I Phung Hađăch 20:7 - Nau Brah Ndu Ngơi 2023

⁷ Hađăch Israel jă lĕ rngôch phung bu ranh tâm bri dak hăn tât, jêh ri lah ma khân păng: “Khân may gĭt hom jêh ri saơ rah vah pô aơ bunuyh aơ dôl joi nau ƀư mhĭk ma he. Yorlah păng hŏ prơh phung mbơh hăn lah ma gâp gay ăn gâp jao phung ur gâp, phung kon gâp, prăk gâp jêh ri mah gâp ma păng, jêh ri gâp mâu dun ôh đah păng.”

I Phung Hađăch 20:7 ပူးပေါင်းရင်းမြစ်များ

I Phung Hađăch 20:6

Rlau ma nây, nar ôi taơ tâm mông aơ, gâp mra prơh phung oh mon gâp hăn tât ma may, khân păng mra joi tâm ngih hađăch jêh ri ngih phung oh mon may. Moh ntil ndơ may uănh jêng khlay ngăn, khân păng mra sŏk jêh ri djôt leo lĕ ndơ nây.’”

I Phung Hađăch 20:8

Lĕ kôranh bu ranh jêh ri lĕ rngôch phung ƀon lan lah da dê ma hađăch: “Dăn hađăch lơi dĭng iăt, mâu lah tông nau păng ôh.”

I Phung Hađăch 21:8

H'Jêsêbel sŏk amoh Y-Ahap gay nchih samƀŭt jêh ri tâp pŏng hađăch, njuăl samƀŭt nây ma phung kôranh bu ranh jêh ri ma phung bu yơk dôl gŭ ndrel tâm ƀon Y-Nabôt.

I Phung Hađăch 8:1

Nôk nây, hađăch Salômôn kuăl rgum phung bu ranh Israel, lĕ rngôch phung kôranh ndŭl mpôl jêh ri kôranh rnăk vâl phung ƀon lan Israel plơ̆ sĭt ta Yêrusalem, gay tung Hip Nau Tâm Rnglăp Brah Yêhôva tă bơh ƀon Đavit, jêng Siôn.

II Phung Hađăch 5:7

Tơlah jêh hađăch Israel răk samƀŭt nây lôch jêh, păng nkhêk ro bok ao păng jêh ri lah: “Păng prơh nơm văch ma gâp gay gâp ƀư bah ji phŭng. Gâp mâu di jêng Brah Ndu lĕ, dĭng dơi nkhĭt jêh ri ăn dâk rêh? Ăn khân may gĭt jêh ri saơ pô aơ păng joi nau gay ƀư jêr đah gâp.”

I Nau Rêh Jêng 13:1

Y-Đavit tâm chră ndrel ma phung kôranh du rbăn nuyh tahan jêh ri du rhiăng nuyh tahan, ndrel ma lĕ rngôch kôranh chiă uănh.

I Nau Rêh Jêng 28:1

Y-Đavit kuăl rgum lĕ rngôch phung kôranh toyh phung Israel văch ta ƀon Yêrusalem geh phung kôranh ndŭl mpôl, phung kôranh mpôl pah kan ma hađăch, kôranh chiă uănh toyh ma du rbăn nuyh tahan jêh ri di rhiăng nuyh tahan, phung kôranh mât uănh drăp ndơn jêh ri mpô mpa hađăch rong, phung kon bu klâu hađăch, ndrel ma phung kôranh bu char jêh ri phung tahan janh ktang.

Ndrom Samƀŭt bơh Yôp 15:35

Păng bă ntreo ma nau mhĭk mra deh ma nau janh ƀai, Nuih n'hâm khân păng ndrăp lor nau mƀruh ndơm.”

Nau Mprơ Ơm 140:2

Jêng phung nchră ŭch ƀư nau mhĭk tâm nuih n'hâm, Jêh ri ăp nar ŭch nau tâm lơh.

Nau Mprơ Ơm 36:4

Păng nchră ŭch ƀư nau mhĭk ta klơ sưng păng, Gŭ dâk tâm trong mâu ueh, Jêh ri mâu chalơi ôh nau ƀai.

Nau Mprơ Ơm 62:3

Ndah jŏ khân may hăn lơh ma du huê bunuyh? Lĕ rngôch khân păng tâm rgum gay ma lơh rlâm bu Nâm bu mpir ngih nkêng, tâm ban pêr bơi ma cha lôt lĕ?

Nau Mprơ Ơm 7:14

Ri phung ƀai hŏ ntreo ma nau djơh mhĭk, Păng ntreo ma nau mhĭk, Jêh ri luh ma nau mƀruh.

Nau Hôr 11:14

Mâu geh kôranh chiă uănh, phung ƀon lan mra rlâm tŭp, Ƀiălah yor geh âk phung kơl nchră păng dơi geh nau đăp rmên.

Nau Hôr 11:27

Mbu nơm joi nau ueh mra mâp nau yô̆, Mbu nơm tĭng joi nau mhĭk, nau mhĭk mra tât ma păng.

Nau Hôr 24:2

Yorlah nuih n'hâm khân păng knŏng mĭn ma nau janh ƀai, Jêh ri mbung khân păng ngơi nau ƀư mhĭk.

Nau Hôr 6:14

Nuih n'hâm bêng nau kue, păng tâm nchră ma nau mhĭk, Ăp tơ̆ joi nau tâm djrel ƀaƀơ.

Daniel 11:27

Bi ma bar hê hađăch nây, tâm nuih n'hâm ŭch mĭn ƀư mhĭk ndrăng khân păng nơm; khân păng gŭ ndrel du mlâm sưng sông sa ƀiălah khân păng tâm ngơi ma nau ndơm. Ƀiălah nau ngơi nây mâu jêng yorlah nau nglĕ dŭt mra tât tâm rnôk tâm nal jêh.