I Phung Hađăch 21:19 - Nau Brah Ndu Ngơi 2023

¹⁹ Ăn may lah ma Y-Ahap pô aơ: ‘Brah Yêhôva lah: Mâu di hĕ may hŏ nkhĭt bunuyh, jêh nây pit rvan drăp ndơn păng?’ Ăn may lah tay: ‘Brah Yêhôva lah: Ta ntŭk so hŏ ler jêh mham Y-Nabôt, so mra ler mham may nơm đŏng.’”

I Phung Hađăch 21:19 ပူးပေါင်းရင်းမြစ်များ

Nau Ntơm 3:11

Brah Ndu ôp: “Mbu nơm ntĭm ma may gĭt may rhôk? Di lĕ may hŏ sa jêh play ta tơm si, Gâp lĕ buay mâu ăn sa ôh?”

II Samuel 12:11

Pô aơ Brah Yêhôva lah: ‘Aơ, tă bơh ngih may nơm, Gâp mra ƀư ăn nau mhĭk tât ma may. Gâp mra nhŭp phung ur may tanăp măt may jêh ri jao khân păng ma nơm chiau meng may, păng mra bê̆ch ndrel đah phung ur may ta nôk nar.

II Samuel 12:9

Mâm ƀư may mưch rmot nau Brah Yêhôva ngơi, ŭch ƀư nau mhĭk tanăp măt Păng? May hŏ sŏk đao phung Ammôn nkhĭt Y-Uri, bunuyh Hitit, sŏk jêh ur păng njêng ur may.

I Phung Hađăch 22:38

Bu rao ndeh seh hađăch ta dak nglau Samari, jêng ntŭk phung bu ur văng tĭr vay gŭ ŭm; jêh ri so ler mham hađăch Ahap, di nâm bu nau Brah Yêhôva hŏ lah lor.

II Phung Hađăch 10:10

Pônây, aƀaơ ri, ăn gĭt rah vah ngăn pô aơ: Tâm nau Brah Yêhôva hŏ lah ma ngih Y-Ahap mâu mra geh ôh du nau mâu mra ăn tât tĭng nâm Brah Ndu ngơi; nau nây Brah Yêhôva ngơi jêh di ma ngih Y-Ahap, yorlah Brah Yêhôva ƀư jêh nau Păng hŏ ngơi ma oh mon Păng Y-Êli.”

II Phung Hađăch 10:7

Tơlah dơn samƀŭt nây, khân păng nhŭp ro jêh ri nkhĭt lơi pơh jât phung kon bu klâu Y-Ahap, jêh nây dơm bôk khân păng tâm lĕ bĭ jêh ri njuăl bôk nây ma Y-Jêhu ta ƀon Jesrêel.

II Phung Hađăch 6:32

Tâm nôk Y-Êlisê dôl gŭ tâm ngih păng nơm nđâp ma phung kôranh bu ranh. Hađăch prơh du huê bunuyh tâm phung oh mon hăn joi păng. Ƀiălah êlor bunuyh mbơh nây tât, Y-Êlisê lah ma phung kôranh bu ranh: “Khân may saơ lĕ nơm nkhĭt bunuyh nây prơh bunuyh hăn tât gay koh trô ko gâp? Uănh hom, tơlah nơm mbơh văch tât, nchăng mpông hom jêh ri kuăn ăn nâp mpông, lơi ăn păng lăp ôh. Mâu di hĕ khân may mâu tăng nteh nhuat jâng kôranh păng groi pakơi păng?”

Êsther 7:10

Pônây, bu yông trô ko Y-Haman ta tơm si yông trô ko păng nơm hŏ ndâk jêh ma Y-Môrdêkai. Jêh nây nau hađăch ji nuih aih jêh.

Ndrom Samƀŭt bơh Yôp 31:39

Tơlah gâp sa play păng ƀiălah mâu mplơ̆ prăk, Ăn nau khĭt ăn ma nơm tơm păng,

Nau Mprơ Ơm 68:23

Gay jâng khân may jot tâm mham phung rlăng Jêh ri mpiăt lĕ so khân may ăt ler mham phung rlăng gay geh ndơ sa.”

Nau Mprơ Ơm 9:13

Ơ Brah Yêhôva, dăn yô̆ nđach an ma gâp! Dăn treng uănh ma nau rêh ni yor phung rlăng gâp hŏ ƀư jêh; May jêng Nơm chông leo gâp tă bơh mpông pêr nau khĭt,

Nau Mprơ Ơm 9:16

Brah Yêhôva tâm mpơl êng Păng Nơm rgăn đah nau di; Phung mhĭk geh dăk yor ti khân păng nơm sân jêh. (Higaiôn. Sêla)

Yêrêmi 34:6

Nơm mbơh lor Y-Yêrêmi ngơi lĕ nau nây ma Y-Sêdêkia, hađăch Yuđa, tâm ƀon Yêrusalem,

Êsêkiêl 46:18

Hađăch mâu sŏk ôh du ntil ndơ jêng drăp ndơ phung ƀon lan jêh ri mprơh khân păng tă bơh drăp ndơn khân păng. Hađăch mra sŏk ndơ êng păng nơm ăn phung kon bu klâu păng ƀư drăp ndơ gay ma mâu geh du huê tâm phung ƀon lan Gâp mâu geh ôh roh drăp ndơ khân păng.”

Habakuk 2:12

Rêh ni ma nơm sŏk mham ndâk ƀon, Jêh ri sŏk nau djơh mhĭk ndâk njêng ƀon toyh!

Habakuk 2:9

Rêh ni ngăn ma nơm joi sa kao mâu tâm di nsĭt ma ngih vâl păng, Gay ƀư ntŭk gŭ ma păng nơm ta ntŭk prêh klơ, Ŭch ma klaih bơh ti phung mhĭk.

Mathay 7:2

Yorlah khân may phat dôih bu pô ri bu mra phat dôih khân may tâm ban lĕ, khân may veh ma ndah âk pô ri khân păng ăt mra veh ma khân may lĕ.

Phung Kôranh Phat Dôih 1:7

Y-Adôni-Bêsek lah: “Geh pơh jât hađăch gâp koh jêh nglau ti me jêh ri nglau jâng me, dônh ndơ sông sa rmeh tŭp tâm dâng sưng gâp sông. Gâp hŏ ƀư nau nây yor ri Brah Ndu har plơng tay gâp.” Bu leo păng tât ta ƀon toyh Yêrusalem jêh ri păng khĭt ta nây.