I Phung Hađăch 3:28 - Nau Brah Ndu Ngơi 2023

²⁸ Tơlah lĕ rngôch phung Israel hŏ tăng nau hađăch phat dôih nây, jêh ri khân păng geh nau yơk ma hađăch, yorlah khân păng saơ pô aơ Brah Ndu hŏ ăn ma hađăch nau gĭt mĭn gay ƀư nau di.

I Phung Hađăch 3:28 ပူးပေါင်းရင်းမြစ်များ

I Phung Hađăch 10:9

Mât ton ma Yêhôva Brah Ndu may, Nơm hŏ maak nuih n'hâm n'gân may gŭ ta sưng hađăch phung Israel! Yorlah Brah Yêhôva rŏng ma phung Israel kŏ tât ƀaƀơ n'ho ro, yor ri Păng hŏ njêng jêh may ƀư hađăch gay ƀư nau di jêh ri nau sŏng.”

I Phung Hađăch 3:27

Nôk nây, hađăch phat dôih: “Jao hom oh bê hôm rêh ma bu ur lah lor, jêh ri lơi ta nkhĭt păng yorlah bunuyh nây jêng mê̆ păng yơh.”

I Phung Hađăch 4:1

Hađăch Salômôn chiă uănh ma lĕ n'gor Israel.

I Nau Rêh Jêng 29:24

Lĕ rngôch phung kôranh, phung tahan janh ktang, ndrel ma phung kon bu klâu hađăch Đavit đŏng tông bâr hađăch Salômôn da dê.

Êsra 7:25

Bi ma may, Y-Êsra, tĭng nâm nau blau mĭn Brah Ndu hŏ ăn ma may, njêng hom phung kôranh chiă uănh, phung phat dôih, jêng phung gĭt rbăng nau vay Brah Ndu may; gay khân păng phat dôih lĕ rngôch phung ƀon lan gŭ kơh đah ri dak krong. Bi ma phung ê hŏ gĭt nau vay, ăn khân may nti păng ăn gĭt.

Nau Mprơ Ơm 72:2

Păng mra phat dôih phung ƀon lan May ma nau sŏng, Phat dôih ma phung o ach ma nau di.

Nau Mprơ Ơm 72:4

Hađăch mra phat dôih phung o ach tâm ƀon lan, Tâm rklaih phung pưt kƀah Jêh ri hađăch mra jot hăch phung tŭn jot.

Nau Ngluh Êjipt 14:31

Phung Israel saơ jêh nau kan krit ngăn Brah Yêhôva hŏ ƀư ma phung Êjipt yor ri khân păng klach yơk ma Păng, nsing rnơm ma Păng jêh ri rnơm ma Y-Môis, oh mon Păng.

Nau Hôr 16:10

Nau mbơh ngơi klơ bâr hađăch, Mbung hađăch mâu ngơi tih dôl păng phat dôih.

Nau Hôr 24:21

Hơi kon gâp, klach yơk hom ma Brah Yêhôva jêh ri yơk ma hađăch; Lơi tâm rnglăp ôh đah phung tâm rdâng,

Nau Hôr 25:2

Nau chrêk ma lơp bơh Brah Ndu pôn ndâp du ntil nau, Ƀiălah nau chrêk ma lơp bơh phung hađăch jêng joi saơ du ntil nau nây.

Nau Hôr 8:15

Tă bơh gâp, lĕ phung hađăch chiă uănh, Jêh ri lĕ phung kôranh chiă uănh ntrŭnh nau vay sŏng.

Nơm Nti 7:19

Nau blau mĭn ƀư ăn bunuyh blau geh nau dăng ktang Rlau lơn lĕ rngôch jât nuyh kôranh chiă uănh tâm ƀon.

Êsai 28:6

Păng mra jêng Brah Nau Di prăp ma kôranh gŭ phat dôih, Jêh ri jêng nau ktang ăn ma phung mprơh phung rlăng tâm lơh rŭch bơh mpông ƀon.

Daniel 1:17

Brah Ndu ăn ma puăn nuyh bu klâu ndăm aơ geh nau gĭt rbăng jêh ri nau blau ngăn gĭt rbăng lĕ rngôch nau ngơi ueh ndrel nau blau mĭn. Êng ma Y-Daniel geh nau gĭt rbăng ma lĕ nau tâm saơ jêh ri nau mbơi.

Daniel 2:21

Păng nơm yơh tâm rgâl mông nar jêh ri yan, N'glưh jêh ri njêng phung hađăch; Păng ăn nau blau mĭn ma bunuyh blau mĭn Jêh ri nau gĭt rbăng ma bunuyh gĭt rbăng.

Daniel 2:47

Hađăch lah ma Y-Daniel, “N'hêl nanê̆, Brah Ndu khân may jêng Brah Ndu ma phung brah, jêng Kôranh Brah ma phung hađăch, jêng Nơm tâm mpơl lĕ nau ndâp, yor bơh Păng may dơi tâm mpơl lĕ nau ndâp aơ.”

Daniel 5:11

Tâm ƀon bri hađăch may geh du huê bunuyh geh huêng brah phung brah Brah Ndu kloh ueh gŭ tâm păng. Tâm rnôk mbơ̆ may, bu saơ tâm nơm nây geh nau ang, nau gĭt rbăng jêh ri blau mĭn, tâm ban ma nau blau mĭn Brah Ndu. Mbơ̆ may jêng Y-Nêbukatnetsar, njêng jêh nơm nây ƀư kôranh ma phung rƀên, phung pol, phung Kaldê, jêh ri phung n'hŭm.

I Kôrintô 1:24

Ƀiălah ma phung bunuyh dơi kuăl jêh, lĕ phung Yuđa nđâp phung Grek, Brah Krist jêng nau brah jêh ri nau blau mĭn Brah Ndu.

I Kôrintô 1:30

Yor ma Păng khân may gŭ jêh tâm Yêsu Krist, Nơm Brah Ndu hŏ njêng nau blau mĭn, nau sŏng srăng, nau kloh ueh, jêh ri nau tâm chuai ma he;

Kôlôh 2:2

gay ma nuih n'hâm khân păng geh nau n'hao nuih n'hâm, tâm rnglăp tâm nau rŏng, tâm ban đŏng geh âk nau gĭt rbăng rmeh ler jêh ri n'hêl nanê̆ gay gĭt năl nau khlay ndâp Brah Ndu, nâm bu ntĭt Brah Krist;

Kôlôh 2:3

tâm Păng pôn prăp lĕ rngôch drăp ndơ khlay ma nau blau mĭn jêh ri nau gĭt rbăng.

Yôsuê 4:14

Tâm nar nây, Brah Yêhôva ƀư ma Y-Yôsuê geh nau yơk tanăp măt lĕ rngôch phung ƀon lan Israel; khân păng yơk ma păng tâm lĕ nar păng gŭ rêh tâm ban ma khân păng hŏ yơk ma Y-Môis.

I Samuel 12:18

Jêh nây Y-Samuel vơl dăn ma Brah Yêhôva. Tâm nar nây, Brah Yêhôva ƀư lơp nglaih jêh ri dak mih. Lĕ rngôch phung ƀon lan klach yơk ngăn ma Brah Yêhôva jêh ri ma Y-Samuel.