I Phung Hađăch 21:13 - Nau Brah Ndu Ngơi 2023

¹³ Nôk nây, bar hê phung mhĭk văch gŭ panăp Y-Nabôt. Bar hê phung mhĭk nây phong mƀruh ma Y-Nabôt panăp phung ƀon lan pô aơ: “Y-Nabôt rak rtăp jêh ma Brah Ndu jêh ri ma hađăch.” Jêh nây khân păng njŭn leo păng luh padih ƀon jêh ri klŭp păng ma lŭ kŏ tât khĭt.

I Phung Hađăch 21:13 ပူးပေါင်းရင်းမြစ်များ

I Phung Hađăch 21:14

Khân păng prơh bu hăn lah ma H'Jêsêbel pô aơ: “Bu klŭp jêh Y-Nabôt jêh ri păng khĭt jêh.”

II Phung Hađăch 6:32

Tâm nôk Y-Êlisê dôl gŭ tâm ngih păng nơm nđâp ma phung kôranh bu ranh. Hađăch prơh du huê bunuyh tâm phung oh mon hăn joi păng. Ƀiălah êlor bunuyh mbơh nây tât, Y-Êlisê lah ma phung kôranh bu ranh: “Khân may saơ lĕ nơm nkhĭt bunuyh nây prơh bunuyh hăn tât gay koh trô ko gâp? Uănh hom, tơlah nơm mbơh văch tât, nchăng mpông hom jêh ri kuăn ăn nâp mpông, lơi ăn păng lăp ôh. Mâu di hĕ khân may mâu tăng nteh nhuat jâng kôranh păng groi pakơi păng?”

II Phung Hađăch 9:26

‘Brah Yêhôva lah: Nanê̆ ngăn, yorlah nđaơ Gâp hŏ saơ jêh mham Y-Nabôt jêh ri phung kon bu klâu păng pling mham, pôri Gâp mra nhŭp may mplơ̆ hom nau tih ƀư nkhŭt mham ta mir nây.’ Brah Yêhôva phat dôih kơt nĕ. Pôri aƀaơ djôt leo hom săk jăn păng mƀăr lơi tâm mir nây, di nâm Brah Yêhôva ngơi jêh.”

II Nau Rêh Jêng 24:21

Khân păng tâm rnglăp ndrel rdâng đah păng, jêh ri tĭng nâm nau hađăch ntrŭnh, khân păng klŭp păng ma lŭ tâm nkual toyh ngih Brah Yêhôva.

Ndrom Samƀŭt bơh Yôp 1:11

Ƀiălah aƀaơ Kôranh Brah yơr ti rlong ƀư tâm lĕ rngôch drăp ndơ păng geh, uănh păng gĭt geh nau suai rak Kôranh Brah tanăp măt đŏng!”

Ndrom Samƀŭt bơh Yôp 1:5

Lôch jêh nar nhêt sa, Y-Yôp vay kuăl phung kon păng plơ̆ sĭt gay ƀư nau rƀŭn ƀư kloh ma khân păng. Păng kah rngăl ơm ôi nhhơr ndơ ƀư brah gŭch ma ăp nơm kon, yor păng mĭn êng: “Klach lah phung kon gâp ƀư tih jêh ri tâm nuih n'hâm suai rak Brah Ndu.” Y-Yôp ƀư ƀaƀơ pônây.

Ndrom Samƀŭt bơh Yôp 2:9

Nôk nây, ur Y-Yôp ngơi: “Mâm? May hôm e dơi mât nuih n'hâm ueh răp jăp đŏng? Rak rtăp ma Brah Ndu jêh ri khĭt hom!”

Ndrom Samƀŭt bơh Yôp 31:39

Tơlah gâp sa play păng ƀiălah mâu mplơ̆ prăk, Ăn nau khĭt ăn ma nơm tơm păng,

Nau Mprơ Ơm 27:12

Lơi ta jao gâp ma phung rlăng gâp ŭch, Yorlah khân păng nkoch lĕ nau mbơh nchơt Jêh ri ngơi nau janh ƀai tâm rdâng đah gâp.

Nau Mprơ Ơm 35:11

Phung mbơh nau nchơt nây dâk; Ôp lĕ nau gâp mâu mâp gĭt ôh.

Nau Ngluh Êjipt 20:16

May mâu dơi ngơi nchơt ƀư mhĭk ma phung chiau meng may nơm.

Nau Hôr 19:28

Nơm mbơh tih mưch ma nau sŏng srăng, Jêh ri mbung nơm mhĭk rvăn nau tih.

Nau Hôr 19:5

Nơm mbơh mƀruh mâu dơi klaih ôh đah nau tâm rmal, Ma nơm ngơi mƀruh nchơt mâu lĕ mra dơi klaih.

Nau Hôr 19:9

Nơm mbơh kue mâu mra klaih ôh bơh nau tâm rmal, Mbu nơm ngơi mƀruh mra rai yot.

Nau Hôr 25:18

Nơm ngơi nchơt tâm rdâng đah phung chiau meng păng Nâm bu du mlâm me nôp, du mlâm đao, chiông hăr mplanh.

Nau Hôr 6:19

Nơm nkoch mƀruh jêh ri ngơi nau nchơt, Nơm joi nau tâm djrel ndrăng oh nâu.

Nơm Nti 10:20

Nđâp tâm nau mĭn may, lơi rak rtăp hađăch ôh, Nđâp tơlah tâm jrô bê̆ch, may ăt lơi rak rtăp bunuyh ndrŏng kuăng; Yorlah sĭm klơ trôk mra rƀiah bâr ngơi, Jêh ri mpa geh nting năr mra nkoch tay nau nây.

Nơm Nti 4:1

Gâp plơ̆ sek uănh tay lĕ rngôch nau tŭn jot nau tât geh tâm dâng nar: Ri, phung bu tŭn jot hoch hor dak măt Mâu geh nơm bonh leng khân păng! Phung tŭn jot mƀin nsing ma nau dơi, Ƀiălah phung bu tŭn jot mâu geh nơm bonh leng!

Êsai 8:21

Khân păng mra nsong blêng tâm bri, rêh ni ngăn jêh ri ji ngot ji hir. Tâm nôk khân păng ji ngot, khân păng mra ji nuih, rtăp rak hađăch jêh ri Brah Ndu khân păng nơm. Khân păng mra n'gơr măt leo ta klơ trôk,

Amôt 7:10

Rnôk nây, Y-Amasia kôranh ƀư brah Bêthel, njuăl bunuyh hăn mbơh ma Y-Jêrôbôam hađăch Israel pô aơ: “Y-Amôt tâm nchră nau tâm rdâng đah may ta trôm nuih n'hâm Israel; bri dak mâu ŭch dơn ôh lĕ nau păng ngơi.

Malachi 3:5

“Gâp mra văch dăch khân may gay phat dôih, jêh ri Gâp mra ƀư ndal mbơh nau tâm rdâng đah phung n'hŭm, đah phung văng tĭr, phung ton mƀruh, phung sa đĭ nau nkhôm ma phung pah kan, phung tŭn jot bu ur ndrô khĭt sai jêh ri phung kon đơi, phung ƀư djơh đah phung bu năch; yorlah khân păng mâu klach yơk ma Gâp.” Brah Yêhôva ma phung tahan lah pônây.

Mathay 9:3

Dôl nây, geh bar pe kôranh nchih samƀŭt mĭn tâm nuih n'hâm khân păng: “Bunuyh aơ ngơi sưr rlau.”

Luka 23:2

Khân păng ntơm phong Brah Yêsu pô aơ: “Hên gĭt năl jêh bunuyh aơ nsŭk nsôr phung ƀon lan tâm rdâng, buay hên chê̆ pi ma Sêsar, jêh ri lah păng nơm jêng Brah Krist, jêng Hađăch.”

Yôhan 19:12

Ntơm bơh nây, Pilat joi nau gay mƀơk Brah Yêsu, ƀiălah phung Yuđa nter huy: “Lah may mƀơk bunuyh aơ, may mâu jêng bunuyh răp jăp đah Sêsar ôh, yor mbu nơm mbơh êng păng nơm jêng hađăch jêng nơm tâm rdâng đah Sêsar.”

Kôranh Oh Mon 24:5

N'hêl nanê̆ ngăn, hên mâp bunuyh aơ tâm ban ma nau ji tưp, ƀư uh ah ma lĕ rngôch phung Yuđa lam neh ntu jêh ri jêng kôranh ma mpôl Nasaret.

Kôranh Oh Mon 6:11

rĭ dĭng khân păng nsŭk nsôr ƀaƀă phung phong pô aơ: “Hên tăng jêh păng ngơi lĕ nau ngơi djơh tât ma Y-Môis jêh ri ma Brah Ndu.”

Nau Vay Nkah Tay 13:10

Ăn khân may klŭp păng ma lŭ tât khĭt, yorlah păng lĕ joi nau gay têk khân may hăn teng ngai đah Yêhôva Brah Ndu khân may, jêng Nơm hŏ njŭn leo jêh khân may luh bơh n'gor Êjipt, rklaih bơh vâl dĭk.

Nau Vay Nkah Tay 21:21

Nôk nây lĕ rngôch bunuyh tâm ƀon mra klŭp păng ma lŭ tât nkhĭt. Tâm ban pônây khân may mra ƀư kloh lơi nau djơh mhĭk bơh ta nklang khân may, jêh ri lĕ rngôch phung Israel mra klach da dê lah gĭt nau aơ.”

Nau Vay Nkah Tay 22:21

pôri ăn khân păng njŭn leo bu ur druh nây tât ta mpông ngih mbơ̆ păng, jêh ri phung ƀon lan tâm ƀon mra klŭp păng ma lŭ tât khĭt, yorlah păng ƀư nau bêk tâm n'gor Israel, ƀư tih văng tĭr dôl hôm gŭ tâm ngih mbơ̆ păng. Ƀư rai lơi nau tih mhĭk bơh khân may.

Nau Vay Nkah Tay 22:24

pôri khân may mra njŭn lĕ bar hê ta mpông ƀon jêh ri klŭp khân păng ma lŭ kŏ tât khĭt. Bu druh nây geh nau tih yor păng mâu ŭch kuăl kơl rklaih nđâp lah păng dôl gŭ tâm ƀon; bi ma bu klâu nây geh nau tih yorlah păng lĕ pit rvan ur phung chiau meng păng. Ƀư rai hom nau tih mhĭk bơh khân may.

Nau Vay Nkah Tay 5:20

May mâu dơi ngơi nchơt ƀư mhĭk ma phung chiau meng may nơm.

ហេឞ្រើ 11:37

Khân păng dơn nau bu klŭp ma lŭ, ot ma ndruih jêng bar buh, nkhĭt ma đao gưm; nsong mblêng ta aơ ta ri, nsoh ma ntâu biăp, ntâu be, pưt kƀah, bu tŭn jot jêh ri ƀư nau mhĭk.