I Phung Hađăch 20:35 - Nau Brah Ndu Ngơi 2023

³⁵ Nôk nây, geh du huê tâm phung nơm mbơh lor, tông nau ntăm Brah Yêhôva, lah đah băl păng nơm: “Gâp dăn ma may, dong hom gâp!” Ƀiălah păng dun mâu ŭch dong.

I Phung Hađăch 20:35 ပူးပေါင်းရင်းမြစ်များ

II Phung Hađăch 2:15

Tơlah phung oh mon phung nơm mbơh lor gŭ ta Yêrikô saơ Y-Êlisê bơh ngai jêh ri lah: “Huêng brah Y-Êli gŭ jêh ta Y-Êlisê.” Khân păng hăn chuă vơt păng, chon mon ta neh tanăp măt păng

II Phung Hađăch 4:1

Nôk nây, ur du huê tâm phung oh mon phung nơm mbơh lor vơl ma Y-Êlisê: “Sai gâp jêng oh mon may lĕ khĭt jêh, jêh ri may gĭt jêh ma oh mon may klach yơk jêh ma Brah Yêhôva. Aƀaơ aơ, nơm tơm rnon văch gay nhŭp lơi bar hê kon bu klâu gâp gay ƀư dĭk.”

II Phung Hađăch 4:38

Y-Êlisê plơ̆ sĭt ma Gilgal. Nôk nây, tâm n'gor bri dôl geh nau ji ngot toyh. Phung oh mon phung nơm mbơh lor dôl gŭ panăp Y-Êlisê. Păng lah ma phung oh mon păng: “Sŏk hom glah ƀŭng toyh, gâm trao ăn ma phung oh mon phung nơm mbơh lor sa.”

Êsai 8:18

Aơ, gâp jêh ri phung kon Brah Yêhôva ăn jêh ma gâp jêng nau mbên khlay jêh ri nau tâm mbơh tâm bri Israel tă bơh Brah Yêhôva ma phung tahan, Nơm gŭ ta yôk Siôn.

Êsêkiêl 4:3

Jêh nây sŏk đŏng du plơp loih rlat ƀư mpêr loih rgăn vah vang may đah ƀon, jêh ri rle muh măt may đah păng. Bu mra nchueng păng jêh ri may mra nchueng păng. Nây jêng nau mbên ăn ma ngih Israel.

Amôt 7:14

Y-Amôt plơ̆ lah ma Y-Amasia pô aơ: “Gâp mâu jêng du huê nơm mbơh lor ôh, mâu lĕ jêng kon du huê nơm mbơh lor; ƀiălah gâp jêng du huê rmăk biăp jêh ri nơm mât mray tơm si sikamôr.

Mathay 16:24

Jêh nây Brah Yêsu lah ma phung oh mon pô aơ: “Tơlah mbu nơm ŭch tĭng Gâp, ăn păng dun khân păng nơm, tuy si tâm rkăng khân păng nơm gay tĭng Gâp.

I Têsalônik 4:15

Aơ jêng nau hên rnơm nau ngơi Kôranh Brah gay lah ma khân may: He jêng phung hôm rêh ƀiălah hôm gŭ ta neh kŏ tât ta nar Kôranh Brah plơ̆ văch, pô ri he mâu mra hăn lor ôh ma phung bê̆ch jêh.

I Samuel 10:12

Du huê bunuyh gŭ ta Gibêa ôp: “Ƀiălah mbu nơm jêng mbơ̆ khân păng?” Yor ri, geh nau hôr pô aơ: “Di lĕ nđâp Y-Sôl jêng du huê tâm phung nơm mbơh lor?”