I Phung Hađăch 20:42 - Nau Brah Ndu Ngơi 2023

⁴² Nơm mbơh lor lah: “Brah Yêhôva lah: ‘Yorlah may mƀơk lơi bơh ti may bunuyh Gâp lĕ dăp nal jêh ma nau ƀư rai lơi, pônây nau rêh may mra ntrok nau rêh păng jêh ri nau rêh phung ƀon lan may ntrok nau rêh phung ƀon lan păng.’”

I Phung Hađăch 20:42 ပူးပေါင်းရင်းမြစ်များ

II Samuel 12:7

Rnôk nây, Y-Nathan ngơi lah ma Y-Đavit: “Hađăch yơh jêng bunuyh nây! Yêhôva Brah Ndu phung Israel geh lah: ‘Gâp hŏ tŏ dak ƀâu kah njêng may jêng hađăch Israel, Gâp hŏ rklaih jêh may tă bơh ti Y-Sôl.

I Phung Hađăch 20:34

Y-Ben-Hadat lah ma Y-Ahap: “Gâp mra mplơ̆ ma may lĕ ƀon mbơ̆ gâp sŏk jêh tă bơh mbơ̆ may, jêh ri may ndâk ngih tăch drăp ta Damas, nâm bu mbơ̆ gâp hŏ ƀư tâm Samari.” Y-Ahap lah: “Gâp sŏk dơn nau may hŏ tâm nkol aơ jêh ri mra ăn may hăn sĭt.” Pônây Y-Ahap ƀư nau tâm nkol đah Y-Ben-Hadat, jêh ri ăn Y-Ben-Hadat hăn sĭt.

I Phung Hađăch 20:39

Dôl hađăch hăn rgăn, păng nter huy ma hađăch pô aơ: “Oh mon may dôl gŭ ta nklang nau tâm lơh, geh du huê bunuyh njŭn du huê bu nă jêh ri lah: ‘Sâm njrăng mât bunuyh aơ, tơlah ăn păng nchuăt klaih, nau rêh may mra ntrok nau rêh păng, mâu lah may mra ntrok pe jât kilô prăk.’

I Phung Hađăch 20:41

Bunuyh nây sŏk lơi ro pŏk bok nkŭm muh măt păng nơm, jêh ri hađăch Israel gĭt năl păng jêng du huê tâm phung nơm mbơh lor.

II Phung Hađăch 6:24

Ƀiălah jŏ djê̆ pakơi, Y-Ben-Hadat, hađăch Aram tâm rƀŭn lĕ phung tahan păng n'hoch hao nchueng ƀon Samari.

II Phung Hađăch 8:12

Y-Hasael ôp păng: “Moh nau dĭng kôranh gâp nhĭm?” Y-Êlisê plơ̆ lah: “Yorlah gâp gĭt may mra ƀư nau mhĭk ma phung ƀon lan Israel. May mra su ma ŭnh lĕ ƀon nâp ngăn khân păng, sŏk đao nkhĭt phung mom ndăm, jêh ri choh hăch phung kon se khân păng, jêh ri roch lơi proch bu ur dôl geh ntreo.”

Kan Lêvi 27:29

Du huê bunuyh hŏ jao jêh tâm nau rai lôch, bu mâu dơi vay chuai tay ôh; bunuyh nây mra nkhĭt.’

I Samuel 28:18

Yorlah may mâu tông tĭng ma nau ngơi Brah Yêhôva, mâu ƀư ăn ma phung Amalek gĭt nau ji nuih Păng, yor nây yơh nar aơ Brah Yêhôva ƀư jêh ma may kơt nĕ.