I Phung Hađăch 3:15 - Nau Brah Ndu Ngơi 2023

¹⁵ Y-Salômôn kah rngăl, gĭt nây jêng nau mbơi. Jêh nây hađăch plơ̆ sĭt ma Yêrusalem, dâk panăp Hip Nau Tâm Rnglăp Brah Yêhôva, nhhơr ndơ ƀư brah gŭch jêh ri ndơ ƀư brah ma nau đăp mpăn. Jêh nau nây, hađăch ƀư du nau nhêt sông ma lĕ rngôch phung oh mon păng.

I Phung Hađăch 3:15 ပူးပေါင်းရင်းမြစ်များ

Nau Ntơm 28:16

Y-Yakôb kah rngăl bê̆ch jêh ri lah: “Nanê̆ ngăn ta ntŭk aơ geh Brah Yêhôva gŭ ƀiălah gâp mâu gĭt ôh!”

Nau Ntơm 31:54

jêh nây Y-Yakôb nhhơr mpa ƀư brah ta klơ yôk, jêh ri păng kuăl phung oh nâu păng sông sa. Jêh sông sa, khân păng rlu bê̆ch măng ta yôk nây.

Nau Ntơm 40:20

Tât nar tal pe, jêng kah gĭt nar deh Pharaôn, hađăch ƀư nau sông sa ma lĕ rngôch phung oh mon păng, jêh ri ăn ma kôranh djôt kachok jêh ri kôranh ƀư piăng let luh bơh ndrung.

Nau Ntơm 41:7

Pơh ndrŏng ba nsiăp rvăn lơi pơh ndrŏng ba rnglay. Pharaôn kah rngăl bê̆ch, jêh ri saơ nau nây jêng du nau mbơi.

I Phung Hađăch 3:16

Nôk nây, geh bar hê bu ur văng tĭr văch tât dâk panăp hađăch.

I Phung Hađăch 8:63

Y-Salômôn nhhơr mpa ƀư brah ma Brah Yêhôva, geh bar rmưn bar rbăn mlâm ndrôk jêh ri du rsen bar rmưn biăp nkuăng ƀư ndơ ƀư brah ma nau đăp mpăn. Pônây, hađăch jêh ri lĕ rngôch phung ƀon lan Israel nhhơr ngih brah ma Brah Yêhôva.

I Phung Hađăch 8:65

Tâm nôk nây, Y-Salômôn jêh ri lĕ rngôch phung ƀon lan Israel ndrel ma păng râng rƀŭn tra năp măt Yêhôva jêng Brah Ndu he tâm pơh nar, jêh nây ntop pơh nar đŏng, pôri geh lĕ rngôch jêng jât puăn nar. Nây jêng du phung tâm rƀŭn dŭt âk râk ntơm bơh n'har ƀon Hamat ma tât n'hor dak Êjipt.

I Nau Rêh Jêng 16:3

Hađăch tâm pă ma lĕ rngôch phung Israel, bu klâu nđâp bu ur, ăp nơm du glo piăng let, du mlay puăch, jêh ri du glo ƀănh play krăk ƀâu kro.

II Nau Rêh Jêng 7:5

Hađăch Salômôn nhhơr bar rmưn bar rbăn mlâm ndrôk jêh ri du rsen bar rmưn biăp nkuăng. Pônây, hađăch jêh ri lĕ rngôch phung ƀon lan ƀư nau rƀŭn nhhơr ngih brah ma Brah Ndu.

Êsther 1:3

Tâm năm rơh pe păng chiă uănh, păng nkra du nau nhêt sông toyh ma lĕ rngôch kôranh chiă uănh păng jêh ri phung oh mon păng. Phung kôranh tahan n'gor bri Persi jêh ri n'gor Mêdơ, phung ndrŏng nđâp ma phung kôranh chiă uănh n'gor gŭ panăp păng da dê.

Yêrêmi 31:26

Nôk nây, gâp kah rngăl jêh ri uănh jŭm, nau gâp bê̆ch đăp mpăn ngăn.

Daniel 5:1

Hađăch Belsasar nkra nau nhêt sông toyh ma du rbăn nuyh kôranh păng. Hađăch nhêt ndrănh tanăp khân păng.

Nau Kơp Bunuyh 12:6

Păng lah: “Iăt hom nau Gâp. Tơlah geh du huê nơm mbơh lor gŭ tâm nklang khân may Gâp jêng Brah Yêhôva mra tâm mpơl ma păng tâm nau tâm saơ Jêh ri Gâp ngơi ma păng tâm nau mbơi.

Markôs 6:21

Tâm nar kah gĭt nar deh, Hêrôt ndrăp nau nhêt sông sa toyh ngăn ăn ma phung kâp kơl, phung kôranh tahan, jêh ri phung kan toyh tâm n'gor Galilê.