I Phung Hađăch 3:12 - Nau Brah Ndu Ngơi 2023

¹² rĭ dĭng Gâp ƀư tĭng nau may dăn. Gâp ăn ma may nuih n'hâm gĭt mĭn jêh ri gĭt rbăng, kŏ tât mâu hŏ geh ôh du huê bunuyh panăp may tâm ban ma may jêh ri pakơi may mâu mra geh bunuyh dơi ban may ôh.

I Phung Hađăch 3:12 ပူးပေါင်းရင်းမြစ်များ

I Phung Hađăch 2:6

Yor ri, ƀư tĭng hom nau blau mĭn may tâm nau kan aơ, ƀiălah lơi ta ăn bôk mbra păng hăn trŭnh ƀon phung khĭt tâm nau đăp mpăn.

I Phung Hađăch 2:9

Ƀiălah, may lơi ta uănh ôh păng mâu geh nau rmal, yorlah may jêng du huê gĭt mĭn jêh ri gĭt ƀư moh nau ma păng. May ƀư hom ma bôk mbra păng krêp mham hăn jŭr tâm ƀon phung khĭt.”

I Phung Hađăch 3:28

Tơlah lĕ rngôch phung Israel hŏ tăng nau hađăch phat dôih nây, jêh ri khân păng geh nau yơk ma hađăch, yorlah khân păng saơ pô aơ Brah Ndu hŏ ăn ma hađăch nau gĭt mĭn gay ƀư nau di.

I Phung Hađăch 5:12

Brah Yêhôva ăn nau gĭt mĭn ma Y-Salômôn nâm bu Păng hŏ ton ma hađăch. Vah vang Y-Hiram jêh ri Y-Salômôn geh nau tâm jrông ndăl ueh, jêh ri bar hê khân păng hŏ ƀư nau tâm rnglăp ndrăng khân păng.

I Phung Hađăch 5:9

Phung oh mon gâp mra leo tơm si nây ntơm bơh Liban tât ta dak mƀŭt, jêh nây gâp mra ƀư rkĭt jêh ri ngre ăn hăn ta dak mƀŭt leo rlet ma ntŭk may nchŏng. Ta nây gâp mra rơih rkĭt, jêh ri may mra sŏk dơn nchuăn. Bi may, dăn ƀư đŏng tĭng nâm nau gâp ŭch jêng ăn ndơ sông sa ma phung tâm ngih hađăch gâp.”

I Nau Rêh Jêng 29:25

Brah Yêhôva ƀư ma Y-Salômôn geh nau yơk tanăp măt lĕ rngôch phung Israel, jêh ri ăn nau hit rnam ma hađăch, kŏ tât tâm phung Israel mâu mâp geh ôh ma du hađăch lor panăp păng dơi tâm ban pônây.

II Nau Rêh Jêng 2:12

Y-Hiram plơ̆ lah đŏng: “Mât ton ma Yêhôva Brah Ndu Israel jêng Nơm njêng trôk jêh ri neh ntu, yorlah Păng hŏ ăn jêh ma hađăch Đavit du huê kon geh nau blau mĭn, nau njrăng, jêh ri gĭt rbăng gay ndâk ngih brah ma Păng, jêh ri du mlâm ngih hađăch ma păng nơm.

Nêhêmi 13:26

Mâu di hĕ hađăch phung Israel jêng Y-Salômôn hŏ ƀư tih jêh yorlah phung bu ur pônây? Tâm âk phung mpôl băl mâu geh ôh du huê hađăch nâm bu păng, jêng nơm Brah Ndu rŏng, ăn păng jêng hađăch ma lĕ rngôch phung Israel. Ƀiălah phung ur phung bu năch hŏ nsŭk ăn păng ƀư tih!

Nau Mprơ Ơm 10:17

Ơ Brah Yêhôva, May hŏ iăt jêh nau ŭch phung dêh rhêt; May ăn khân păng nâp nuih n'hâm, jêh ri rkêng tôr iăt khân păng

Nau Hôr 2:6

Yorlah Brah Yêhôva ăn nau blau mĭn; Tă bơh trôm mbung Păng luh nau blau mĭn jêh ri nau gĭt rbăng.

Nơm Nti 1:13

Gâp joi gĭt lĕ nuih n'hâm jêh ri dŏng nau blau mĭn gâp nơm gay sek uănh lĕ rngôch kan tât geh tâm dâng trôk. Nây jêng nau kan hŏt rgănh Brah Ndu hŏ jao ăn ma kon bunuyh rvê ƀư.

Nơm Nti 1:16

Gâp mĭn êng: “Aơ, gâp hŏ geh nau blau mĭn rlau lơn ma lĕ rngôch phung hađăch chiă uănh ta ntŭk Yêrusalem; nanê̆, gâp hŏ rgăn jêh âk nau tât đah nau blau mĭn jêh ri nau gĭt rbăng.”

Êsai 65:24

Êlor ma khân păng kuăl mbơh sơm, Gâp mra dơn ro; Dôl khân păng hôm ngơi, Gâp tăng jêh.

Daniel 1:17

Brah Ndu ăn ma puăn nuyh bu klâu ndăm aơ geh nau gĭt rbăng jêh ri nau blau ngăn gĭt rbăng lĕ rngôch nau ngơi ueh ndrel nau blau mĭn. Êng ma Y-Daniel geh nau gĭt rbăng ma lĕ nau tâm saơ jêh ri nau mbơi.

Mathay 12:42

Tâm nar phat dôih, hađăch bu ur mpeh pa dâng mra dâk hăn tâm rdâng đah bunuyh rnôk aƀaơ aơ jêh ri phong khân păng, yorlah păng văch tă bơh bôk neh ntu tât lôch ŭch iăt nau blau mĭn hađăch Salômôn; ƀiălah ta aơ geh du huê toyh lơn ma hađăch Salômôn!

Luka 21:15

Yorlah Gâp mra ăn ma khân may nau ngơi jêh ri nau blau mĭn, ƀiălah mâu geh phung rlăng dơi tâm rdâng jêh ri tâm rlăch đah khân may ôh.

Nau Vay Nkah Tay 34:9

Y-Yôsuê, kon bu klâu Y-Nun, bêng ler ma brah gĭt blau yorlah Y-Môis hŏ dơm ti ta klơ păng. Phung ƀon lan Israel tông bâr Y-Yôsuê jêh ri tĭng lĕ ntil nau Brah Yêhôva hŏ lah ntĭm jêh ma Y-Môis.

Kôlôh 2:3

tâm Păng pôn prăp lĕ rngôch drăp ndơ khlay ma nau blau mĭn jêh ri nau gĭt rbăng.