I Phung Hađăch 4:19 - Nau Brah Ndu Ngơi 2023

¹⁹ Y-Gêber, kon bu klâu Y-Uri, chiă uănh tâm n'gor neh Gilêat, jêng n'gor neh kăl e jêng n'gor Y-Sihôn, hađăch phung Amôrit, jêh ri Y-Ôk, hađăch n'gor Basan. Knŏng êng du huê Y-Gêber jêng kôranh chiă uănh tâm lĕ n'gor aơ.

I Phung Hađăch 4:19 ပူးပေါင်းရင်းမြစ်များ

Nau Vay Nkah Tay 2:26

“Pôri, tă bơh bri rdah Kêdêmôt gâp njuăl phung mbơh tât tâm mâp đah Y-Sihôn, hađăch ƀon Hêsbôn, ma nau ngơi đăp mpăn gay lah đah hađăch nây:

Nau Vay Nkah Tay 3:8

Pôri, tâm rnôk nây he hŏ sŏk pit n'gor bơh ti bar hê hađăch phung Amôrit gŭ mpeh luh nar đah ri dak krong Yurdan, ntơm bơh dak krong Arnôn tât ta yôk Hermôn.

Yôsuê 12:1

Aơ jêng phung hađăch tâm n'gor phung Israel lơh jêh, jêh ri pit sŏk n'gor khân păng ta đah ri dak krong Yurdan, mpeh luh nar, bơh rlŭng Arnôn tât ma Hermôn, jêh ri lĕ neh lâng mpeh luh nar:

Yôsuê 12:6

Y-Môis, oh mon Brah Yêhôva, jêh ri phung ƀon lan Israel hŏ dơi đah khân păng jêh. Y-Môis, oh mon Brah Yêhôva, ăn neh nây ma phung Ruben, phung Gat, jêh ri du n'gul ndŭl mpôl Manasê jêng drăp ndơn.