I Phung Hađăch 22:5 - Nau Brah Ndu Ngơi 2023

⁵ Ƀiălah, Y-Jôsaphat lah tay ma hađăch Israel: “Ƀiălah lor lơn, ăn may ôp hom ma nau Brah Yêhôva ngơi.”

I Phung Hađăch 22:5 ပူးပေါင်းရင်းမြစ်များ

I Phung Hađăch 22:4

Jêh nây hađăch lah ma Y-Jôsaphat: “May ŭch hăn ndrel ma gâp gay tâm lơh ƀon Ramôt-Gilêat?” Y-Jôsaphat lah ma hađăch Israel: “Gâp nâm bu may, phung ƀon lan gâp nâm bu phung ƀon lan may, jêh ri seh tâm lơh gâp jêng nâm bu seh tâm lơh may.”

I Phung Hađăch 22:6

Pônây, hađăch Israel tâm rƀŭn ndrel phung nơm mbơh lor, geh tâm puăn rhiăng nuyh, jêh ri ôp khân păng: “Gâp mra hăn tâm lơh đah ƀon Ramôt-Gilêat mâu lah mâu?” Khân păng lah: “Hăn hao hom, yorlah Kôranh Brah mra jao ƀon nây tâm ti hađăch.”

II Phung Hađăch 1:3

Ƀiălah tông mpăr Brah Yêhôva lah ma Y-Êli, bunuyh Tisbê: “Dâk hăn hao hom, tâm chuă đah phung bunuyh hađăch Samari, jêh ri lah ma khân păng: ‘Tâm phung Israel mâu hĕ geh Brah Ndu, kŏ tât khân may hăn ôp ma Baal-Sêbup, brah ƀon Êkron?’

II Phung Hađăch 3:11

Ƀiălah Y-Jôsaphat ôp: “Mâu geh hĕ nơm mbơh lor Brah Yêhôva ta aơ, bơh păng he dơi ôp ma Brah Yêhôva?” Du huê oh mon hađăch Israel plơ̆ lah: “Ta aơ geh Y-Êlisê, kon bu klâu Y-Saphat, jêng nơm hŏ pah kan ma Y-Êli.”

I Nau Rêh Jêng 10:13

Pôri, hađăch Sôl khĭt jêh yor păng mâu gŭ răp jăp đah Brah Yêhôva, mâu djôt prăp ôh nau Păng ntăm. Rlau ma nây, păng ôp ma phung ngơi ndrel đah brah mhĭk,

Yêrêmi 21:2

“Ôp hom ma Brah Yêhôva kơl ma hên yorlah Nêbukatnetsar, hađăch Babilôn, văch tât gay tâm lơh đah hên; gĭt lah Brah Yêhôva yor ma hên mra ƀư lĕ rngôch kan khlay Păng jêh ri ƀư ăn ma hađăch nây du bơh hên.”

Êsêkiêl 14:3

“Hơi kon bunuyh, phung aơ prăp rup brah tâm nuih n'hâm jêh ri dơm nau mhĭk panăp khân păng nơm ƀư chêh prah. Di lĕ Gâp lŏ ăn khân păng ôp Gâp?

Nau Kơp Bunuyh 27:21

Ăn Y-Yôsuê tâm mâp ma kôranh ƀư brah Y-Êlêasar jêh ri yor Y-Yôsuê kôranh ƀư brah mra joi gĭt nau mĭn Brah Yêhôva ma ôp Urim tanăp măt Brah Yêhôva. Tĭng nâm nau ntăm Y-Êlêasar, Y-Yôsuê nđâp lĕ rngôch phung tâm rƀŭn mra hăn luh jêh ri hăn lăp.”

Yôsuê 9:14

Pônây phung Israel dơn ndơ sông sa khân păng, ƀiălah mâu ôp ôh Brah Yêhôva.

Phung Kôranh Phat Dôih 1:1

Jêh Y-Yôsuê khĭt, phung ƀon lan Israel ôp Brah Yêhôva pô aơ: “Mbu tâm phung hên mra hăn hao lor gay tâm lơh đah phung Kanaan?”

Phung Kôranh Phat Dôih 20:18

Pônây, phung ƀon lan Israel dâk hăn hao ma Bêthel jêh ri ôp ma Brah Ndu pô aơ: “Mbu nơm tâm hên mra hăn tâm lơh đah ndŭl mpôl Benjamin?” Brah Yêhôva plơ̆ lah: “Phung Yuđa mra hăn lor.”

Phung Kôranh Phat Dôih 20:23

Phung ƀon lan Israel hăn hao jêh ri nhĭm panăp Brah Yêhôva kŏ tât kêng măng. Khân păng ôp ma Brah Yêhôva pô aơ: “Hên dơi lĕ plơ̆ tâm lơh tay đah phung Benjamin, jêng phung oh nâu ma hên?” Brah Yêhôva plơ̆ lah: “Hăn hao lơh hom khân păng!”

Phung Kôranh Phat Dôih 20:29

Phung Israel đă phung tahan gŭ kâp jŭm Gibêa.

I Samuel 14:18

Y-Sôl lah ma Y-Ahija: “Djôt leo hom Hip Nau Tâm Rnglăp Brah Ndu văch ta aơ.” (Yorlah rnôk nây, Hip Nau Tâm Rnglăp Brah Ndu bu tung leo ndrel phung Israel).

I Samuel 23:2

Y-Đavit ôp ma Brah Yêhôva: “Gâp mra hăn tâm lơh đah phung Philistin aơ lĕ?” Brah Yêhôva lah ma Y-Đavit: “Hăn tâm lơh hom đah phung Philistin jêh ri tâm rklaih ƀon Keila.”

I Samuel 23:4

Y-Đavit ôp tay ma Brah Yêhôva, jêh ri Brah Yêhôva plơ̆ lah ma păng: “Dâk hom, hăn trŭnh ma Keila, Gâp mra jao phung Philistin tâm ti may.”

I Samuel 30:8

Y-Đavit ôp ma Brah Yêhôva: “Gâp mra hăn tĭng phung tahan nây lĕ? Gâp mra tĭng ban lĕ khân păng?” Brah Yêhôva lah: “Hăn tĭng hom khân păng, nanê̆ ngăn may mra ban, jêh ri rklaih lĕ phung bu nhŭp.”