mra ăn phung Israel đăp mpăn, gŭ păn thơ.

Êsai 36:16

Lơi ta iăt Y-Hêsêkia ôh, yorlah hađăch Asiri lah pô aơ: Ƀư hom nau đăp mpăn đah gâp jêh ri ăn may văch ta gâp, pôri ăp nơm tâm khân may ăt mra dơi sa play krăk ƀâu, play rvi, jêh ri nhêt dak bơh nglao prăp păng nơm,

Êsai 60:18

Bri may mâu mra đŏng tăng ôh nau djơh janh, N'gor may mâu đŏng hôm nau jêng rngot njăp rlâm rai nchah. May mra rnha mpêr ƀon may jêng “Nau Tâm Rklaih” Jêh ri kuăl mpông ƀon may jêng “Nau Tâm Mprơ Rnê.”

Êsêkiêl 38:11

May mra lah: ‘Gâp mra hăn tât lơh bri dak geh ƀon mâu geh mpêr ôh, gâp mra hăn tât ndrel phung ƀon lan gŭ mpăn, đăp rmên, nây jêng lĕ rngôch phung gŭ tâm ntŭk mâu geh mpêr ôh, mâu geh ôh rnăng mpông jêh ri mâu geh mpông.

Êsêkiêl 39:26

Khân păng mra chuêl lĕ nau bêk prêng jêh ri lĕ rngôch nau tih mâu răp jăp khân păng hŏ ƀư jêh đah Gâp tơlah khân păng mra gŭ rêh đăp mpăn tâm bri neh khân păng nơm, mâu hôm klach ma bu ôh.

Mika 4:4

Ăp nơm mra gŭ tâm dâng tơm krăk ƀâu khân păng Jêh ri tâm dâng tơm rvi khân păng nơm; Mâu geh ôh nơm ƀư ăn ma khân păng klach Yorlah trôm mbung Brah Yêhôva ma phung tahan hŏ lah jêh.

Sakari 3:10

Brah Yêhôva ma phung tahan lah: “Tâm nar nây, ăp nơm tâm khân may mra jă bunuyh chiau meng păng gŭ tâm dâng tơm krăk ƀâu jêh ri tơm rvi.”

Phung Kôranh Phat Dôih 20:1

Rnôk nây, lĕ rngôch phung ƀon lan Israel du luh ntơm bơh Dan tât ma Bêr-Sêba, nđâp lĕ n'gor Gilêat; hăn nâm bu du huê bunuyh jêh ri tâm rƀŭn tanăp Brah Yêhôva ta Mispa.

I Samuel 3:20

Lĕ rngôch phung Israel, ntơm bơh Dan tât ta Bêr-Sêba, gĭt ma Y-Samuel jêng du huê nơm mbơh lor ma Brah Yêhôva.