I Phung Hađăch 22:48 - Nau Brah Ndu Ngơi 2023

⁴⁸ Rnôk nây, tâm n'gor Êđôm mâu geh hađăch ôh, knŏng geh du kôranh chiă uănh.

I Phung Hađăch 22:48 ပူးပေါင်းရင်းမြစ်များ

Nau Ntơm 27:37

Y-Isăk lah ma Y-Êsau: “Aơ, gâp hŏ ăn njêng păng ƀư kôranh may, hŏ ăn jêh oh nâu păng ƀư jêng oh mon păng, jêh ri hŏ sâm siăm jêh ba ƀlê jêh ri ndrănh ma păng. Pôri moh ndơ gâp hôm dơi ăn ma may, hơi kon!”

II Samuel 8:14

Păng njêng pôih tâm lam n'gor Êđôm, jêh ri lĕ rngôch phung Êđôm gŭ tâm dâng Y-Đavit. Brah Yêhôva ăn nau dơi ma Y-Đavit ăp ntŭk păng hăn.

I Phung Hađăch 10:22

Tâm ăp pe năm, mpôl kumpăn hăn tât ta Tarsis păng rgăn dak mƀŭt ndrel ma mpôl kumpăn hađăch Hiram, djôt leo sĭt mah, prăk, la rveh, dôk jêh ri brak.

I Phung Hađăch 22:49

Y-Jôsaphat ƀư du mpôl kumpăn ntơm bơh Tarsis gay hăn rlet ma bri Ôphir rdeng mah, ƀiălah phung kumpăn nây mâu hoch hăn ôh, yorlah mpôl kumpăn nây lĕ nchah rai ta Êsiôn-Gêber.

I Phung Hađăch 9:26

Hađăch Salômôn ƀư tay đŏng âk bôk kumpăn ta ƀon Êsiôn-Gêber, dăch Êlôt, ta kơh Dak Mƀŭt Chăng, tâm n'gor Êđôm.

I Phung Hađăch 9:28

Khân păng hăn tât ta Ôphir jêh ri djôt bơi jât mpe tân mah tă bơh ntŭk nây sĭt chê̆ ma hađăch Salômôn.

II Phung Hađăch 3:9

Pônây, hađăch Israel, hađăch Yuđa jêh ri hađăch Êđôm leo phung tahan khân păng hăn. Khân păng hăn ndăch jêh pơh nar trong, mâu hôm geh dak ôh ma phung tahan jêh ri ma mpô mpa rong hăn tĭng ndô̆ khân păng.

II Phung Hađăch 8:20

Tâm rnôk rô̆ Y-Jôram chiă uănh, phung Êđôm dâk tâm rdâng đah phung Yuđa, jêh ri njêng ma khân păng nơm du huê hađăch.

II Nau Rêh Jêng 20:21

Hađăch tâm chră jêh đah phung ƀon lan jêh ri păng dơm phung mprơ gay mât ton ma Brah Yêhôva. Khân păng nsoh ao kloh ueh, n'ho chuat panăp phung tahan n'ho tâm rnê Brah Ndu pô aơ: “Tâm rnê lah ueh hom ma Brah Yêhôva, Yorlah nau ueh Păng hôm e tât ƀaƀơ n'ho ro.”

II Nau Rêh Jêng 25:7

Ƀiălah geh du huê bunuyh Brah Ndu tât jêh ri lah ma păng pơ aơ: “Ơ hađăch, lơi jă phung tahan Israel nây hăn ndrel ma may ôh, yorlah Brah Yêhôva mâu gŭ ndrel ôh ma phung Israel, mâu gŭ ndrel ôh ma phung kon sau Êphraim.

II Nau Rêh Jêng 9:21

yorlah hađăch geh mpôl kumpăn hăn tât ta Tarsis ndrel ma phung gŭ ƀĭt kumpăn Y-Hiram; tâm pe năm du tơ̆, mpôl kumpăn nây djôt leo sĭt mah, prăk, la rveh, dôk jêh ri brak.

Nau Mprơ Ơm 45:9

Tâm phung ndrŏng hađăch geh phung kon bu ur hađăch; Ur hađăch gŭ pa ma hađăch, ndơ nkrơ̆ ma mah Ôphir.

Nau Mprơ Ơm 48:7

Kôranh dong nchah lơi khân păng Tâm ban ma sial mpeh luh nar dong nchah kumpăn Tarsis.

Êsai 2:16

Ma lĕ rngôch kumpăn Tarsis, Jêh ri ma lĕ rngôch kumpăn toyh lư.

Êsai 60:9

Lĕ gôl dak mƀŭt mra kâp gân Gâp; Mpôl kumpăn bơh bri Tarsis văch lor lơn mra njŭn phung kon may bơh ngai plơ̆ sĭt, Ndrel ma prăk jêh ri mah khân păng, Gay ma tâm rnê amoh Yêhôva Brah Ndu may, Nơm Kloh Ueh Israel, Yorlah Păng ăn jêh nau chrêk rmah ma may.

Yônais 1:3

Ƀiălah Y-Yôna dâk hăn du pôn ma bri Tarsis gay der bơh panăp măt Brah Yêhôva. Păng hăn jŭr ta ƀon Jôpa mâp du mlâm kumpăn hăn ma bri Tarsis. Y-Yôna ăn prăk ncho jêh ri jŭr kumpăn hăn Tarsis ndrel khân păng gay der bơh panăp Brah Yêhôva.