I Phung Hađăch 3:6 - Nau Brah Ndu Ngơi 2023

⁶ Y-Salômôn lah: “Kôranh Brah hŏ mpơl jêh nuih n'hâm ueh toyh ma oh mon May jêng Y-Đavit, mbơ̆ gâp, tâm ban păng hŏ chuat hăn tanăp May tâm nau răp jăp, nau sŏng srăng jêh ri nuih n'hâm nau di. Kôranh Brah mpơl tay đŏng nuih n'hâm ueh toyh aơ ma păng, tơlah ăn ma păng du huê kon bu klâu gŭ ta sưng hađăch păng tâm ban hŏ geh nar aơ.

I Phung Hađăch 3:6 ပူးပေါင်းရင်းမြစ်များ

Nau Ntơm 24:40

Ƀiălah kôranh lah: ‘Brah Yêhôva jêng Nơm gâp pah kan mra njuăl tông mpăr tĭng may jêh ri kơl nau may hăn aơ dơi jêng. May mra nđăp ma kon bu klâu gâp du huê ur tâm ndŭl mpôl gâp, tă bơh ngih mbơ̆ gâp.

II Samuel 22:21

Brah Yêhôva hŏ nkhôm jêh ma gâp tĭng nâm nau sŏng srăng gâp; Păng mplơ̆ ma gâp tĭng nâm nau kloh ti gâp,

II Samuel 22:25

Yor nây, Brah Yêhôva hŏ mplơ̆ sĭt jêh ma gâp tĭng nâm nau sŏng srăng gâp, Jêh ri tĭng nau kloh ti gâp tanăp Păng.

II Samuel 7:5

“Hăn hom lah ma Y-Đavit, oh mon Gâp, pô aơ Brah Yêhôva lah: ‘May mra ndâk ăn ma Gâp du mlâm ngih brah gay Gâp gŭ ta nây lĕ?

I Phung Hađăch 1:48

jêh ri mât ton ma Kôranh Brah: ‘Tâm rnê ma Yêhôva Brah Ndu phung Israel, jêng Nơm hŏ ăn ma du huê gŭ ta sưng hađăch gâp nar aơ, măt gâp nơm uănh saơ.’”

I Phung Hađăch 15:5

Yorlah Y-Đavit ƀư jêh nau ueh jêng sŏng tanăp măt Brah Yêhôva, du njăr nau rêh păng mâu chalơi du ntil nau ôh bơh nau Brah Yêhôva hŏ ntĭnh ma păng, padih ma nau đah Y-Uri, bunuyh Hitit.

I Phung Hađăch 2:4

Nâm bu pônây, Brah Yêhôva mra ƀư tât di ngăn nau Păng ngơi jêh ma gâp pô aơ: ‘Tơlah phung kon sau may njrăng ma trong khân păng nơm, lĕ nuih n'hâm, lĕ huêng hăn tâm nau răp jăp tanăp măt Gâp, may mâu mra pưt ôh du huê nuyh gŭ ta sưng hađăch phung Israel.’

I Phung Hađăch 3:14

Tơlah may chuat hăn tâm trong Gâp, djôt prăp lĕ nau vay dăp jêh ri lĕ nau vay Gâp ntăm, tâm ban mbơ̆ may jêng Y-Đavit hŏ chuat hăn, Gâp mra ăn ma may dơi rêh jŏ năm.”

I Phung Hađăch 9:4

Bi ma may, tơlah may chuat hăn panăp Gâp nâm bu Y-Đavit, mbơ̆ may, hŏ chuat hăn jêh, ma lĕ nuih n'hâm n'hêl nanê̆ jêh ri sŏng ƀư di tĭng lĕ rngôch nau Gâp ntăm jêh ma may, djôt prăp lĕ nau vay dăp jêh ri lĕ nau vay ƀư bơh Gâp,

II Phung Hađăch 20:3

“Ơ Brah Yêhôva, dăn kah gĭt hom pô aơ gâp hôm chuat hăn tanăp măt May ma nau răp jăp lĕ nuih n'hâm, jêh ri ƀư jêh nau ueh tanăp măt May.” Jêh nây Y-Hêsêkia nhĭm rngot ngăn.

II Nau Rêh Jêng 1:8

Y-Salômôn lah ma Brah Ndu: “May hŏ mpơl jêh nau rŏng toyh nanê̆ ngăn ma Y-Đavit, mbơ̆ gâp, jêh ri njêng jêh gâp gŭ ta sưng hađăch chiă uănh thoi ntrok păng.

Nau Mprơ Ơm 116:7

Ơ huêng gâp, lŏ sĭt hom ma ntŭk may rlu, Yorlah Brah Yêhôva ƀư ueh ma may rmeh ler.

Nau Mprơ Ơm 119:17

Dăn May ăn nau ueh rmeh ler ma oh mon May Gay ma gâp dơi gŭ rêh jêh ri djôt prăp nau May ngơi.

Nau Mprơ Ơm 13:6

Gâp mra mprơ ma Brah Yêhôva, Yorlah Păng ƀư jêh nau ueh ma gâp.

Nau Mprơ Ơm 15:2

Nây jêng bunuyh chuat hăn ma nau sŏng, ƀư nau sŏng srăng, Jêh ri ngơi nau nanê̆ ngăn bơh tâm nuih n'hâm păng;

Nau Kơp Bunuyh 12:7

Ƀiălah ma oh mon Gâp, păng jêng Y-Môis mâu geh pônây ôh. Păng răp jăp tâm lĕ ngih Gâp.

II Kôrintô 9:11

Khân may mra dơi ndrŏng tâm ăp ntil ndơ gay ƀư lĕ ndơ tâm kơl; gay bơh he, bu mra lah ueh ma Brah Ndu.

II Kôrintô 9:5

Yor ri, gâp mĭn mra nsŭk nsôr ƀaƀă bunuyh hăn tât ntŭk khân may lor jêh ri ndrăp nkra jêh kô̆ riu prăk khân may ton jêh, gay nau riu prăk aơ geh nau rơm ndrăp tâm ban du ndơ nđơr ăn êng, mâu di tă bơh nau nchâp.