I Phung Hađăch 22:27 - Nau Brah Ndu Ngơi 2023

²⁷ jêh ri ntĭnh khân păng nây lah: ‘Hađăch lah: Krŭng hom bunuyh aơ tâm ndrung, knŏng siăm păng ma piăng let jêh ri dak gay păng rêh, kŏ tât nôk gâp plơ̆ sĭt đăp mpăn.’”

I Phung Hađăch 22:27 ပူးပေါင်းရင်းမြစ်များ

I Phung Hađăch 13:4

Tơlah tăng nau bunuyh Brah Ndu nter tâm rdâng đah nơng ƀư brah ta Bêthel, hađăch Jêrôbôam yơr ti tă bơh nơng ƀư brah jêh ri lah: “Nhŭp hom păng!” Ƀiălah dôl hađăch yơr ti tâm rdâng đah bunuyh nây, nting tur hađăch jêng dăng kro ro, mâu hôm blau kôn tay đŏng ôh.

I Phung Hađăch 22:26

Hađăch Israel ntăm: “Nhŭp hom Y-Mika njŭn leo păng rlet ma kôranh chiă uănh ƀon Y-Amôn jêh ri ma kon bu klâu hađăch jêng Y-Jôas,

II Nau Rêh Jêng 16:10

Y-Asa ji nuih ma nơm geh nau tâm saơ jêh ri nhŭp krŭng păng yor ma nau nây, hađăch ji nuih ngăn ma păng. Dôl nôk nây, Y-Asa tŭn jot đŏng bunuyh êng ƀaƀă tâm phung ƀon lan.

Nau Mprơ Ơm 102:9

Yor nau May nuih jêh ri ji nuih, Gâp sa ŭnh buh tâm ban ma sa ƀănh,

Nau Mprơ Ơm 127:2

Dơm dam ngăn yơh ma nơm rngeh măng dâk ơm, Jêh ri sa ƀănh hŏt rgănh. Tâm ban lĕ Brah Ndu ăn đŏng nau hăk bê̆ch. Ma phung Păng rŏng nâm bu pônây.

Nau Mprơ Ơm 80:5

May mât rong jêh khân păng ma ƀănh dak măt Jêh ri ăn khân păng nhêt dak măt bêng kachok.

Êsai 30:20

Kôranh Brah mra ăn ma khân may piăng let nau rngot jêh ri dak nau rêh ni. Rnôk aơ, phung sâm nti may mâu hôm đŏng pôn muh măt ôh; măt may mra saơ phung sâm nti may.

Yêrêmi 20:2

Y-Pashur dong nơm mbơh lor Y-Yêrêmi, nkông păng tâm mpông pêr Benjamin, jêng mpông pêr mpeh klơ tâm ngih Brah Yêhôva.

Yêrêmi 29:26

Brah Yêhôva njêng jêh may ƀư kôranh ƀư brah ntrok an ma kôranh ƀư brah Y-Jêhôida gay chiă uănh tâm ngih Brah Yêhôva, jêh ri đă nkông jâng, văn ndrak ta trô ko ma lĕ rngôch phung rluk ntơ êng jêng nơm mbơh lor.

Yêrêmi 36:23

Ăp tơ̆ Y-Jêhudi rŏ geh pe puăn kô̆ tâm ndrom samƀŭt, hađăch sŏk pêh tor samƀŭt koh lơi jêh ri klŭp mƀăr tâm năk ŭnh, kŏ tât ŭnh sa lĕ ndrom samƀŭt tâm ŭnh năk.

Yêrêmi 37:15

Phung kôranh hao ji nuih ma Y-Yêrêmi; khân păng dong jêh ri krŭng păng tâm ngih kôranh nchih samƀŭt Y-Jônathan; yorlah khân păng hŏ njêng jêh ngih nây jêng ngih ndrung.

Yêrêmi 38:6

Khân păng nhŭp ro Y-Yêrêmi jêh ri nklăch tâm ntu Y-Malkija kon bu klâu hađăch, tâm nhuang phung tahan gak. Khân păng nklăch ntrŭnh Y-Yêrêmi ma rse brăt. Tâm ntu mâu geh dak ôh, knŏng geh bŏk dơm; Y-Yêrêmi rhuh tâm bŏk nây.

Luka 3:20

jêh ri hađăch lŏ ƀư du ntil nau tih ntop nau mhĭk đŏng, jêng krŭng Y-Yôhan.

Kôranh Oh Mon 26:10

Gâp ƀư jêh pônây ta ƀon Yêrusalem: Nsing nau dơi tă bơh phung kôranh ƀư brah toyh, gâp krŭng âk phung kloh ueh, jêh ri tơlah bu tâm rmal nkhĭt khân păng, gâp ăt dơn du mĭn ndrel phung nây đŏng.

Kôranh Oh Mon 5:18

nhŭp phung kôranh oh mon krŭng tâm ndrung.

Êphêsô 3:1

Yor nau nây yơh, gâp Y-Pôl, jêng bunuyh gŭ ndrung ma Brah Yêsu Krist, yor khân may jêng phung bu năch.

Nau Vay Nkah Tay 16:3

Lơi sa ndơ ƀư brah nây ndrel ma piăng let geh ndrui. Tâm pơh nar khân may mra sa piăng let mâu geh ndrui, jêng piăng let nau rêh ni, yorlah khân may hŏ luh jêh ma nau ndal bơh n'gor Êjipt, gay du njăr rêh khân may kah gĭt ma nar khân may nơm hŏ luh bơh n'gor Êjipt.

ហេឞ្រើ 11:36

Ƀaƀă êng dơn nau bu mưch rmot, nau bu dong mbang, nau bu nkông ma rse rvăk jêh ri nau bu krŭng.

Nau Tâm Mpơl 2:10

May lơi klach ôh ma lĕ nau rêh ni may bơi dơn. Aơ, brah mhĭk dăch mƀăr ƀaƀă tâm phung khân may ăn tâm ndrung gay rlong uănh khân may; jêh ri khân may mra geh nau rêh ni tâm jât nar. Gŭ răp jăp hom tât khĭt, jêh ri Gâp mra ăn ma may đon hađăch nau rêh.’