I Phung Hađăch 4:21 - Nau Brah Ndu Ngơi 2023

²¹ Y-Salômôn chiă uănh lĕ rngôch ƀon bri hađăch, ntơm bơh dak krong Ơphrat tât neh phung Philistin, ma tât n'har Êjipt. Lĕ ƀon bri hađăch nây djôt ndơ nhhơr jêh ri pah kan ma hađăch Salômôn lôch du njăr rêh hađăch.

I Phung Hađăch 4:21 ပူးပေါင်းရင်းမြစ်များ

Nau Ntơm 15:18

Tâm nar nây, Brah Yêhôva ƀư nau tâm rnglăp đah Y-Abram pô aơ: “Gâp ăn noi deh may bri aơ, ntơm bơh dak krong Êjipt tât ta dak krong toyh ri, jêng dak krong Ơphrat,

II Samuel 8:2

Hađăch dơi đah phung tahan Môap, đă khân păng bê̆ch ta klơ neh jêh ri veh ma rse: veh bar bông rse jêh ri nkhĭt, veh du bông rse ăn ma rêh. Pôri ăn phung Môap pah kan jêh ri chê̆ pi ma Y-Đavit.

II Samuel 8:6

Jêh ma nây, Y-Đavit njêng pôih ta ƀon Damas n'gor Aram; phung Aram pah kan jêh ri chê̆ pi ma Y-Đavit. Ta ntŭk Y-Đavit hăn tât, pôri Brah Yêhôva ăn păng dơi.

I Phung Hađăch 12:4

“Mbơ̆ may hŏ n'gân klơ hên du mlâm mâng mbăk jâk jêr. Aƀaơ aơ, dăn may n'hŭch hom ăn n'gơch nau rêh ni jêh ri mâng mbăk jâk ngăn mbơ̆ may hŏ n'gân jêh ta klơ hên, hên mra pah kan ma may.”

I Phung Hađăch 3:13

Rlau lơn ma nĕ, Gâp tâm ban đŏng ăn ma may lĕ nau may mâu mâp dăn ôh, jêng nau ndrŏng ngăn ngên jêh ri lư n'găr, kŏ tât du njăr rêh may, mâu geh ôh tâm phung hađăch mra tâm ban ma may.

I Phung Hađăch 4:22

Ndơ sông sa ăn ma ngih hađăch Salômôn ăp nar jêng: Prao rbăn prao rhiăng lit rnih môi, jêh ri du rmưn pe rbăn bar rhiăng lit rnih ê muy,

I Phung Hađăch 4:24

Yorlah Y-Salômôn chiă uănh lĕ nkual mpeh nhâp nar dak krong Ơphrat jêh ri phung hađăch lĕ nkual nây, ntơm bơh Tipsa tât ma Gaxa, pôri lam puăn mpeh geh da dê nau đăp mpăn.

II Phung Hađăch 17:3

Hađăch Asiri jêng Y-Salmanêser hăn hao tâm lơh đah Y-Hôsêa, ƀư ăn păng tông bâr jêh ri chê̆ pi ma Y-Salmanêser.

II Nau Rêh Jêng 17:5

Yor ri, Brah Ndu ƀư ăn ƀon bri hađăch nâp ktang tâm ti păng, lĕ rngôch phung Yuđa nhhơr ndơ ma Y-Jôsaphat, pôri păng dơi geh âk drăp ndơ jêh ri lư n'găr hâu ngăn.

II Nau Rêh Jêng 32:23

Geh âk bunuyh djôt leo ndơ nhhơr ma Brah Yêhôva ta Yêrusalem, jêh ri âk ndơ khlay ăn ma Y-Hêsêkia, hađăch Yuđa. Ntơm bơh nôk nây tât ô klak, âk bri dak yơk ma păng.

Êsra 4:20

Ta ƀon Yêrusalem hŏ geh phung hađăch geh nau dăng ktang chiă uănh ta mpeh đah ri dak krong, jêh ri bu nhhơr ndơ, chê̆ pi jêh ri chê̆ prăk rvăt samƀŭt rsong trong ma phung hađăch nây.

Nau Mprơ Ơm 68:29

Tă bơh ngih Brah May ta ƀon Yêrusalem, Phung hađăch mra njŭn leo mpa nhhơr ma May.

Nau Mprơ Ơm 76:11

Ton hom ma Brah Yêhôva Brah Ndu, Jêh ri ƀư nau khân may ton jêh ma Păng. Lĕ rngôch bunuyh gŭ văr jŭm Păng Djôt hom ndơ nhhơr ma Nơm khư bu klach.

Nau Ngluh Êjipt 23:31

Gâp mra ƀư n'har bri kon ntơm bơh Dak Mƀŭt Chăng tât ta dak mƀŭt Philistin, ntơm bơh bri rdah tât ta dak krong toyh; yorlah Gâp mra jao lĕ phung bunuyh ta n'gor nây tâm ti kon, jêh ri kon mra mprơh khân păng mâu hôm saơ ta măt kon.

Nơm Nti 2:25

Yorlah mbu jêng bunuyh dơi sa jêh ri geh nau maak lơn ma gâp?

Nau Nhĭm Vơl 1:1

Ơ! Ƀon aơ kăl e âk ngăn bunuyh, Aƀaơ gŭ êng du huê du! Kăl e geh nau dơi toyh ta nklang phung ƀon lan, Aƀaơ jêng nâm bu bu ur ndrô, Kăl e jêng hađăch bu ur ta nklang âk n'gor, Aƀaơ ri jêng pah kan jâk rgănh ngăn!

Êsêkiêl 16:13

Tâm ban pônây, ay dơi nkrơ̆ ma mah ma prăk; kho ao ay ma bok mhay rhên, ma bok ek ndrŭng, ma ndơ bu cheh. Ay mât săk ma rnih môi, dak sŭt jêh ri dak ngi ôlive. Ay văch ma toyh ma nau ueh ngăn jêh ri nau ngơi hao kŏ tât jêng ur hađăch.

Nau Vay Nkah Tay 11:24

Lĕ rngôch ntŭk mpang jâng khân may jot mra jêng ndơ khân may. N'har neh khân may mra ntơm bơh bri rdah tât ta Liban, bơh dak krong Ơphrat tât ta Dak Mƀŭt Nhâp Nar.

Yôsuê 1:4

Nkual neh khân may mra sŏk ntơm bơh bri rdah jêh ri bri Liban aơ tât ta dak krong toyh, jêng dak krong Ơphrat, lĕ bri phung Hitit tât ta Dak Mƀŭt Toyh mpeh nhâp nar.

I Samuel 10:27

Ƀiălah geh phung bunuyh mhĭk lah: “Mâm ƀư bunuyh aơ dơi tâm rklaih he?” Khân păng tâm rmot ma Y-Sôl, mâu djôt leo ndơ nhhơr ôh ma păng. Ƀiălah, Y-Sôl gŭ klêm.