I Phung Hađăch 21:11 - Nau Brah Ndu Ngơi 2023

¹¹ Phung bunuyh tâm ƀon păng, jêng phung bu ranh jêh ri phung bu yơk gŭ ta nây, ƀư tĭng nâm nau H'Jêsêbel ntăm jêh tâm samƀŭt hŏ njuăl ma khân păng.

I Phung Hađăch 21:11 ပူးပေါင်းရင်းမြစ်များ

I Phung Hađăch 21:10

Dơm hom tanăp măt păng bar hê phung mhĭk gay khân păng phong păng pô aơ: ‘May hŏ rak rtăp Brah Ndu jêh ri hađăch,’ jêh nây djôt leo păng luh padih jêh ri klŭp lŭ nkhĭt păng.”

I Phung Hađăch 21:12

Khân păng mbơh du nau rƀŭn ver ât sông sa jêh ri dơm Y-Nabôt ta mbor bôk phung ƀon lan.

II Nau Rêh Jêng 24:21

Khân păng tâm rnglăp ndrel rdâng đah păng, jêh ri tĭng nâm nau hađăch ntrŭnh, khân păng klŭp păng ma lŭ tâm nkual toyh ngih Brah Yêhôva.

Nau Ngluh Êjipt 1:17

Ƀiălah phung bu ur mât deh klach yơk ma Brah Ndu, mâu ƀư ôh tĭng nâm nau hađăch Êjipt ntăm, hôm om phung kon bu klâu ăn rêh.

Nau Ngluh Êjipt 1:21

Yorlah phung bu ur mât deh geh nuih n'hâm klach yơk ma Brah Ndu, yor ri Brah Ndu ăn ma rnăk vâl khân păng dơi jêng.

Nau Hôr 29:12

Tơlah kôranh chiă uănh iăt nau ngơi mƀruh, Pôri lĕ rngôch phung oh mon păng jêng djơh.

Nau Hôr 29:26

Âk bunuyh tĭng joi nau yô̆ bơh phung kôranh chiă uănh, Ƀiălah nau di ăn kon bunuyh tă bơh Brah Yêhôva.

Êsai 59:14

Yor ri nau sŏng rŭch du jêh, Nau sŏng srăng gŭ ngai; Yorlah nau ngăn chêh prah jêh tâm nklang nkual toyh, Jêh ri nau sŏng mâu dơi lăp ôh.

Ndrom Samƀŭt bơh Ôsê 5:11

Êphraim bu tŭn jot, Rchiăt hăch jêh bơh nau phat dôih; Yorlah păng hŏ tâm nal nchuăt tĭng nau ƀơ̆.

Kan Lêvi 19:15

Khân may mâu dơi ƀư nau mâu sŏng tâm nau phat dôih; mâu gŭ nding mpeh ma nơm o ach mâu lah yơk phung geh nau kan toyh, ƀiălah phat dôih hom phung chiau meng khân may ma nau sŏng.

Mika 6:16

Yorlah may hŏ djôt prăp jêh nau vay Y-Ômri Jêh ri hăn tĭng lĕ kan ngih Y-Ahap ƀư; May chuat hăn tâm nau khân păng nchră ndơm; Yor ri, Gâp ƀư ăn may jêng rngol, Phung ƀon lan may bu mra nsŭch, Jêh ri khân may mra anh nau prêng phung ƀon lan Gâp.

Mathay 2:12

Jêh nau nây, tâm nau mbơi, Brah Ndu mbơh ma khân păng mâu ăn khân păng plơ̆ tay ma hađăch Hêrôt ôh, pôri khân păng plơ̆ sĭt ma n'gor khân păng nơm trong êng.

Mathay 2:16

Tơlah hađăch Hêrôt gĭt ma phung njêh rlăm ma păng, păng ji nuih hâu ngăn, đă bu nkhĭt lơi lĕ rngôch phung kon se jê̆ bu klâu ntơm bơh jê̆ tât bar năm tâm ƀon Ƀêtlêhem jêh ri lam n'gor nây, tĭng di ngăn nar khay phung njêh mbơh ma Păng.

Kôranh Oh Mon 4:19

Ƀiălah Y-Pêtrôs jêh ri Y-Yôhan plơ̆ lah: “Dăn khân may sek uănh hom, moh nau di tanăp Brah Ndu, tông bâr ma khân may hĕ, mâu lah tông bâr ma Brah Ndu?

Kôranh Oh Mon 5:29

Y-Pêtrôs jêh ri kôranh oh mon plơ̆ lah: “Ăn he tông bâr Brah Ndu ueh lơn ma tông bâr bunuyh.

I Samuel 22:17

Hađăch lah ma phung tahan gak dâk jŭm păng: “Văch dăch hom jêh ri nkhĭt lơi lĕ rngôch phung kôranh ƀư brah Brah Yêhôva, yorlah khân păng kơl Y-Đavit, gĭt jêh păng lĕ du ƀiălah mâu ŭch mbơh ăn ma gâp gĭt.” Ƀiălah phung tahan gak hađăch mâu ŭch ôh yơr ti khân păng gay nkhĭt phung kôranh ƀư brah Brah Yêhôva.

I Samuel 23:20

Pôri aƀaơ, dăn hađăch hăn trŭnh hom tĭng nâm lĕ nau nuih n'hâm may ŭch. Bi hên mra jao păng tâm ti hađăch.”