I Phung Hađăch 21:10 - Nau Brah Ndu Ngơi 2023

¹⁰ Dơm hom tanăp măt păng bar hê phung mhĭk gay khân păng phong păng pô aơ: ‘May hŏ rak rtăp Brah Ndu jêh ri hađăch,’ jêh nây djôt leo păng luh padih jêh ri klŭp lŭ nkhĭt păng.”

I Phung Hađăch 21:10 ပူးပေါင်းရင်းမြစ်များ

II Samuel 20:1

Ta nây geh du huê bunuyh dơm dam, amoh Y-Sêba, kon bu klâu Y-Bikri, bunuyh Benjamin. Păng uh nŭng jêh ri kuăl: “He mâu geh du kô̆ tâm Y-Đavit ôh, Mâu đŏng geh dơn drăp ndơ tâm kon Y-Yêsê Hơi phung Israel, ăp nơm plơ̆ sĭt hom ma ngih păng nơm!”

I Phung Hađăch 21:11

Phung bunuyh tâm ƀon păng, jêng phung bu ranh jêh ri phung bu yơk gŭ ta nây, ƀư tĭng nâm nau H'Jêsêbel ntăm jêh tâm samƀŭt hŏ njuăl ma khân păng.

I Phung Hađăch 21:9

Păng nchih tâm samƀŭt nây: “Ntrŭnh hom du nau rƀŭn ver ât sông sa, jêh nây dơm Y-Nabôt ta mbor bôk phung ƀon lan.

II Phung Hađăch 6:32

Tâm nôk Y-Êlisê dôl gŭ tâm ngih păng nơm nđâp ma phung kôranh bu ranh. Hađăch prơh du huê bunuyh tâm phung oh mon hăn joi păng. Ƀiălah êlor bunuyh mbơh nây tât, Y-Êlisê lah ma phung kôranh bu ranh: “Khân may saơ lĕ nơm nkhĭt bunuyh nây prơh bunuyh hăn tât gay koh trô ko gâp? Uănh hom, tơlah nơm mbơh văch tât, nchăng mpông hom jêh ri kuăn ăn nâp mpông, lơi ăn păng lăp ôh. Mâu di hĕ khân may mâu tăng nteh nhuat jâng kôranh păng groi pakơi păng?”

Ndrom Samƀŭt bơh Yôp 1:5

Lôch jêh nar nhêt sa, Y-Yôp vay kuăl phung kon păng plơ̆ sĭt gay ƀư nau rƀŭn ƀư kloh ma khân păng. Păng kah rngăl ơm ôi nhhơr ndơ ƀư brah gŭch ma ăp nơm kon, yor păng mĭn êng: “Klach lah phung kon gâp ƀư tih jêh ri tâm nuih n'hâm suai rak Brah Ndu.” Y-Yôp ƀư ƀaƀơ pônây.

Nau Ngluh Êjipt 22:28

May mâu dơi ôh sưr rlau ma Brah Ndu, mâu lĕ dơi rtăp rak ma kôranh chiă uănh phung ƀon lan khân may.

Nau Hôr 6:19

Nơm nkoch mƀruh jêh ri ngơi nau nchơt, Nơm joi nau tâm djrel ndrăng oh nâu.

Êsai 59:14

Yor ri nau sŏng rŭch du jêh, Nau sŏng srăng gŭ ngai; Yorlah nau ngăn chêh prah jêh tâm nklang nkual toyh, Jêh ri nau sŏng mâu dơi lăp ôh.

Kan Lêvi 24:14

“Djôt leo hom nơm rak rtăp nĕ luh padih ngih bok. Đơ lĕ rngôch phung hŏ tăng jêh nau păng ngơi, ăn pah hom ti khân may ta bôk păng jêh ri ăn lĕ rngôch phung ƀon lan Israel klŭp păng ma lŭ.

Yôhan 10:33

Phung Yuđa lah: “Hên mâu klŭp ôh may ma lŭ yor du nau kan ueh, ƀiălah yor nau ngơi sưr rlau; yorlah may jêng du huê bunuyh, ƀiălah may lah may jêng Brah Ndu.”

Kôranh Oh Mon 6:11

rĭ dĭng khân păng nsŭk nsôr ƀaƀă phung phong pô aơ: “Hên tăng jêh păng ngơi lĕ nau ngơi djơh tât ma Y-Môis jêh ri ma Brah Ndu.”

Kôranh Oh Mon 6:13

Khân păng ăn phung mbơh nchơt mƀruh, lah pô aơ: “Bunuyh aơ vay ngơi lĕ nau ngơi djơh tât ma ntŭk kloh ueh jêh ri ma nau vay.

Nau Vay Nkah Tay 13:13

geh lĕ bunuyh mbruh nklă luh bơh ta nklang khân may, têk phung bunuyh gŭ tâm ƀon toyh nây pô aơ: ‘Ăn he hăn jêh ri yơk mbah ma phung brah êng’, jêng lĕ brah khân may mâu hŏ gĭt năl ôh,

Nau Vay Nkah Tay 19:15

Du huê nơm mbơh mâu hŏ dơi tŏng ôh gay kât nau tih đah du huê bunuyh tâm lĕ nau djơh mhĭk mâu lah nau kan tih khân păng ƀư. Ăn geh n'hêl nanê̆ tă bơh bar hê mbơh mâu lah pe nuyh ri mơ gĭt năl nanê̆ nau phong ngăn.

Phung Kôranh Phat Dôih 19:22

Nôk khân păng dôl răm maak ndrăng khân păng, geh phung bunuyh tâm ƀon toyh, jêng phung janh mhĭk, nchueng jŭm ngih nây, dong ta bôk mpông jêh ri lah ma bu klâu bu ranh, jêng kôranh vâl, pô aơ: “Leo hom bu klâu hŏ lăp tâm ngih may ăn păng văch ta aơ gay ma hên gĭt năl păng.”

I Samuel 2:12

Nôk nây, bar hê kon bu klâu Y-Êli jêng phung ƀai ngăn, mâu chrê ôh ma Brah Yêhôva.