I Phung Hađăch 21:26 - Nau Brah Ndu Ngơi 2023

²⁶ Hađăch ƀư jêh nau mưch rmot ngăn jêng mbah lĕ rup brah nâm bu phung Amôrit hŏ ƀư, jêng phung ƀon lan Brah Yêhôva mprơh jêh bơh panăp phung ƀon lan Israel.

I Phung Hađăch 21:26 ပူးပေါင်းရင်းမြစ်များ

Nau Ntơm 15:16

Tât rô̆ tal puăn, phung kon sau may mra plơ̆ sĭt ta aơ, yorlah nau djơh mhĭk phung Amôrit ê hŏ nă rĭng.”

I Phung Hađăch 15:12

Păng mprơh lơi phung bu klâu văng tĭr luh bơh n'gor jêh ri ngroh lơi lĕ rngôch rup brah phung chô yau păng hŏ ƀư.

I Phung Hađăch 18:18

Păng plơ̆ sĭt lah: “Mâu di ôh gâp ƀư rkhŭk phung Israel, ƀiălah may nơm jêh ri ngih mbơ̆ may yơh rkhŭk. Yorlah may chalơi jêh nau vay Brah Yêhôva ntăm gay hăn tĭng brah Baal.

II Phung Hađăch 16:3

Ƀiălah hađăch hăn tĭng trong phung hađăch Israel, kŏ tât su kon bu klâu păng tâm ŭnh jêng ndơ ƀư brah, tĭng nâm nau vay ƀơ̆ ƀơch phung ƀon lan Brah Yêhôva hŏ mprơh du jêh tă bơh phung ƀon lan Israel.

II Phung Hađăch 17:12

Khân păng yơk mbah ma phung rup brah, ma nau nây Brah Yêhôva hŏ ntăm jêh ma khân păng: “Khân may mâu dơi yơk mbah nau aơ.”

II Phung Hađăch 21:11

“Yorlah Y-Manasê, hađăch Yuđa, hŏ ƀư tih jêh lĕ nau dŭt ƀơ̆ ƀơch nây, ƀư nau djơh mhĭk lơn ma lĕ rngôch nau phung Amôrit hŏ ƀư jêh lor ma păng, jêh ri tâm ban lĕ nsŭk nsôr jêh phung Yuđa ƀư tih mbah rup brah,

II Phung Hađăch 21:2

Păng ƀư nau mhĭk tanăp măt Brah Yêhôva, jêh ri tĭng lĕ nau vay dŭt ƀơ̆ ƀơch tâm phung ndŭl mpôl Brah Yêhôva hŏ mprơh du jêh tă bơh phung ƀon lan Israel.

II Nau Rêh Jêng 15:8

Tơlah Y-Asa hŏ tăng jêh nau ngơi nây jêng nau ngơi mbơh lor bơh nơm mbơh lor Y-Ôdet, ri mơ hađăch ntop nau janh ktang. Păng mƀăr lơi rup brah ƀơ̆ ƀơch luh bơh lam n'gor Yuđa jêh ri Benjamin, jêh ri luh bơh lĕ ƀon păng lĕ pit in jêh ta klơ nkual yôk Êphraim. Păng nkra tay nơng ƀư brah Brah Yêhôva mpeh panăp ndring ngih Brah Yêhôva.

II Nau Rêh Jêng 33:2

Păng ƀư nau mhĭk tanăp măt Brah Yêhôva, tĭng lĕ nau vay dŭt ƀơ̆ ƀơch tâm phung ndŭl mpôl Brah Yêhôva hŏ mprơh du jêh tă bơh phung ƀon lan Israel.

II Nau Rêh Jêng 33:9

Ƀiălah, Y-Manasê nsŭk nsôr phung Yuđa jêh ri phung gŭ tâm ƀon Yêrusalem, kŏ tât khân păng ƀư lĕ nau djơh mhĭk âk lơn ma phung ndŭl mpôl Brah Yêhôva hŏ ƀư rai jêh tanăp phung ƀon lan Israel.

II Nau Rêh Jêng 36:14

Rlau ma nĕ, lĕ rngôch kôranh chiă uănh ma phung kôranh ƀư brah jêh ri phung ƀon lan lơ hô mâu gŭ răp jăp, ƀư lĕ nau ƀơ̆ ƀơch nâm bu phung ƀon lan chiau meng hŏ ƀư. Khăn păng ƀư ƀơ̆ ngih Brah Yêhôva, ngih Păng hŏ ƀư kloh jêh tâm ƀon Yêrusalem.

Êsai 65:4

Gŭ tâm ntŭk môch Gŭ lĕ măng tâm ntŭk ndâp Gay sa puăch sŭr, Prăp dak gâm puăch ƀơ̆ tâm ngan khân păng.

Yêrêmi 16:18

Lor lơn Gâp mra mplơ̆ nau mhĭk ma khân păng n'hao bar tơ̆ jêh ri nau tih khân păng hŏ ƀư jêh, yorlah khân păng hŏ ƀư ƀơ̆ ƀơch neh Gâp bơh săk jăn khĭt lĕ rup brah di ma nau tâm rmot, jêh ri ƀư bêng ma drăp ndơn đah lĕ ndơ di ma nau ƀơ̆ ƀơch.”

Yêrêmi 44:4

Nđâp lah Gâp hŏ prơh hăn ƀaƀơ jêh ma lĕ rngôch phung oh mon Gâp, nây jêng phung nơm mbơh lor, tât lah ma khân may pô aơ: ‘Vơ, lơi ta ƀư ôh nau ƀơ̆ bơch Gâp tâm rmot nây!’

Êsêkiêl 16:47

Bi ay mâu knŏng chuat hăn tâm trong khân păng jêh ri hôm ƀư nau mhĭk tâm ban ma khân păng. Ay kơp nau nây jêng jê̆ lê̆ hĕ? Ay hŏ ƀư êng ma ay nơm mhĭk lơn tâm lĕ rngôch trong ay hăn.

Êsêkiêl 18:12

tŭn jot phung o ach mâu geh ndô ndơ, ntŭng ndơ bu, mâu mplơ̆ ôh ndơ nchăm ăn ma nơm geh rnon, kâp gân ma phung rup brah jêh ri ƀư ma nau ƀơ̆ ƀơch,

Nau Vay Nkah Tay 12:31

Khân may mâu dơi ƀư ôh kơt nĕ ma Yêhôva Brah Ndu yorlah Brah Yêhôva tâm rmot lĕ kan ƀơ̆ ƀơch khân păng hŏ ƀư jêh ma phung brah khân păng. Khân păng gŭch nđâp phung kon bu klâu jêh ri phung kon bu ur khân păng tâm ŭnh gay ƀư brah ma phung brah khân păng.

Yôsuê 23:9

Yorlah Brah Yêhôva mprơh jêh bơh khân may phung ndŭl mpôl bunuyh toyh jêh ri dăng ktang, jêh ri tât ta nar aơ, mâu geh ôh du huê dơi tâm rdâng đah khân may.

I Pêtrôs 4:3

Nar kăl e, khân may mpŭng mông nar jêh gay ƀư lĕ nau phung bu năch ŭch ƀư, nâm bu gŭ rêh tâm nau blă blơ, nau kơnh mhĭk, nhŭl ndrănh, pâl rlưn rlau keh, nau nhêt sa rlau keh, nau mbah rup brah dŭt ƀơ̆ ƀơch.

Nau Tâm Mpơl 21:8

Bi ma phung ƀlao, phung mâu chroh, phung ƀơ̆, phung nkhĭt bunuyh, phung văng tĭr, phung ƀư nau blau rƀên, phung mbah rup brah, jêh ri lĕ rngôch phung ngơi mƀruh, nau nkhôm khân păng jêng nglao ŭnh mô ŭnh dôl hit. Nau nây jêng nau khĭt rơh bar.”