I Phung Hađăch 22:30 - Nau Brah Ndu Ngơi 2023

³⁰ Hađăch Israel lah đah Y-Jôsaphat: “Gâp mra rgâl săk nkrơ̆ ƀư bu êng jêh ri hăn tâm lơh, bi may ăt nsoh ao hađăch.” Kơt nây, hađăch Israel rgâl săk nkrơ̆ ƀư bu êng jêh ri hăn tâm lơh.

I Phung Hađăch 22:30 ပူးပေါင်းရင်းမြစ်များ

II Samuel 14:2

Yor ri, Y-Jôap prơh bu hăn tât ta ƀon Têkôa, joi du huê bu ur me blau mĭn, jêh ri lah ma păng: “Ay jan lah ƀư bunuyh dôl geh nau klâng ndrê, nsoh kho ao klâng ndrê, lơi mhĭng ôh dak ƀâu kah. Ƀư hom nâm bu du huê bu ur me klâng ndrê jŏ nar.

I Phung Hađăch 14:2

Y-Jêrôbôam lah đah ur: “Aơ, ăn ay tâm rgâl muh măt ay gay ma bu mâu gĭt năl ma ay jêng ur gâp, jêh nây hăn tât ma Silô. Ta nây geh nơm mbơh lor Y-Ahija, nơm hŏ lah lor jêh ma gâp nau gâp mra jêng hađăch ma phung ƀon lan aơ.

I Phung Hađăch 20:38

Jêh nây nơm mbơh lor nây hăn jêh ri dâk êp kêng meng trong gay kâp hađăch hăn rgăn. Păng sŏk bok nkŭm muh măt gay n'hi săk.

I Phung Hađăch 22:10

Nôk nây, hađăch Israel jêh ri Y-Jôsaphat, hađăch Yuđa, ăp nơm nsoh ao jâr hađăch da dê jêh ri gŭ ta sưng hađăch tâm ntŭk mprah ba, ntŭk lăp mpông ƀon Samari. Lĕ rngôch phung nơm mbơh lor ngơi nau mbơh lor panăp bar hê hađăch.

II Nau Rêh Jêng 18:29

Hađăch Israel lah đah Y-Jôsaphat pô aơ: “Gâp mra rgâl săk nkrơ̆ ƀư bu êng jêh ri hăn tâm lơh, bi may ăt nsoh ao hađăch.” Pôri, hađăch Israel rgâl săk nkrơ̆ ƀư bu êng, jêh nây bar hê khân păng hăn tâm lơh.

II Nau Rêh Jêng 35:22

Ƀiălah Y-Jôsia mâu ŭch rŭch tahan ôh. Păng mâu ŭch iăt ôh nau Brah Ndu ngơi bơh bâr mbung Y-Nêkô, ƀiălah lơ hâu nsoh nkrơ̆ ƀư bu êng ŭch tâm lơh đah păng tâm rlŭng Mêgidô.

Nau Mprơ Ơm 12:2

Khân păng dŏng nau ngơi mƀruh gay nkoch bri ndrăng khân păng nơm, Sŏk bâr mbung ngơi lĕ nau nklă ƀiălah nuih n'hâm ma nau mƀruh ndơm.

Nau Hôr 21:30

Mâu geh nau blau mĭn, nau gĭt rbăng, mâu lah moh nau ŭch nchră Dơi tâm rdâng đah Brah Yêhôva.

Yêrêmi 23:24

Brah Yêhôva lah: “Mbu dơi nde krap păng nơm tâm ntŭk ndâp gay Gâp mâu dơi saơ lĕ?” Brah Yêhôva lah đŏng: “Mâu di hĕ Gâp mpơl ăp ntŭk, ăp lĕ ndâr trôk jêh ri neh ntu hĕ?

I Samuel 28:8

Y-Sôl tâm rgâl muh măt păng, nsoh kho ao êng, jêh nây hăn ndrel ma bar hê tât ta ngih bu ur nây dôl bri măng. Y-Sôl lah: “Dăn ay bê̆ch gru an ma gâp, jêh ri ngơi ndrel ma brah ăn luh du ma gâp du huê, gâp mra mbơh amoh ma ay.”