I Phung Hađăch 3:9 - Nau Brah Ndu Ngơi 2023

⁹ Pôri, dăn ma Kôranh Brah ăn ma oh mon May nuih n'hâm gĭt mĭn gay phat nkra dôih phung ƀon lan May jêh ri tâm nkhah nau di jêh ri nau mâu di; yorlah mbu nơm dơi phat nkra dôih phung ƀon lan Kôranh Brah âk râk aơ?”

I Phung Hađăch 3:9 ပူးပေါင်းရင်းမြစ်များ

II Samuel 14:17

Pônây, oh mon bu ur hađăch hŏ mĭn: ‘Nau ngơi hađăch, jêng kôranh gâp, mra ăn gâp gŭ đăp mpăn; yorlah hađăch, jêng kôranh gâp, mâu lĕ lĭn du huê tông mpăr Brah Ndu, gĭt sek uănh nau ueh jêh ri nau mhĭk.’ Dăn ma Yêhôva Brah Ndu hađăch gŭ ndrel hađăch!”

I Phung Hađăch 10:24

Lam lĕ neh ntu ŭch tâm mâp đah Y-Salômôn gay iăt nau blau mĭn Brah Ndu hŏ dơm jêh tâm nuih n'hâm hađăch.

I Phung Hađăch 3:10

Brah Yêhôva di nuih yor Y-Salômôn hŏ dăn nau nây.

I Phung Hađăch 3:28

Tơlah lĕ rngôch phung Israel hŏ tăng nau hađăch phat dôih nây, jêh ri khân păng geh nau yơk ma hađăch, yorlah khân păng saơ pô aơ Brah Ndu hŏ ăn ma hađăch nau gĭt mĭn gay ƀư nau di.

I Nau Rêh Jêng 22:12

Dăn ma Brah Yêhôva ăn ma may nau gĭt mĭn jêh ri nau gĭt rbăng gay may chiă uănh phung Israel jêh ri djôt prăp nau vay Yêhôva Brah Ndu may.

I Nau Rêh Jêng 29:19

Dăn ma Kôranh Brah ăn ma Y-Salômôn, kon gâp, du nuih n'hâm mâu geh bu dơi nduyh djôt prăp lĕ nau vay ntăm, lĕ nau ntĭnh, jêh ri lĕ nau vay dăp bơh May, tâm ban ƀư lĕ kan gay ndâk ngih brah, gâp hŏ rơm nŭm jêh.”

II Nau Rêh Jêng 1:10

Pônây, dăn Kôranh Brah ăn ma gâp nau blau mĭn jêh ri nau gĭt rbăng, gay gâp dơi luh lăp tanăp phung ƀon lan aơ. Yorlah mbu nơm geh tŏng nau dơi chiă uănh phung ƀon lan Kôranh Brah, du phung ƀon lan toyh dŭt âk râk ngăn?”

Nau Mprơ Ơm 119:144

Nau May ntĭnh jêng sŏng srăng n'ho ro. Ăn ma gâp nau gĭt rbăng gay ma gâp dơi rêh.

Nau Mprơ Ơm 119:34

Dăn May ăn ma gâp nau gĭt rbăng gay gâp djôt prăp Jêh ri lĕ nuih n'hâm djôt prăp nau vay May.

Nau Mprơ Ơm 119:73

Mbang ti May rhăk jêh gâp jêh ri mon jêh gâp; Ăn ma gâp nau gĭt rbăng, gay ma gâp dơi nti nau vay May ntăm.

Nau Hôr 14:8

Nau blau bơh bunuyh blau njrăng jêng nau gĭt n'hêl nê̆ trong păng, Ƀiălah nau brŭt moih bơh phung rluk jêng nau ndơm.

Nau Hôr 16:16

Dơi geh nau blau mĭn, khlay lơn ma mah chrêk! Dơi geh nau gĭt rbăng, khlay lơn ma prăk!

Nau Hôr 20:12

Tôr gay tăng, măt gay saơ, Brah Yêhôva hŏ njêng jêh lĕ bar.

Nơm Nti 7:11

Nau blau mĭn di khlay nâm bu dơn drăp ndơn, Jêh ri djôt tay nau khlay ăn ma phung bunuyh saơ nar.

Nơm Nti 7:19

Nau blau mĭn ƀư ăn bunuyh blau geh nau dăng ktang Rlau lơn lĕ rngôch jât nuyh kôranh chiă uănh tâm ƀon.

Yêrêmi 1:6

Gâp lah: “Ơ! Brah Yêhôva ơi! Gâp mâu blau mâm nau ngơi, yorlah gâp hôm mom ndăm.”

Yêrêmi 45:5

Bi may, may joi ăn nau toyh ma may nơm lĕ? Lơi ta joi đŏng ôh, yor nau aơ, Gâp dăch ăn tât nau mhĭk ma lĕ rngôch bunuyh: Ƀiălah bi ma may, nđâp lah moh ntŭk tât may hăn, Gâp mra ăn nau rêh may dơi geh đăp mpăn.’” Brah Yêhôva lah pônây.

Daniel 2:21

Păng nơm yơh tâm rgâl mông nar jêh ri yan, N'glưh jêh ri njêng phung hađăch; Păng ăn nau blau mĭn ma bunuyh blau mĭn Jêh ri nau gĭt rbăng ma bunuyh gĭt rbăng.

Mathay 3:11

Gâp ƀư ƀaptem ma khân may ma dak gay rmal nau tih; ƀiălah Nơm văch pakơi gâp, nau dơi lơn ma gâp, gâp mâu khư ôh doh rse ntâu jot Păng. Păng mra ƀư ƀaptem ma khân may ma Brah Huêng Ueh jêh ri ma ŭnh.

Mathay 3:14

Ƀiălah Y-Yôhan buay Păng jêh ri lah pô aơ: “Gâp yơh ŭch ăn May ƀư ƀaptem ma gâp, mâm ƀư May văch ma gâp?”

Yôhan 5:30

Gâp nơm mâu dơi ƀư êng du ntil kan ôh; Gâp phat dôih tĭng nau Gâp tăng, jêh ri nau Gâp phat dôih jêng nau sŏng, yorlah Gâp mâu joi tĭng nau gâp ŭch, ƀiălah joi tĭng nau mĭn Nơm hŏ njuăl jêh Gâp.

II Kôrintô 2:16

Ma phung bunuyh geh nau rai yot, hên jêng ndơ ƀâu nau khĭt, njŭn leo tât nau khĭt; ma phung bunuyh geh nau tâm rklaih, hên jêng ƀâu nau rêh, njŭn leo tât nau rêh. Mbu nơm jêng bunuyh dơi ƀư lĕ nau aơ?

II Kôrintô 3:5

Mâu di hên geh nau blau gay mĭn ma hên dơi ƀư du ntil nau ôh, ƀiălah nau blau hên luh bơh Brah Ndu.

Êphêsô 5:17

Yor nây, lơi plơ̆ jêng nâm bu phung rluk mâl ôh, ƀiălah ăn khân may gĭt vât ra vah moh nau mĭn Kôranh Brah ŭch.

Philip 1:10

kơl ma khân may gĭt rnglah êng moh nau jêng dŭt ueh, gay tâm nar Brah Krist khân may geh nau kloh, mâu geh ntŭk dơi nduyh ôh,

ហេឞ្រើ 5:14

Ƀiălah ndơ sông sa dăng prăp ma phung văch ma toyh, jêng ma phung bunuyh bơh nsrôih ƀư tĭng ma nau blau nti ngăn dơi rnglah êng nau ueh jêh ri nau mhĭk.

Yakơ 1:5

Tơlah mbu nơm tâm phung khân may pưt nau blau mĭn, vơh vơl hom ma Brah Ndu, Păng mra ăn ro, yorlah Brah Ndu jêng Nơm ăn ma lĕ rngôch bunuyh ma nuih n'hâm lŏng, mâu geh nau nduyh ôh.

Yakơ 3:17

Ƀiălah nau blau mĭn tă bơh klơ trôk, lor lơn jêng kloh, jêh nây đăp mpăn, rdơ̆ rbăn, nuih n'hâm blau iăt nau bu, nuih n'hâm bêng ma nau yô̆ jêh ri kao play ueh, mâu geh nau ngơi bar mâu lah mƀruh ndơm ôh.