I Phung Hađăch 3:7 - Nau Brah Ndu Ngơi 2023

⁷ Aƀaơ aơ, hơi Brah Yêhôva jêng Brah Ndu gâp, Kôranh Brah nơm hŏ ƀư ăn ma oh mon May gŭ ta sưng hađăch chiă uănh thoi ntrok Y-Đavit, mbơ̆ gâp, nđâp lah gâp jêng knŏng du huê kon se jê̆ mâu gĭt ôh mâm nau mât uănh bri dak.

I Phung Hađăch 3:7 ပူးပေါင်းရင်းမြစ်များ

II Samuel 5:2

Ntơm bơh kăl e, tơlah hađăch Sôl hôm chiă uănh ma hên, hađăch chiă uănh jêh phung Israel hăn tâm lơh jêh ri khân păng sĭt. Brah Yêhôva lah ma hađăch: ‘May mra rmăk biăp ma phung ƀon lan Gâp, jêh ri jêng hađăch ma phung Israel.’”

I Nau Rêh Jêng 22:5

Y-Đavit lah: “Y-Salômôn, kon bu klâu gâp, hôm ndăm jêh ri ê hŏ blau kan, ƀiălah ngih brah mra ndâk ma Brah Yêhôva toyh ngăn ngên, chrêk rmah jêh ri lư n'găr lam bri dak. Pônây, gâp mra ndrăp ma păng.” Yor ri, Y-Đavit ndrăp âk ngăn ndơ dŏng êlor păng khĭt.

I Nau Rêh Jêng 22:9

Aơ, bu mra deh ma may du huê kon bu klâu, păng jêng du huê bunuyh đăp mpăn. Gâp mra ăn ma păng nau đăp mpăn, phung rlăng gŭ jŭm păng mâu mra hôm ôh ƀư rkhŭk păng; yor ri, amoh păng jêng Y-Salômôn. Tâm rô̆ păng, Gâp mra ăn phung Israel đăp mpăn, gŭ păn thơ.

I Nau Rêh Jêng 29:1

Y-Đavit lah ma lĕ rngôch phung tâm rƀŭn: “Y-Salômôn, kon gâp, knŏng êng păng Brah Ndu hŏ săch jêh, hôm ndăm jêh ri hom pưt nau gĭt mĭn, jêh ri kan jêng toyh; yorlah ngih brah nây mâu di ndâk ma bunuyh ôh, ƀiălah mra prăp ma Yêhôva Brah Ndu.

Nau Mprơ Ơm 121:8

Brah Yêhôva mra mât mray may Dôl luh dôl lăp, Ntơm bơh aƀaơ kŏ tât n'ho ro.

Nau Hôr 18:12

Nuih n'hâm sưr hăn lor ma nau rai lôch, Ƀiălah nau dêh rhêt hăn panăp ma nau yơk.

Nơm Nti 10:16

Rêh ni ăn ma bri dak geh hađăch hôm ndăm ngăn, Jêh ri geh lĕ phung kôranh mhe ang hŏ rvê nau nhêt sa!

Yêrêmi 1:6

Gâp lah: “Ơ! Brah Yêhôva ơi! Gâp mâu blau mâm nau ngơi, yorlah gâp hôm mom ndăm.”

Yêrêmi 1:7

Ƀiălah Brah Yêhôva lah ma gâp: “Lơi ngơi: ‘May hôm e mom ndăm;’ Yorlah may mra hăn lam moh ntŭk Gâp đă may hăn, Jêh ri mra ngơi lĕ nau Gâp ntăm may ngơi.

Daniel 2:21

Păng nơm yơh tâm rgâl mông nar jêh ri yan, N'glưh jêh ri njêng phung hađăch; Păng ăn nau blau mĭn ma bunuyh blau mĭn Jêh ri nau gĭt rbăng ma bunuyh gĭt rbăng.

Daniel 4:25

Bu mra nsot may tă bơh kon bunuyh jêh ri may mra gŭ ndrel mpô mpa bri tâm ndrêch. Bu mra ăn may sa gơ̆ nâm bu ndrôk jêh ri mra bĕ ma dak ngom bơh trôk; pơh gưl yan mra rgăn ta hađăch kŏ tât hađăch gĭt pô aơ Nơm Dŭt Prêh chiă uănh ƀon bri hađăch kon bunuyh jêh ri Păng ăn ma mbu nơm tĭng nau mĭn Păng ŭch.

Daniel 4:32

Bu mra nsot may tă bơh ta nklang phung bunuyh jêh ri gŭ ndrel ma mpô mpa bri. Bu mra ăn may sa gơ̆ nâm bu ndrôk jêh ri lăn tâm pơh gưl kŏ may gĭt rbăng pô aơ Nơm Dŭt Prêh chiă uănh tâm ƀon bri hađăch kon bunuyh jêh ri ăn ma bu tĭng nau Păng nơm ŭch.”

Daniel 5:18

Ơ hađăch, Brah Ndu Nơm Dŭt Prêh ăn jêh ƀon bri hađăch, nau dơi dŭt prêh, nau chrêk rmah, jêh ri nau rnam ăn ma mbơ̆ may jêng Y-Nêbukatnetsar.

Daniel 5:21

Bu nsot păng bơh tâm nklang phung bunuyh; nau mĭn jêng nâm bu nau mĭn mpô mpa, mra gŭ ndrel ma seh bri, sa gơ̆ nâm bu ndrôk jêh ri săk jăn păng bĕ ma dak ngom bơh trôk, kŏ tât păng gĭt Brah Ndu Nơm Dŭt Prêh chiă uănh tâm ƀon bri hađăch kon bunuyh jêh ri ma mbu nơm Păng ndâk tĭng nơm Păng ŭch.

Nau Kơp Bunuyh 27:17

gay nơm mra hăn luh jêh ri hăn lăp tay panăp khân păng, jêng nơm mra njŭn khân păng hăn luh jêh ri njŭn khân păng hăn lăp; pônây phung tâm rƀŭn Brah Yêhôva mâu mra nâm biăp mâu geh nơm chiăp.”

Yôhan 10:9

Gâp jêng mpông, tơlah mbu nơm lăp ta Gâp păng mra geh nau tâm rklaih. Khân păng mra lăp luh jêh ri mâp ndrêch gơ̆ nse.

Nau Vay Nkah Tay 31:2

Păng lah: “Nar aơ gâp geh du rhiăng bar jât năm, mâu hôm dơi hăn luh lăp ôh, jêh ri Brah Yêhôva hŏ lah jêh ma gâp: ‘May mâu mra rgăn ôh dak krong Yurdan aơ.’

I Samuel 18:16

Ƀiălah lĕ rngôch phung Israel jêh ri phung Yuđa rŏng ma Y-Đavit yorlah păng njŭn leo khân păng luh lăp tă bơh ntŭk tâm lơh.