I Phung Hađăch 22:6 - Nau Brah Ndu Ngơi 2023

⁶ Pônây, hađăch Israel tâm rƀŭn ndrel phung nơm mbơh lor, geh tâm puăn rhiăng nuyh, jêh ri ôp khân păng: “Gâp mra hăn tâm lơh đah ƀon Ramôt-Gilêat mâu lah mâu?” Khân păng lah: “Hăn hao hom, yorlah Kôranh Brah mra jao ƀon nây tâm ti hađăch.”

I Phung Hađăch 22:6 ပူးပေါင်းရင်းမြစ်များ

I Phung Hađăch 12:9

Păng ôp khân păng: “Phung nây lah jêh ma gâp pô aơ: ‘Dăn n'hŭch ăn n'gơch hom mâng mbăk mbơ̆ may hŏ n'gân ta klơ hên.’ Pônây, moh nau khân may kơl mĭn ma gâp gay plơ̆ sĭt lah ma phung ƀon lan aơ?”

I Phung Hađăch 18:19

Pônây aƀaơ, may prơh hom bunuyh hăn kuăl rgum lĕ rngôch phung Israel tât ma gâp ta klơ yôk Karmel, ndrel ma puăn rhiăng prăm jât nuyh nơm mbơh lor Baal, jêh ri puăn rhiăng nuyh nơm mbơh lor Asêra, jêng phung sông sa ta sưng sông H'Jêsêbel.”

I Phung Hađăch 18:20

Hađăch Ahap prơh bunuyh hăn kuăl rgum lĕ rngôch bunuyh ƀon lan Israel jêh ri phung nơm mbơh lor tât ta yôk Karmel.

I Phung Hađăch 22:10

Nôk nây, hađăch Israel jêh ri Y-Jôsaphat, hađăch Yuđa, ăp nơm nsoh ao jâr hađăch da dê jêh ri gŭ ta sưng hađăch tâm ntŭk mprah ba, ntŭk lăp mpông ƀon Samari. Lĕ rngôch phung nơm mbơh lor ngơi nau mbơh lor panăp bar hê hađăch.

I Phung Hađăch 22:15

Tơlah Y-Mika lĕ tât jêh, hađăch ôp ma păng: “Ơ Y-Mika, he hăn tâm lơh đah Ramôt-Gilêat, mâu lah mâu lơi hăn?” Y-Mika plơ̆ lah: “Hăn hom, hađăch mra dơi. Brah Yêhôva mra jao ƀon nây tâm ti hađăch.”

I Phung Hađăch 22:5

Ƀiălah, Y-Jôsaphat lah tay ma hađăch Israel: “Ƀiălah lor lơn, ăn may ôp hom ma nau Brah Yêhôva ngơi.”

II Phung Hađăch 10:19

Pôri aƀaơ, kuăl rgum hom ma gâp lĕ rngôch phung nơm mbơh lor brah Baal, lĕ rngôch phung rhŏ brah Baal jêh ri lĕ rngôch phung kôranh ƀư brah păng. Lơi ăn roh du huê, yorlah gâp mra nhhơr du nau ƀư brah toyh ma brah Baal. Mbu nơm mâu tât, mâu mra rêh ôh.” Ƀiălah, Y-Jêhu ƀư nau nây ma nau ndơm gay ƀư rai phung rhŏ ma brah Baal.

II Phung Hađăch 3:13

Y-Êlisê lah ma hađăch Israel: “Moh nau gâp geh đah may? Hăn ôp hom ma phung nơm mbơh lor mbơ̆ may jêh ri phung nơm mbơh lor mê̆ may.” Ƀiălah hađăch Israel plơ̆ lah: “Mâu ôh. Yorlah Brah Yêhôva yơh kuăl jêh pe nuyh hađăch hên văch gay jao ma ti phung Môap.”

II Nau Rêh Jêng 18:14

Tơlah Y-Mika lĕ tât jêh, Y-Ahap ôp ma păng: “Ơ Y-Mika, he mra hăn lơh ƀon Ramôt-Gilêat mâu lah mâu dơi hăn ôh?” Păng plơ̆ lah: “Hăn hom, hađăch mra dơi yơh jêh ri bu mra jao khân păng tâm ti bar hê hađăch.”

Êsai 36:10

Rlau lơn ma nĕ, mâu di hĕ tĭng nau Brah Yêhôva lah ma gâp hao lơh bri aơ gay ƀư rai lơi păng? Brah Yêhôva hŏ lah jêh ma gâp pô aơ: Hăn hao hom ma bri aơ jêh ri ƀư rai lơi păng!’ ”

Yêrêmi 5:31

Lĕ phung nơm mbơh lor mƀruh, Jêh ri lĕ kôranh ƀư brah chiă uănh tĭng nau ƀĭt gai phung nơm mbơh lor nây, Pônây phung ƀon lan Gâp ŭch rŏng! Ƀiălah tât dăch dŭt, moh khân may mra ƀư?”

Êsêkiêl 13:22

Yorlah khân may sŏk nau nchơt mƀruh ƀư rngot nuih n'hâm phung sŏng srăng nđâp lah Gâp mâu mâp ƀư rdja nuih khân păng ôh. Ƀiălah khân may ƀư ma ti phung ƀai ktang lơn gay ma khân păng mâu chalơi ôh bơh trong nau mhĭk păng gay dơi geh nau rêh.

Mathay 7:15

“Njrăng hom ma phung nơm mbơh lor nklă, khân păng mra văch ma khân may njêng nâm bu biăp, ƀiălah tâm trôm khân păng jêng so bri vay kăp hêk.

II Timôthê 4:3

Yorlah mra tât du rnôk phung bunuyh mâu hôm ŭch iăt nau nti nau ngăn, ƀiălah tĭng nuih n'hâm ŭch kơnh, khân păng mra tâm rgum phung kôranh nơm nti jŭm khân păng nơm gay iăt lĕ nau ƀư maak ma tôr;

Nau Tâm Mpơl 19:20

Ƀiălah bu nhŭp jêh mpô mpa dŭt janh nây jêh ri nơm mbơh lor nklă — nơm ƀư jêh lĕ nau mbên khlay tanăp mpô mpa, gay ndơm mƀruh ma phung bunuyh dơn jêh nau mbên tă bơh mpô mpa jêh ri phung bunuyh yơk mbah ma rup păng — bu nhŭp đŏng. Lĕ bar hê khân păng bu mƀăr rêh jŭr tâm nglao ŭnh mô ŭnh dôl hit.