I Phung Hađăch 3:14 - Nau Brah Ndu Ngơi 2023

¹⁴ Tơlah may chuat hăn tâm trong Gâp, djôt prăp lĕ nau vay dăp jêh ri lĕ nau vay Gâp ntăm, tâm ban mbơ̆ may jêng Y-Đavit hŏ chuat hăn, Gâp mra ăn ma may dơi rêh jŏ năm.”

I Phung Hađăch 3:14 ပူးပေါင်းရင်းမြစ်များ

I Phung Hađăch 11:34

Ƀiălah, Gâp mâu mra sŏk lơi ôh lĕ rngôch ƀon bri hađăch tă bơh ti Y-Salômôn, ƀiălah Gâp mra njêng păng ƀư hađăch lôch du njăr rêh păng, yor ma Y-Đavit, oh mon Gâp hŏ săch jêh, nơm djôt prăp jêh lĕ nau vay ntăm jêh ri lĕ nau vay dăp bơh Gâp.

I Phung Hađăch 15:5

Yorlah Y-Đavit ƀư jêh nau ueh jêng sŏng tanăp măt Brah Yêhôva, du njăr nau rêh păng mâu chalơi du ntil nau ôh bơh nau Brah Yêhôva hŏ ntĭnh ma păng, padih ma nau đah Y-Uri, bunuyh Hitit.

I Phung Hađăch 3:3

Y-Salômôn yơk rŏng ma Brah Yêhôva yor ri chuat hăn tĭng nâm lĕ nau vay Y-Đavit dăp, mbơ̆ păng. Ƀiălah păng ăt hôm e nhhơr mpa ƀư brah jêh ri su n'hôl ƀâu kah ta lĕ ntŭk prêh klơ.

I Phung Hađăch 3:6

Y-Salômôn lah: “Kôranh Brah hŏ mpơl jêh nuih n'hâm ueh toyh ma oh mon May jêng Y-Đavit, mbơ̆ gâp, tâm ban păng hŏ chuat hăn tanăp May tâm nau răp jăp, nau sŏng srăng jêh ri nuih n'hâm nau di. Kôranh Brah mpơl tay đŏng nuih n'hâm ueh toyh aơ ma păng, tơlah ăn ma păng du huê kon bu klâu gŭ ta sưng hađăch păng tâm ban hŏ geh nar aơ.

I Nau Rêh Jêng 28:7

Tơlah păng ton thoi djôt prăp lĕ nau vay ntăm jêh ri nau Gâp ntrŭnh nâm bu nar aơ, Gâp mra ƀư ăn ƀon bri hađăch păng nâp n'ho ro.’

I Nau Rêh Jêng 28:9

Bi may, Y-Salômôn, kon bu klâu gâp, gĭt năl hom Brah Ndu mbơ̆ may, pah kan hom ma Păng ma lĕ nuih n'hâm jêh ri ma lĕ nau mĭn; yorlah Brah Yêhôva sek uănh lĕ nuih n'hâm, jêh ri păng gĭt vât lĕ rngôch nau ŭch tâm nau mĭn. Tơlah may joi Păng, Păng mra ăn may saơ Păng; ƀiălah tơlah may chalơi Păng, nanê̆ Păng mra chalơi may n'ho ro.

II Nau Rêh Jêng 29:2

Păng ƀư nau di tanăp măt Brah Yêhôva tĭng nâm lĕ rngôch nau chô yau păng Y-Đavit, ƀư jêh.

II Nau Rêh Jêng 34:2

Păng ƀư nau sŏng tanăp măt Brah Yêhôva jêh ri hăn tĭng tâm lĕ trong Y-Đavit, chô yau păng, mâu teng mpeh pa ma mâu lah mpeh pa chiau ôh.

Nau Mprơ Ơm 132:12

Tơlah phung kon may djôt prăp nau Gâp tâm rnglăp Jêh ri nau Gâp ntĭnh mra nti ma khân păng, Pôri phung kon khân păng Mra gŭ ta sưng hađăch may tât n'ho ro.”

Nau Mprơ Ơm 21:4

Păng dăn ma Kôranh Brah ăn nau rêh, jêh ri Kôranh Brah ăn jêh ma păng, Kŏ tât ăn ma păng năm khay jŏ jong n'ho ro.

Nau Mprơ Ơm 21:5

Yor nau Kôranh Brah tâm rklaih, păng geh nau chrêk rmah toyh; May nsoh ma păng nau yơk jêh ri nau rnam.

Nau Mprơ Ơm 91:16

Gâp mra ăn păng hơm mpay rêh jŏ Jêh ri ntĭm ma păng saơ nau Gâp tâm rklaih.

Nau Hôr 3:16

Ti ma nau blau mĭn djôt kuăn nau rêh jong, Bi ti chiau geh nau ndrŏng kuăng jêh ri lư n'găr.

Nau Hôr 3:2

Yorlah păng mra ăn may dơi ntop âk năm gŭ rêh, Jêh ri dơi geh nau geh jêng lư n'găr.

Sakari 3:7

“Brah Yêhôva ma phung tahan lah: ‘Tơlah may chuat hăn tâm trong Gâp, tông jêh ri djôt prăp nau Gâp ntĭm, ri mơ may dơi chiă uănh ngih Gâp, jêh ri dơi gak mpông pêr Gâp, jêh ri Gâp mra ăn ma may chuat lăp tâm nklang phung dâk pah kan jŭm Gâp.

Kôranh Oh Mon 13:22

Jêh Brah Ndu chalơi hađăch Y-Sôl, njêng Y-Đavit hađăch. Păng mbơh nkoch ma păng pô aơ: ‘Gâp saơ jêh Y-Đavit, kon bu klâu Y-Yêsê, nơm ƀư maak nuih n'hâm Gâp, nơm mra ƀư lĕ nau Gâp ŭch.’

Nau Vay Nkah Tay 25:15

Ƀiălah ăn khân may knŏng dŏng du ntil rplay njing jêh ri du ndơ njing ăn di jêh ri sŏng, gay ma khân may dơi rêh jŏ năm tâm n'gor Yêhôva Brah Ndu ăn ma khân may.

Nau Vay Nkah Tay 5:16

Yơk hom ma mê̆ mbơ̆ may, tĭng nâm Yêhôva Brah Ndu may hŏ ntĭm nti jêh, gay ma may dơi rêh jŏ năm jêh ri dơn nau ueh uĭn klơ neh Yêhôva Brah Ndu may hŏ ăn jêh ma may.

Nau Vay Nkah Tay 5:33

Ƀiălah ăn khân may hăn di tâm lĕ trong Yêhôva Brah Ndu hŏ ntĭm nti jêh gay ma khân may dơi rêh, dơn nau ueh lăng jêh ri dơi rêh jŏ năm tâm n'gor khân may mra dơn jêng drăp ndơn.”

I Timôthê 4:8

yorlah nau nsrôih nti ma săk jăn knŏng jêng khlay djê̆ djê̆, ƀiălah nau klach yơk jêng khlay lơn ma lĕ rngôch nau, yorlah geh nau ton ma nau rêh rnôk aơ jêh ri ma nau rêh rnôk kăndơ̆ đŏng.