I Phung Hađăch 3:26 - Nau Brah Ndu Ngơi 2023

²⁶ Bu ur geh kon hôm e rêh phit nuih n'hâm hâu ngăn yor rŏng kon păng nơm, lah ma hađăch: “Hơi, kôranh gâp! Ăn hom ma păng kon se hôm rêh, lơi ta nkhĭt păng!” Ƀiălah bunuyh ri lah: “Păng mâu mra jêng kon gâp, mâu đŏng jêng kon ay, blah hom păng tâm pă bar buh!”

I Phung Hađăch 3:26 ပူးပေါင်းရင်းမြစ်များ

Nau Ntơm 43:30

Păng saơ oh mpŏt, Y-Yôsep dŭt rŏng ngăn jêh ri hăn luh ndal padih, joi ntŭk ŭch nhĭm. Păng hăn lăp tâm jrô păng nơm jêh ri nhĭm.

I Phung Hađăch 3:25

Hađăch ntăm: “Blah hom kon se jê̆ hôm e rêh jêng bar buh, jêh nây ăn ma bunuyh aơ du n'gul jêh ri ăn ma bunuyh ri du n'gul.”

I Phung Hađăch 3:27

Nôk nây, hađăch phat dôih: “Jao hom oh bê hôm rêh ma bu ur lah lor, jêh ri lơi ta nkhĭt păng yorlah bunuyh nây jêng mê̆ păng yơh.”

Nau Mprơ Ơm 39:3

Nuih n'hâm gâp nâm bu gŭch nâm bu su, Dôl gâp gŭ mĭn, ŭnh sa hit; Aƀaơ mpiăt gâp ngơi:

Êsai 49:15

“Dơi lĕ du huê bu ur me chuêl pu toh ma kon păng, Mâu lah mâu yô̆ ôh ma kon păng bơh ndŭl păng nơm? Nđâp tơlah păng chuêl kon păng, Ăt Gâp mâu mra chuêl may ôh.

Yêrêmi 31:20

Di lĕ phung Êphraim jêng kon Gâp rŏng? Du huê kon Gâp dŭt rŏng ngăn hĕ? Ăp tơ̆ nduyh lah păng, Gâp ăt hôm e kah gĭt ma păng đŏng. Yor nây nuih n'hâm Gâp rŏng ma păng; Gâp yô̆ nđach ma păng hâu ngăn ngên.” Brah Yêhôva lah pônây.

Ndrom Samƀŭt bơh Ôsê 11:8

Hơi Êphraim, mâm Gâp dơi lơi may? Hơi Israel, mâm Gâp dơi jao may ma phung rlăng? Mâm Gâp dơi ƀư ma may jêng nâm bu ƀon Adma? Mâu lah nâm bu ma ƀon Sêbôim? Play nuih Gâp mpât n'gơ, Nau Gâp yô̆ nđach nâm bu gŭch nâm bu su.

Samƀŭt Pôl Njuăl Ăn Ma Phung Nsing Ta Ƀon Rôm 1:31

rluk mâl, mâu gŭ răp jăp, mâu geh nuih n'hâm rŏng, mâu geh nuih n'hâm yô̆ nđach.

Philip 1:8

Yorlah Brah Ndu mbơh nkoch ma gâp pô aơ gâp rŏng ngăn ngên ma lĕ rngôch khân may ma nau rŏng tă bơh Brah Yêsu Krist.

Philip 2:1

Pôri, tơlah tâm Brah Krist geh nau n'hao nuih n'hâm, tơlah tâm nau rŏng geh nau bong leng, tơlah tâm Brah Huêng Ueh geh nau tâm rnglăp, tơlah geh nuih n'hâm rŏng jêh ri nau yô̆

II Timôthê 3:3

mâu geh nau rŏng ma bu, mâu gĭt yô̆, ngơi nchơt, brŭt ndrăng, janh ngăn, tâm rmot ma nau ueh,

I Yôhan 3:17

Tơlah mbu nơm geh drăp ndơ tâm rnôk aơ, saơ oh nâu păng nơm gŭ tâm nau pưt kƀah ƀiălah mâu geh nuih n'hâm rŏng, mâm ƀư nau Brah Ndu rŏng dơi gŭ tâm bunuyh nây?