I Phung Hađăch 3:5 - Nau Brah Ndu Ngơi 2023

⁵ Ta Gibêôn, Brah Yêhôva tâm mpơl ma Y-Salômôn tâm nau mbơi dôl măng; Brah Ndu lah: “Dăn hom dĭng lĕ ntil ndơ may ŭch, Gâp ăn ma may.”

I Phung Hađăch 3:5 ပူးပေါင်းရင်းမြစ်များ

I Phung Hađăch 11:9

Brah Yêhôva ji nuih ma Y-Salômôn, yorlah nuih n'hâm hađăch hŏ chalơi jêh Yêhôva Brah Ndu phung Israel, Nơm hŏ tâm mpơl jêh ma păng bar tơ̆,

I Phung Hađăch 9:2

tơlah Brah Yêhôva tâm mpơl tay đŏng ma Y-Salômôn tal bar, nâm bu Păng hŏ tâm mpơl ma hađăch ta ƀon Gibêôn.

Nau Kơp Bunuyh 12:6

Păng lah: “Iăt hom nau Gâp. Tơlah geh du huê nơm mbơh lor gŭ tâm nklang khân may Gâp jêng Brah Yêhôva mra tâm mpơl ma păng tâm nau tâm saơ Jêh ri Gâp ngơi ma păng tâm nau mbơi.

Mathay 1:20

Dôl nôk Y-Yôsep gŭ mĭn nau nây geh du huê tông mpăr Kôranh Brah mpơl ma păng tâm nau mbơi jêh ri lah pô aơ: “Hơi Y-Yôsep, kon sau Y-Đavit, lơi may klach ôh sŏk H'Mari jêng ur may, yorlah kon păng ntreo tă bơh Brah Huêng Ueh yơh ăn.

Mathay 2:13

Jêh phung njêh sĭt jêh, geh du huê tông mpăr Kôranh Brah mpơl tâm nau mbơi ma Y-Yôsep jêh ri lah ma păng pô aơ: “Dâk hom may, djôt kon se jê̆ jêh ri mê̆ Păng hăn du ndĕ ta Êjipt! May mra gŭ ta nây kŏ tât gâp ngơi ma may, yorlah hađăch Hêrôt mra joi kon se jê̆ nây gay nkhĭt.”

Mathay 2:19

Tơlah hađăch Hêrôt khĭt jêh, du huê tông mpăr Kôranh Brah mpơl tâm nau mbơi ma Y-Yôsep ta Êjipt, jêh ri lah pô aơ:

Markôs 10:36

Păng ôp: “Moh nau khân may ŭch Gâp ƀư ăn ma khân may?”

Markôs 11:24

Yor ri, Gâp lah ma khân may, moh nau khân may dăn dôl mbơh sơm, ăn he rnơm pô aơ khân may nơm hŏ dơn jêh, ri mơ khân may mra geh nau nây.

Yôhan 15:16

Mâu di khân may ôh săch Gâp, ƀiălah Gâp săch jêh khân may jêh ri njuăl khân may, gay khân may hăn, geh play âk, jêh ri play khân may ăt hôm ƀaƀơ; pôri moh nau khân may mra dăn ma Mbơ̆ tâm amoh Gâp, Păng mra ăn nau nây ma khân may.

Yôhan 15:7

Lah khân may gŭ tâm Gâp jêh ri nau Gâp ngơi gŭ tâm khân may, dăn hom moh ndơ khân may ŭch, khân may mra geh nau nây.