I Phung Hađăch 21:25 - Nau Brah Ndu Ngơi 2023

²⁵ Nanê̆ ngăn, mâu geh ôh bunuyh tâm ban ma Y-Ahap, tăch êng păng nơm gay ƀư nau mhĭk tanăp măt Brah Yêhôva, jêng nơm H'Jêsêbel ur păng hŏ nsŭk nsôr.

I Phung Hađăch 21:25 ပူးပေါင်းရင်းမြစ်များ

I Phung Hađăch 16:25

Y-Ômri ƀư nau mhĭk tanăp măt Brah Yêhôva, jêh ri hôm ƀư nau mhĭk rlau lơn ma lĕ phung lor panăp păng.

I Phung Hađăch 18:18

Păng plơ̆ sĭt lah: “Mâu di ôh gâp ƀư rkhŭk phung Israel, ƀiălah may nơm jêh ri ngih mbơ̆ may yơh rkhŭk. Yorlah may chalơi jêh nau vay Brah Yêhôva ntăm gay hăn tĭng brah Baal.

I Phung Hađăch 18:4

Tơlah H'Jêsêbel nkhĭt phung nơm mbơh lor Brah Yêhôva, Y-Apdia sŏk djôt du rhiăng nuyh nơm mbơh lor pôn tâm bar trôm lŭ, ăp trôm prăm jât bunuyh, sŏk piăng let jêh ri dak nhêt siăm ma khân păng).

I Phung Hađăch 19:2

H'Jêsêbel prơh du huê bunuyh hăn mâp Y-Êli jêh ri lah: “Tơlah ta mông aơ tâm nar ôi taơ, gâp mâu geh ƀư ôh ma nau rêh may nâm bu nau rêh du huê tâm phung kôranh nơm may hŏ nkhĭt, dăn phung brah rmal gâp jâk ngăn.”

I Phung Hađăch 21:20

Y-Ahap lah ma Y-Êli: “Hơi nơm rlăng gâp, may lĕ mâp jêh gâp?” Y-Êli plơ̆ lah: “Di ngăn, gâp saơ jêh may, yorlah may hŏ tăch jêh may nơm gay ƀư nau mhĭk tanăp măt Brah Yêhôva.

I Phung Hađăch 21:7

Hađăch bu ur H'Jêsêbel, lah: “Mâu di hĕ may chiă uănh phung Israel aƀaơ ri? Dâk hom, sông sa nhêt jêh ri geh nuih n'hâm maak. Gâp mra nkơ ma may đang krăk ƀâu Y-Nabôt, bunuyh Jesrêel.”

I Phung Hađăch 22:52

Tâm năm rơh jât ma pơh nôk rô̆ Y-Jôsaphat, hađăch Yuđa, Y-Ahasia, kon bu klâu Y-Ahap, ƀư hađăch phung Israel jêh ri chiă uănh bar năm ta Samari.

I Phung Hađăch 22:53

Hađăch ƀư nau mhĭk tanăp măt Brah Yêhôva, hăn tĭng trong mê̆ mbơ̆ păng, jêh ri tâm trong me păng, jêh ri tĭng nâm trong Y-Jêrôbôam, kon bu klâu Y-Nêbat, jêng bunuyh nsŭk phung Israel ƀư tih.

II Phung Hađăch 17:17

Khân păng gŭch phung kon bu klâu jêh ri kon bu ur khân păng tâm ŭnh gay ƀư ndơ nhhơr ma brah. Khân păng dŏng nau ƀŭk rƀên, n'hŭm pol, jêh ri tăch êng khân păng nơm gay ƀư nau mhĭk tanăp măt Brah Yêhôva, gay nsônh Păng ji nuih.

II Phung Hađăch 23:25

Lor panăp Y-Jôsia, mâu mâp geh ôh du huê hađăch tâm ban ma păng, nơm plơ̆ sĭt ma Brah Yêhôva ma lĕ nuih n'hâm, ma lĕ huêng, jêh ri ma lĕ nau ktang păng, tĭng nâm lĕ nau vay Y-Môis tâm ban ma păng; jêh ri pakơi Y-Jôsia mâu đŏng geh nơm ƀư tâm ban kơt nây.

II Phung Hađăch 9:22

Tơlah Y-Jôram lĕ saơ jêh Y-Jêhu, păng ôp: “Hơi Y-Jêhu, nau đăp mpăn lĕ?” Ƀiălah Y-Jêhu plơ̆ lah: “Mâm dơi geh nau đăp mpăn dôl mê̆ may H'Jêsêbel ƀư âk nau ka n'hong jêh ri nau n'hŭm?”

II Phung Hađăch 9:34

Y-Jêhu hăn lăp, sông sa nhêt lôch jêh, păng lah: “Aƀaơ ri hăn uănh hom ma bu ur bu rak rtăp jêh ri tâp brôi păng, yorlah păng jêng kon bu ur hađăch.”

Nêhêmi 13:26

Mâu di hĕ hađăch phung Israel jêng Y-Salômôn hŏ ƀư tih jêh yorlah phung bu ur pônây? Tâm âk phung mpôl băl mâu geh ôh du huê hađăch nâm bu păng, jêng nơm Brah Ndu rŏng, ăn păng jêng hađăch ma lĕ rngôch phung Israel. Ƀiălah phung ur phung bu năch hŏ nsŭk ăn păng ƀư tih!

Nau Ngluh Êjipt 34:16

Mâu đŏng dơi nđăp kon bu ur khân păng ma phung kon bu klâu khân may, klach lah phung kon bu ur khân păng ƀư nau văng tĭr đah phung brah jêh ri nsŭk phung kon bu klâu khân may ƀư nau văng tĭr đah phung brah khân păng.

Nau Hôr 22:14

Trôm mbung bu ur văng tĭr jêng du mlâm ntu jru; Mbu nơm Brah Yêhôva ji nuih mra tŭp ta nây.

Nơm Nti 7:26

Gâp joi saơ du ntil nau rngot lơn ma nau khĭt, Nây jêng bu ur geh nuih n'hâm nâm bu ndơm jal, ti nâm bu rse rvăk. Mbu nơm rêh ueh nuih n'hâm Brah Ndu mra klaih bơh bu ur nây, Bi ma nơm geh tih mra geh păng nhŭp sŏk.

Êsai 50:1

Brah Yêhôva lah: “Ta ntŭk pŏk samƀŭt tâm chalơi ur sai mê̆ may Ma samƀŭt nây Gâp chalơi jêh păng? Mâu lah tâm phung tơm rnon ma Gâp Mbu moh Gâp tăch khân may? Aơ, yor nau kue may yơh dĭng bu tăch khân may; Yor nau khân may ƀư tih rĭ dĭng bu chalơi jêh mê̆ khân may.

Êsai 52:3

Yorlah Brah Yêhôva lah pô aơ: “Bu tăch jêh khân may mâu geh ăn prăk, jêh ri bu mra tâm chuai khân may mâu hôm ŭch prăk.”

Kôranh Oh Mon 14:2

Ƀiălah phung Yuđa mâu chroh nsônh, ƀư djơh ma nau mĭn phung bu năch geh nau nuih ma phung oh nâu.

Kôranh Oh Mon 6:12

Khân păng nsŭk phung ƀon lan, phung kôranh bu ranh jêh ri phung kôranh nchih samƀŭt rduh lăp nhŭp Y-Êtiên jêh ri têk leo păng tât tanăp phung Kôranh Phat Dôih.

Samƀŭt Pôl Njuăl Ăn Ma Phung Nsing Ta Ƀon Rôm 6:19

Yorlah nglay săk khân may rdja, rĭ dĭng gâp ngơi tĭng nau kon bunuyh. Khân may hŏ tă nhhơr lĕ kô̆ săk jăn khân may jêng dĭk nau ƀơ̆ ƀơch jêh ri nau djơh mhĭk bun tâm ban lĕ, aƀaơ aơ, nhhơr hom lĕ kô̆ săk jăn khân may jêng dĭk ma nau sŏng srăng gay ma geh nau kloh ueh tâm ban lĕ.

Samƀŭt Pôl Njuăl Ăn Ma Phung Nsing Ta Ƀon Rôm 7:14

He gĭt nau vay jêng brah huêng; ƀiălah gâp jêng bunuyh nglay săk hŏ tăch jêh ma nau tih.

Nau Tâm Mpơl 2:20

Ƀiălah geh nau Gâp nduyh may, nây jêng may ăn ma H'Jêsêbel, bu ur kơp êng săk păng nơm jêng nơm mbơh lor, ntĭm nti jêh ri ndơm phung oh mon Gâp, gay ma khân păng ƀư tih nau văng tĭr jêh ri sa ndơ ƀư brah ma rup brah.