I Phung Hađăch 22:25 - Nau Brah Ndu Ngơi 2023

²⁵ Y-Mika lah: “May mra gĭt rah vah nau nây tâm nar may nchuăt tă bơh jrô aơ tât ma jrô ri gay du krap.”

I Phung Hađăch 22:25 ပူးပေါင်းရင်းမြစ်များ

I Phung Hađăch 20:30

Phung tahan hôm klen nchuăt du krap tâm ƀon Aphek; ƀiălah lĕ mpêr ƀon rlâm, nklân bar rmưn pơh rbăn nuyh tahan hôm klen nây. Y-Ben-Hadat nchuăt du đŏng lăp tâm ƀon, krap ta du jrô ndâp.

I Phung Hađăch 22:26

Hađăch Israel ntăm: “Nhŭp hom Y-Mika njŭn leo păng rlet ma kôranh chiă uănh ƀon Y-Amôn jêh ri ma kon bu klâu hađăch jêng Y-Jôas,

II Phung Hađăch 9:2

Tơlah may tât ta nây, joi hom Y-Jêhu jêng kon Y-Jôsaphat, sau Y-Nimsi. May văch tât jă păng dâk bơh oh nâu păng, jêh ri leo păng lăp tâm trôm jrô ndâp.

Yêrêmi 23:15

Yor nây, Brah Yêhôva ma phung tahan lah ma phung mbơh lor nây pô aơ: “Ri, Gâp mra ăn phung ƀon lan aơ sa dak si tăng Jêh ri ăn nhêt dak kăch, Yorlah lĕ phung mbơh lor gŭ ta Yêrusalem Hŏ ƀư ăn nau rai yot lam ăp bri dak.”

Yêrêmi 29:32

Yor nây, Brah Yêhôva lah: ‘Aơ, Gâp mra tâm rmal Y-Sêmaya, bunuyh ƀon Nêhêlam, jêh ri ndŭl deh păng. Mâu hôm geh du huê tâm Noi deh păng dơi rêh tâm nklang phung ƀon lan nây. Păng nơm ăt mâu mra saơ nau ueh Gâp mra ƀư ma phung ƀon lan Gâp, yorlah păng hŏ ngơi nau tâm rdâng đah Brah Yêhôva,’” Yêhôva lah pônây.

Yêrêmi 32:8

Y-Hanamel, kon bu klâu kônh gâp, tông bâr Brah Yêhôva văch ma gâp tâm nhuang ntŭk phung tahan gak, jêh ri lah: ‘Gâp dăn ma may rvăt tay mir gâp ta ƀon Anathôt, tâm bri Benjamin, yorlah may geh nau dơi chuai jêh ri dơi jêng tâm mir nây; dăn may rvăt ăn ma may nơm.’ Rnôk nây, gâp gĭt nau nây jêng nau Brah Yêhôva ngơi!

Amôt 7:17

Yor nây, Brah Yêhôva lah: ‘Ur may jêng du huê bu ur tăch săk tâm ƀon toyh; Phung kon bu klâu jêh ri phung kon bu ur may mra cha lôt khĭt ma đao; Bri may bu mra veh jêh ri tâm pă, Bi may nơm mra khĭt tâm du n'gor bri ƀơ̆ ƀơch, Jêh ri nanê̆ ngăn Israel mra hăn jêng bu nă ngai ma bri khân păng nơm.’”

Nau Kơp Bunuyh 31:8

Tâm rnoh phung khĭt geh prăm nuyh hađăch Madian amoh jêng: Y-Êvi, Y-Rêkem, Y-Sur, Y-Hur jêh ri Y-Rêba. Khân păng sŏk đŏng đao gay nkhĭt Y-Balaam, kon bu klâu Y-Bêôr.

II Pêtrôs 2:1

Ƀiălah geh jêh âk phung mbơh lor nklă mpơl tâm phung ƀon lan, jêh ri mra geh đŏng kôranh nti nklă tâm khân may; khân păng mra mbơh nkoch ndâp lĕ nau chroh nklă blau hâu ngăn, dun ma Kôranh Brah jêng Nơm tâm chuai jêh khân păn nơm, sŏk dơn nau ƀư rai gơnh ro ma khân păng nơm.

Nau Tâm Mpơl 19:20

Ƀiălah bu nhŭp jêh mpô mpa dŭt janh nây jêh ri nơm mbơh lor nklă — nơm ƀư jêh lĕ nau mbên khlay tanăp mpô mpa, gay ndơm mƀruh ma phung bunuyh dơn jêh nau mbên tă bơh mpô mpa jêh ri phung bunuyh yơk mbah ma rup păng — bu nhŭp đŏng. Lĕ bar hê khân păng bu mƀăr rêh jŭr tâm nglao ŭnh mô ŭnh dôl hit.