I Phung Hađăch 22:15 - Nau Brah Ndu Ngơi 2023

¹⁵ Tơlah Y-Mika lĕ tât jêh, hađăch ôp ma păng: “Ơ Y-Mika, he hăn tâm lơh đah Ramôt-Gilêat, mâu lah mâu lơi hăn?” Y-Mika plơ̆ lah: “Hăn hom, hađăch mra dơi. Brah Yêhôva mra jao ƀon nây tâm ti hađăch.”

I Phung Hađăch 22:15 ပူးပေါင်းရင်းမြစ်များ

I Phung Hađăch 18:27

Ta nklang bôk nar, Y-Êli mưch ma khân păng pô aơ: “Nter ăn huy hom, yorlah Baal jêng du huê brah! Klăp lah brah hôm dôl gŭ mĭn, mâu lah păng hôm e ngai, mâu lah dôl hăn njŏ trong, mâu lah păng hôm e bê̆ch jêh ri pônây rlay hom păng!”

I Phung Hađăch 22:12

Lĕ rngôch nơm mbơh lor lah kơt nĕ da dê. Khân păng: “Hăn tâm lơh hom đah Ramôt-Gilêat, hađăch mra dơi, yorlah Brah Yêhôva mra jao ƀon nây tâm ti hađăch.”

I Phung Hađăch 22:16

Ƀiălah hađăch lah ma păng: “Ndah nâm hŏ tơ̆ gâp sŏk nau ton nchâp ma may knŏng sŏk amoh Brah Yêhôva gay ngơi nau n'hêl nanê̆ ma gâp.”

I Phung Hađăch 4:13

Y-Ben-Gêber chiă uănh n'gor Ramôt Gilêat, kơp lĕ ƀon jê̆ Y-Jar (Y-Jar jêng kon Y-Manasê) tâm nkual Gilêat, păng chiă uănh đŏng n'gor Argôp tâm Basan, geh prao jât rplay ƀon toyh geh mpêr ƀon jêh ri mâng nđăng mpông ma kông;

II Phung Hađăch 3:13

Y-Êlisê lah ma hađăch Israel: “Moh nau gâp geh đah may? Hăn ôp hom ma phung nơm mbơh lor mbơ̆ may jêh ri phung nơm mbơh lor mê̆ may.” Ƀiălah hađăch Israel plơ̆ lah: “Mâu ôh. Yorlah Brah Yêhôva yơh kuăl jêh pe nuyh hađăch hên văch gay jao ma ti phung Môap.”

II Nau Rêh Jêng 18:14

Tơlah Y-Mika lĕ tât jêh, Y-Ahap ôp ma păng: “Ơ Y-Mika, he mra hăn lơh ƀon Ramôt-Gilêat mâu lah mâu dơi hăn ôh?” Păng plơ̆ lah: “Hăn hom, hađăch mra dơi yơh jêh ri bu mra jao khân păng tâm ti bar hê hađăch.”

Nơm Nti 11:9

Hơi bunuyh mom ndăm, maak răm hom tâm năm ndăm rah! Maak dơn hom nôk may hôm mom ndăm. Hăn tĭng hom trong nuih n'hâm may ŭch jêh ri măt may ŭch kơnh. Ƀiălah ăn gĭt pô aơ yorlah lĕ rngôch kan nây, Brah Ndu mra djôt leo may ma nau phat dôih.

Yêrêmi 37:17

Jêh nây, Hađăch Sêdêkia prơh hăn njŭn leo Y-Yêrêmi sĭt ma ngih hađăch jêh ri ôp păng ma nau ndâp: “Geh lĕ nau Brah Yêhôva lah?” Y-Yêrêmi plơ̆ lah: “Geh lĕ!” Jêh nây păng lah tay: “Bu mra jao may tâm ti hađăch Babilôn.”

Êsêkiêl 13:6

Khân păng hŏ saơ jêh nau dơm dam jêh ri ƀư nau ƀŭk rƀên mƀruh. Khân păng lah pô aơ: “Brah Yêhôva lah”, ƀiălah Brah Yêhôva mâu mâp prơh khân păng hăn ôh, pôri khân păng ŭch ma Păng ƀư ăn nau khân păng ngơi jêng nau tât ngăn.

Mathay 26:45

Dôl nây Păng plơ̆ tay ma phung oh mon jêh ri lah ma khân păng pô aơ: “Mâm khân may hôm bê̆ch jêh ri gŭ rlu? Ri, mông tât jêh, bu rlăng mra jao Kon Bunuyh tâm ti phung tih.

Phung Kôranh Phat Dôih 10:14

Hăn vơl dăn hom ma phung brah khân may hŏ săch jêh gay khân păng tâm rklaih khân may dôl nau rêh ni!”