I Phung Hađăch 22:16 - Nau Brah Ndu Ngơi 2023

¹⁶ Ƀiălah hađăch lah ma păng: “Ndah nâm hŏ tơ̆ gâp sŏk nau ton nchâp ma may knŏng sŏk amoh Brah Yêhôva gay ngơi nau n'hêl nanê̆ ma gâp.”

I Phung Hađăch 22:16 ပူးပေါင်းရင်းမြစ်များ

I Phung Hađăch 22:15

Tơlah Y-Mika lĕ tât jêh, hađăch ôp ma păng: “Ơ Y-Mika, he hăn tâm lơh đah Ramôt-Gilêat, mâu lah mâu lơi hăn?” Y-Mika plơ̆ lah: “Hăn hom, hađăch mra dơi. Brah Yêhôva mra jao ƀon nây tâm ti hađăch.”

I Phung Hađăch 22:17

Rnôk nây, Y-Mika lah: “Gâp saơ lĕ rngôch phung ƀon lan Israel chah rai pru pra ta klơ lĕ yôk, nâm bu phung biăp mâu geh bunuyh rmăk biăp ôh; jêh ri Brah Yêhôva lah: ‘Phung aơ mâu geh ôh kôranh, ăp nơm plơ̆ sĭt hom ma ngih khân păng tâm nau đăp mpăn.’”

II Nau Rêh Jêng 18:15

Hađăch lah ma păng: “Ndah nâm hŏ tơ̆ gâp nchâp ma may ton jêng may ngơi knŏng nau ngơi ngăn tâm amoh Brah Yêhôva!”

Yêrêmi 23:28

Moh nơm mbơh lor geh nau mbơi, nkoch hom nau mbơi nây! Mbu nơm hŏ dơn jêh nau Gâp, răp jăp hom mbơh tay nau Gâp! Rhe dơi lĕ tâm rlŭk đah ba ƀlê?” Brah Yêhôva lah pônây.

Yêrêmi 37:17

Jêh nây, Hađăch Sêdêkia prơh hăn njŭn leo Y-Yêrêmi sĭt ma ngih hađăch jêh ri ôp păng ma nau ndâp: “Geh lĕ nau Brah Yêhôva lah?” Y-Yêrêmi plơ̆ lah: “Geh lĕ!” Jêh nây păng lah tay: “Bu mra jao may tâm ti hađăch Babilôn.”

Yêrêmi 38:14

Hađăch Sêdêkia prơh bunuyh hăn njŭn nơm mbơh lor Y-Yêrêmi mâp êng păng ta ntŭk mpông lăp tal pe tâm ngih Brah Yêhôva. Hađăch ngơi ma Y-Yêrêmi: “Gâp geh du ntil nau ŭch ôp may, lơi ta mo du ntil nau ôh.”

Nau Kơp Bunuyh 22:38

Y-Balaam ơh nau ma Y-Balak pô aơ: “Aƀaơ, gâp văch jêh ma may, ƀiălah gâp geh lĕ nau dơi ngơi ƀaƀă aƀaơ ri? Gâp knŏng lah nau Brah Ndu dơm tâm trôm mbung gâp.”

Mathay 26:63

Ƀiălah Brah Yêsu ăt gŭ rklăk. Kôranh ƀư brah toyh lơn lah ma păng: “Gâp đă may tâm amoh Brah Ndu gŭ rêh mro mrăng ma nau sơm ton jêh ri lah ma hên gĭt, di lĕ may jêng Brah Krist, Kon Brah Ndu?”

Markôs 5:7

jêh ri kuăl huy: “Ơ Brah Yêsu, Kon Brah Ndu Nơm Dŭt Prêh, moh nau gâp geh đah May? Tâm amoh Brah Ndu gâp vơh vơl ma May lơi ƀư mhĭk ma gâp ôh.”

Kôranh Oh Mon 19:13

Rnôk nây geh ƀaƀă nơm n'hŭm phung Yuđa hăn ntơm bơh ntŭk nây tât ntŭk êng, rlong uănh lah dŏng amoh Kôranh Brah jêng Brah Yêsu gay ma mprơh huêng djơh tă bơh phung bunuyh brah mhĭk lơh. Khân păng lah: “Gâp ntrŭnh nau ntăm ma khân may tâm amoh Kôranh Brah jêng Brah Yêsu, Nơm Y-Pôl mbơh nkoch nây.”

Yôsuê 6:26

Rnôk nây, Y-Yôsuê ton lah: “Mbu ndâk jêh ri rdâk njêng đŏng ƀon Yêrikô aơ Mra geh nau rak rtăp tanăp Brah Yêhôva! Mbu nơm n'gân tay mbon, kon bu klâu bôk rah păng khĭt; Mbu nơm rdâk tay mpông, kon mpô̆t păng khĭt.”

I Samuel 14:24

Tâm nar nây lĕ, phung Israel hŏ huăr ngăn jêh yorlah Y-Sôl sơm ton ma phung ƀon lan pô aơ: “Geh nau rak rtăp ma mbu moh sông sa du ntil ndơ lor tơlah ê-hŏ nhâp nar, nâm bu ntĭt lor gâp plơng har lôch jêh ma phung rlăng gâp!” Yor ri, lĕ rngôch phung ƀon lan mâu nănh sông sa nhêt du ntil ndơ ôh.