I Phung Hađăch 21:27 - Nau Brah Ndu Ngơi 2023

²⁷ Tơlah Y-Ahap tăng lĕ nau nây, păng nkhêk bok ao, nsoh ao nsrôt ƀau, ver ât sông sa, bê̆ch tâm ƀau, jêh ri mbơh nau n'hôi săk păng nơm deh rhêt.

I Phung Hađăch 21:27 ပူးပေါင်းရင်းမြစ်များ

Nau Ntơm 37:34

Y-Yakôb nkhêk kho ao, sŏk bok ƀau mbăn ta bŭt jêh ri rngot klâng ma kon păng jŏ nar.

II Samuel 3:31

Y-Đavit lah ma Y-Jôap jêh ri lĕ rngôch phung ƀon lan tĭng ndô̆ păng: “Nkhêk hom ao khân may, nsoh ao ma bok ƀau, jêh ri nhĭm vơl ma Y-Apner.” Jêh nây Y-Đavit tĭng groi băng.

I Phung Hađăch 21:28

Nôk nây, geh nau Brah Yêhôva ngơi ma Y-Êli, bu klâu ƀon Tisbê, pô aơ:

II Phung Hađăch 18:37

Y-Êliakim, kon Y-Hilkia jêng kôranh mât uănh ngih hađăch, Y-Sêpna jêng kôranh nchih samƀŭt jêh ri Y-Jôa jêng kôranh kâp nchih samƀŭt nau tât, kon Y-Asap, nkhêk ao khân păng nơm, jêh nây plơ̆ sĭt nkoch tay ma hađăch Hêsêkia lĕ nau Y-Rabshakeh ngơi.

II Phung Hađăch 19:1

Tơlah tăng nau nây, hađăch Hêsêkia nkhêk bok ao păng ro, nsoh ao ƀau jêh ri lăp tâm ngih Brah Yêhôva.

II Phung Hađăch 6:30

Tơlah hađăch tăng lĕ nau bu ur nây ngơi lôch jêh, păng nkhêk lơi ro bok ao păng nơm. Nôk nây, păng dôl hăn rgăn ta klơ mpêr ƀon, phung ƀon lan saơ, păng nsoh ao ƀau.

I Nau Rêh Jêng 21:16

Y-Đavit n'gơr uănh, saơ tông mpăr Brah Yêhôva dâk vah vang neh đah trôk, ti păng djôt đao yơr ta klơ Yêrusalem. Y-Đavit jêh ri phung bu ranh dôl nsoh ao ƀau, chon mon tâm neh.

Ndrom Samƀŭt bơh Yôp 16:15

Gâp jĭm ao ƀau nkŭm klơ ntâu săk jăn gâp, Tâp brôi n'hâm suan gâp tâm ndruyh neh.

Nau Ngluh Êjipt 33:4

Tơlah phung ƀon lan tăng lĕ nau ngơi mâu ueh nây, khân păng nhĭm nhhiăng, mâu geh ôh du huê văn ndơ nkrơ̆.

Êsai 22:12

Tâm nar nây, Kôranh Brah jêng Brah Yêhôva ma phung tahan Kuăl khân may ma nau nhĭm jêh ri klâng rngot, Poih bôk jêh ri nsoh ao ƀau;

Êsai 38:15

Moh gâp dơi lah? Yorlah May hŏ ngơi jêh đah gâp May nơm yơh ƀư jêng nau aơ. Du bông nau rêh, gâp mra chuat tâm nau dêh rhêt Yor nau rngot bêng tâm huêng gâp.

Yêrêmi 36:24

Hađăch nđâp ma phung tĭng ndô̆ păng hŏ tăng lĕ rngôch jêh nau nây, ƀiălah mâu du huê klach ôh mâu lah nkhêk bok ao khân păng nơm.

Yôel 1:13

Hơi phung kôranh ƀư brah, nsoh hom ao ƀau jêh ri nhĭm vơl! Hơi phung pah kan ta nơng ƀư brah, nhĭm vơl hom! Hơi phung pah kan ma Brah Ndu gâp, Văch nsoh hom ao ƀau rngeh lĕ du măng! Yorlah ndơ ƀư brah rnih môi jêh ri ndơ nhhơr nhêt sa mâu hôm geh nhhơr Tâm ngih Brah Ndu khân may!

Yônais 3:10

Rnôk nây, Brah Ndu saơ nau khân păng ƀư jêh ri saơ khân păng hŏ chalơi jêh trong mhĭk khân păng pôri Păng tâm rgâl nau mĭn ma nau mhĭk tât ta klơ khân păng nâm bu hŏ lah, jêh ri Păng mâu ƀư nau nây ôh.

Yônais 3:6

Nau mhe mhan nây tât ma hađăch ƀon Ninive, pôri păng dâk tă bơh sưng hađăch păng doh lơi ao jâr păng, put ao ƀau jêh ri gŭ tâm ŭnh buh.

Nau Tâm Mpơl 11:3

Gâp mra ăn ma bar hê nơm mbơh Gâp, khân păng nsoh ao bok ƀau jêh ri ngơi nau mbơh lor tâm du rbăn bar rhiăng prao jât nar.”