I Phung Hađăch 22:24 - Nau Brah Ndu Ngơi 2023

²⁴ Nôk nây, Y-Sêdêkia, kon Y-Kênana, hăn văch dăch jêh ri tap ta bom Y-Mika jêh ri ôp: “Mbah tă trong Huêng Brah Yêhôva luh du bơh gâp gay tât ngơi đah may?”

I Phung Hađăch 22:24 ပူးပေါင်းရင်းမြစ်များ

I Phung Hađăch 22:11

Y-Sêdêkia, kon Y-Kênana, hŏ ƀư du kôp nke ma loih, jêh ri lah: “Brah Yêhôva lah: ‘Ma lĕ nke aơ, may mra tâm lơh đah phung Aram kŏ tât ƀư rai khân păng.’”

Nau Nhĭm Vơl 3:30

Păng nta ăn bu tap trô bom păng, Sŏk dơn âk nau bêk prêng hâu ngăn ngên.

Mika 5:1

Hơi Ƀêtlêhem Êphrata, May gŭ tâm nklang rbăn Yuđa jêng jê̆ ngăn, Ƀiălah tă bơh may, Mra deh du huê Nơm chiă uănh ta Israel; Păng geh tơm bơh rnôk kăl e, Bơh ntơm saơm n'ho ro.

Mathay 26:68

jêh ri lah: “Hơi Brah Krist, nkoch hom nau mbơh lor ma phung hên! Mbu nơm lơh may nĕ?”

Mathay 5:39

Ƀiălah Gâp lah ma khân may: Lơi tâm rdâng ôh đah bunuyh mhĭk. Ƀiălah, tơlah bu tap bom pa ma, ăn bom pa chiau ma păng tap tâm ban lĕ;

Markôs 14:65

Ƀaƀă bunuyh ntơm soh dak diu ta Păng, nsêt măt Păng, đŏl Păng jêh ri lah: “Mbơh lor hom!” Phung tahan gak kuăn jêh ri tap Păng.

Yôhan 15:18

“Lah neh ntu tâm rmot ma khân may, khân may gĭt neh ntu tâm rmot ma Gâp lor jêh.

Yôhan 15:20

Kah gĭt hom nau Gâp lah jêh ma khân may: ‘Oh mon mâu rlau ma kôranh păng ôh.’ Tơlah khân păng ƀư mhĭk ma Gâp, khân păng mra ƀư mhĭk ma khân may tâm ban lĕ. Tơlah khân păng djôt prăp nau Gâp ngơi, khân păng djôt prăp nau khân may ngơi.

Kôranh Oh Mon 23:2

Nôk nây, kôranh ƀư brah toyh lơn Y-Ananias đă nơm gŭ dăch, tap ta mbung Y-Pôl.

Kôranh Oh Mon 23:3

Y-Pôl lah: “Hơi mpêr mhĭng klo nglang ri, Brah Ndu mra dong may. May gŭ gay ma phat dôih gâp tĭng nâm nau vay, ƀiălah may rlau nau vay, đă bu dong gâp.”